المشهد الريسي


قاعد في التخشيبه و الوقت هناك غير العادي بطيء جدا و مش مفهوم و الفكر اصعب انا قاعد براجع كل حاجه حصلت مش في الكام يوم دول لا في حياتي كلها مش لقي سبب لي وجودي هنا جيه الليل و انا صاحي و جيه النهار و انا برده صاحي لحد ما عسكري جيه اخدني لي مكتب رايس المباحث
شخص : بس يا باشا
رايس المباحث : (بص للورق الي قدامه) تمام يا متر تقدر تخد مازن
شخص : شكرا بس لو ممكن تفكه الكلبش
رايس المباحث : مازن انتا نزلت شحنه بن جديده
انا : لا معاد البن الي بيوصل بيكون اول الشهر
شخص : يا باشا انا فهمت حضرتك اني السبب هو الواد الي شغل معاه هو الي استلم
رايس المباحث : طيب تقدر تتفضل و تاخد مازن معاك مازن انتا معاك محامي شاطر اوي و مش عايز اشوف وشك تاني طول ما انا في الخدمه اتفضل البطاقه

اخدت البطاقه و طلعت بره و معايا المحامي كان في عربيه وقفه بره ركبتها
انا : هو حضرتك مين
شخص : انا فريد شوقي المحامي و جي علشان اطلعك
انا : طيب هو مين الي عين حضرتك
فريد : ها تعرف دلوقتي
انا : طيب هو انا طلعت ازي
فريد : جيه واحد شال القضيه
انا : ازي
فريد: انا اديت ورق من شركه البن الي انتا بتتعامل معاها انهم ورده بن ليك و موظف الشحن هو الي حط المخدرات ليك
انا : ازي ازي تجيب واحد بريء يشيل القصه دي
فريد: هههههه انتا طيب يا مازن بيه بس متخفش الي شال القضيه مش بريء اوي يعني الي شال القضيه هو واحد من اسكندريه هربان و ضارب ورق كان هربان من حكم في قضيه اغتصاب لي عذراء
انا: انتا بتتكلم بجد وله بتقول كده علشان اسكت
فريد: لو عايز اسكتك مش ها قول كده اخلي السوق يلف العربيه نرجع هناك و تعترف على نفسك انا معنديش وقت اقعد اقنع فيك بس انا عندي خبر مش كويس ليك
انا : ايه هو
فريد: مدام امل
انا : امي
فريد : ايوه اول ما سمعت الخبر دخلت المستشفي اهدي احنا ريحين في الطريق دلوقتي ليها ماشي اهدي بس

في مشهد آخر


سحر وصلت المستشفي و كان مصطفي هناك
مصطفي : ليكي وحشه يا سحر
سحر : و انتا اكتر يا مصطفي فين امل
مصطفي : جوه مازن عملتي ايه معاه
سحر : جي في السكه انا دخله ليها ماشي
مصطفي : ماشي

دخلت سحر الاوضه و امي متوصله بأجهزة قعدت جنبها
سحر : امل
امي : سحر عايزك تحلفي على مصحف انك ملكيش علاقه بالي حصل لي مازن
سحر : انتي عايزني احبس مازن مازن ده ابني انا حته مني مقدرش اعمل فيه حاجه
امي : فين مازن
سحر : جي في السكه انا قومت ليه اكبر محامي و طلع و جي في السكه
امي : (بتاخد نفسها بالعافيه) اوعديني مازن يبقي في امان و محدش يلمس منه شعره ارجوكي يا سحر حفظي على الواد
سحر : و انتي رحتي فين يا صحبتي يا اختي
امي : انا مش عرفه ريحيه فين وله عرفه ايه الي ها يحصل بعد كده بس لو حصلي حاجه مصطفي و جمال ابني عرفين الحقيقه متخفيش لو مت مش ها تموت معايا
سحر : متقوليش كده يا امل انا ها جيب اشطر دكاتره في مصر علشانك مازن مش ها يعرف يعيش من غيرك
امي : مازن راجل و يقدر يستحمل ها يتعب في الدنيا بس متخفيش عليه انا ربيت راجل يقدر يدخل في الدنيا بصدره خلي انتي بالك منه

تيت تيت تيت

طلعت سحر و خرجت دكاتره تجري على الاوضه بتاعت امي و انا داخل مع فريد رحت لي عمي مصطفي
انا : ايه الي حصل امي فين فين الاوضه بتعتها
مصطفي : (بص في الارض و حط ايده على كتفي)
انا : لالالا الجو ده انا عرفه لا امي كويسه صح قول يا عمي مصطفي قول اكيد كويسه
سحر : (دمعها على خدها خدتني في حضنها) شد حيلك يابني
انا : (بعدت عنها) لا اشد حيلي ازي لا
دكتور : (طلع من الاوضه) البقيه في حياتكم يا جماعه
محمود : لا امي لا انتا السبب انتا السبب مش ها سيبك يا مازن انتا الي موتها انتا السبب ها قتلك ها قتلك
خليل و الحرس وقفه في النص بنا
مصطفي : (ماسك ايدي) قدرها يابني عمرها خلص
انا : (بعدم اقتناع) لا لا قدر ايه لا امي عايشه صح اكيد الدكتور بيهزر اكيد صح صح انتا بتهزر ايوه بتهزر امي عايشه امي عايشه (بزعق بعالي صوت) امي يا امي يا ماما يا امل قومي قومي مش ها تموتي (محستش بحاجه تاني خالص غير و انا بقعد على الارض و سامع سحر بتقول ابني و محمود بيقول ها قتلك و بكاء جمال)


اخدني الدكتور و دخل بيا اوضه علشان يكشف عليا و بعدها طلع لي سحر
سحر : ابني
دكتور : اللاسف احنا بنحاول بس حصلت ليه صدمه عصبيه شديده جدا و المخ مش قادر يتعامل معاها فا دخل في حاله الثبات دي احنا بنحاول و الي ها نقدر عليه ها نعمله
سحر : (مسكت الدكتور من هدومه) اسمع انتا قولت نفس الكلام عن امل و ماتت و كانت صحبت عمري لكن الي على السرير جوه ده ابني ابني الوحيد يا تفوقه يا احجز ليك سرير جنبه انتا الي يتشدد ليك فاهم مازن لزم يفوق يعني لزم يفوق
دكتور : (شايف الشر في عين سحر) طيب طيب ها حاول
سحر : مفيش ها حاول في ها قومه لو حكمت اجيب منظمه الصحه العالميه لحد عنده ها جيب بس يفوق مازن لزم يفوق
دكتور : حاضر حاضر

دخل الدكتور و بعد شويه بدأت الناس توصل علشان يخلصه ورق الدفن و الكلام ده خلصوه و دفنه و عمله العزاء و انا في اوضه المستشفي محدش فكر يجي يبص عليا من اهلي او الي كنت فاكرهم اهلي مفيش غير جمال الي كان كل يوم يجي يبص عليا و يشوف سحر لو عايزه حاجه في يوم راح و كانت سحر في الاوضه بتعتي قاعده و بصه ليا و مهديه النور
جمال : (خبط و دخل) اذيك يا سحر هانم مازن عامل ايه دلوقتي
سحر : مفيش جديد يا جمال
جمال : ها يقوم انا عارف اخويا كويس ها يقوم
سحر : (بصه لي وشي) عارف يا جمال زمان كان عندي استعداد ادفع نص عمري علشان اكون هنا و قريبه منه اشوفه و هو نايم بس مش عايزه اكتر من كده لحد ما جيه القريه عندي اول يوم اخدت المفتاح و دخلت الشاليه طلعت لي الاوضه بتعته و قعدت جنب سريره فضلت قاعده و بصه ليه محستش بالوقت وله انا قعدت قد ايه كنت فرحانه بالشاب الي قدامي و شكله مكنش مهم ليا انه محترم او لا مش مهم بس اكتشفت انه انسان محترم لما لحظت انه مش بيشرب خمره وله يعرف ستات الي كبره في نظري قوي انه رفض يقعد معايا و راح قعد مع بنت اسمها حوريا علشان يخلي باله منها عرفت قد ايه اني امل عرفت تربي صح و تطلع راجل انا مكنتش هاعرف اربيه خالص امك عملت معجزه امك دي اعظم ست في الدنيا بس مازن بيروح مني و بخسره قدام عيني زي ما خسرت ابوه قدام عيني
جمال : (بص ليا) مفيش خساره تاني خلاص مازن ها يقوم انا عارف اخويا كويس ياخد كل قلم و التاني و يقوم زي القرد مازن بلاش تمشي و قوم

و هما بصين ليا منتظرين معجزه تحصل حاله تشنجوات جمده و جسمي يتنفضل من مكانه دخل الدكتور و التمريض طلعوهم بره نص ساعه و جمال ماسك دماغه خايف يخسر اخوه ايوه انا مش اخوه بس اتربينا مع بعض من صغرنا حرفياً كنا مع بعض في كل حاجه و سحر خيفه تخسر ابنها الوحيد الي علشانه مستعده تعمل
تعمل اي حاجه و احزر ست ممكن تخسر ابنها بتبقي زي الوحش الكاسر
دكتور : (طلع من الاوضه و هو خايف جدا من سحر) اللاسف يا جماعه الحاله نزلت اكتر من الاول و المسئله وقت مش اكتر
سحر : ازي
دكتور : (بلع ريقه) التشنجات دي اخرت الحاله اكتر و بقت مسأله وقت بعد اذنكم


مشي الدكتور و سحر قعدت و مسكه رسها و جمال قعد على الارض و انا في الاوضه مش حاسس بحاجه غير حلم طويل جدا بس مش عايزه يخلص علشان فيه امي نايم في حضنها و هيا بتلعب في شعري
امي : ايه مش عايز تقوم
انا : لا عايز افضل في حضنك
امي : لو فضلت هنا مش ها تعرف تطلع خالص
انا : انا مش عايز اطلع انا عايز افضل معاكي لحد الاخر انتي طول عمرك حنينه عليا احن من الدنيا دي كلها
امي : بس لزم تقوم انا طول عمري بقلك قوم مهما الدنيا تكسر فيك لزم تقوم مهما الدنيا تكون قسيه عليك و مش كويسه معاك لزم تقوم لزم تقوم علشان لو فضلت هنا مش ها تعرف تطلع خالص (شورت على باب الشقه الي بيتقفل) اطلع يا مازن
انا : (بتحايل عليها زي العيل الصغير) انا عايز افضل في حضنك
امي : لا انتا كبرت و كان ها يجي الوقت الي تطلع فيه من حضني و تبقي الراجل الي انا عملته انا عملت منك راجل مش عيل صغير يجي يستخبي في حضن امه قوم يا واد قوم
انا : ها شوفك تاني
امي : انا مكاني ثابت لكن انتا ها تمشي في الدنيا بس الي مطمني انك عارف مكاني

قومت من حضنها و حاسس اني روحي بتطلع بوست ايدها و رحت عند الباب و طلعت منه كان حلم جميل جدا و انا كنت سعيد فيه جدا

قومت في الرعايه و انا نايم على السرير اول حاجه شوفتها هيا الدكتور
دكتور : انتا كويس
انا : (هزيت راسي بايوه)
دكتور : مبروك رجوعك يا بطل

يتبع....


المشهد العام



شباب الجزء ده المفروض ينزل يوم الاتنين بس النهارده كانت مفجأه انه عيد ميلادي فا قررت انزل جزء النهارده و الاتنين كمان في تقليد بعمله كل سنه يوم عيد ميلادي بسجل اليوم في النتيجه علي التلفون و بكتب رساله لي نفسي و بسبب المشاغل و تعب السنه بنسي الرساله السنه دي نص الرساله عايز اشركه معاكم (انتا يا زفت كل سنه و انتا طيب يا انا و اتمني تكون عملت عيد ميلاد مش جو الدونت الحكيان بتاع كل سنه ده الواحد نفسه في حته جاتوه خلاص خلصنا هزار انا بقول لي نفسي كل سنه و انا طيب و اتمني تكون السنه دي عدت على خير معاك مش زي باقي السنين و كمان اتمني نكون لقينا السعاده و نصيحه السنه دي بلاش تقبل بالحل الاخر بلاش تقبل انك تكون وسط مكب زباله او خرابه و تقول انك سعيد انتا تستحق احسن من كده بكتير بلاش تقبل بجو هو ده الموجود و الكلام ده لا الواقع لو مش عجبك غيره يا تموت و انتا بتحاول كلام عميق صح طيب يا سيدي مش ها طول عليك كتير اتمني انك تكون سعيد و مين عارف ممكن يكون بعد ما كتبت الرساله دي تلقي السعاده علي العموم اوعي تنسي تكتب رساله زي دي تاني علشان العيد الي جي سلام يا انا) ده نص الرساله الرساله دي كل سنه بحس انها جيه في معدها اتمني المره الجيه و انا بقراء الرساله بتاعت السنه دي اكون فعلاً لقيت السعاده و انته كمان اتمني ليكم السعاده ديمن

شكراً

الفصل الرابع

كنت فاكر اني املك مصيري كنت فاكر اني المتحكم لحد ما لقيت اني وله حاجه مهما فكرت نفسك قوي يطلع خازوق تلبسه يبين ليك انك وله حاجه اصلاً مجرد ورقه طيره ملهاش لزمه بلاش نفتكر اني احنا عرفين كل حاجه عن نفسك علشان في الاخر بيطلع الي نعرفه نقطه في بحر


بدايه الفصل


فوقت في اوضه الانعاش و الدكتور اطمن عليا و بعد كده طلع بره
دكتور : اطمنه يا جماعه الحاله مستقره
سحر: يعني فاق
دكتور : ايوه فاق بس ها يفضل تحت الملاحظه شويه
جمال : مش مهم المهم انه فاق
دكتور :فاق و ها يبقي كويس بس مع الوقت
سحر : مش مهم
دكتور : طيب عن اذنكم

مشي الدكتور و سحر و جمال ارتاحه شويه

في مشهد اخر


عمي مصطفي قاعد مع اعمامي كلهم
مصطفي: متجمعين ليه يا ولاد ابويا
عاصم : قولي يا مصطفي ايه حكايه الست الي اسمها سحر الخديوي دي فعلاً هيا و مازن على علاقه
محمود: طبعا علشان كده طلعته
مصطفي: اخرس يا محمود بدل ما اقوم اجيب رقبتك دلوقتي قدام الكل حكايه مازن و سحر ابعد من كده بكتير
عاصم : طيب فهمني ايه الحكايه
مصطفي : طيب (عرفهم الحكايه من اولها لي اخرها) بس
محمود : يعني الحيوان ده عاش معانا و دخل بيوتنا و احنا فكرين انه من اهلنا و في الاخر لا
مصطفي : بلاش تشتم اخوك
عاصم : اخو مين بقي خلاص
مصطفي : مازن تربيه محمد اخونا ولو نسين محمد عمل ايه لي كل واحد فيكم افكركم انتا يا عاصم لما اترفضت في شرطه زمان و ابونا رفض يدفع فلوس ليك هو دفعها من نفسه من جيبه و انتا كمان يا مرتضي حتي انا كمان لبس البدله دي بس علشان محمد ساعدنا
عاصم : يبقي اولي نقف جنب اولاد محمد مش واحد غريب
محمود : هو سبب حسره امي و موتها انا ها قتله
مصطفي : اعقل يا محمود بلاش عبط
عاصم : بص يا مصطفي يا اخويا مازن يطلع ابن العفريت الازرق مش مهم المهم اني الورث الي اخده يسيبه يا إما زي ما دخل علينا ملفوف يطلع من هنا ملفوف بكفنه
مصطفي: تبقه مجانين الي ها يقرب من مازن انا الي هاقف في وشه مش حد تاني (قام وقف وسطهم) ده لو جيش سحر الخديوي مخلصش من كل واحد فيكم سلام يا ولاد ابويا

قام مصطفي و رجع بيته لي مراته و اولاده عنده احمد الكبير دكتور بشري و عنده محمد ده طالب في كليه الشرطه و عنده اخر العنقود نور دي ثانويه عامه و لسه مخلصه معايا و مراته اسمها حنان
حنان : مصطفي انتا جيت
مصطفي : ايوه (اترمي على الكرسي)
حنان : فيك ايه شكلك تعبان
مصطفي : اخواتي مطلعين عيني و نوين لي مازن على نيه مش كويسه غير محمود واخد صفهم
حنان : معلش يا مصطفي اخواتك مصدومين من الي حصل مين قال اني مازن يطلع مش ابن محمد و انتا كنت عارف
مصطفي : اعمل ايه يا حنان السر مش بتاعي علشان اطلعه السر يخص اصحابه و لوله اني امل قالت قبل ما تموت احكي مكنش حد عرف لحد ما اموت و السر يموت معايا
حنان : كنت شايل في قلبك كتير بس الي مش قدره افهمه رغم انك عارف انه مش ابن اخوك عمري ما شوفتك بتبعد مازن عن نور ابدا كنت تسبهم يروحه الدروس مع بعض و يلعبه مع بعض و هما صغيرين
مصطفي : علشان مازن طيب دلوقتي لو مازن شايف السكينه على رقبت الكل في العيله دي ها يكون هو الي بيحوشها رغم انهم مش حبينه و له عمرهم حبوه و الي زاد و غطي لما الكل رفع صباعه في وشه و قاله عليه مجنون
حنان : بس يعني الكلام ده حقيقه وله لا
مصطفي : لا انا عارف مازن عاقل جدا هو عماد الي ابن كلب زي ابوه و أمه طول عمرهم يحبه الفلوس و لو حتي على حساب اي حد مهما كان طول عمرهم طماعين
حنان : انتا ها تقولي على مرات اخوك دي دي عايزه تخطب بنتها لي أحمد
مصطفي : و انا لو القطر قطع مني حتت مش ها حط ايدي في ايد حسن اخويا خالص بعد الي عمله مع مازن
حنان : عندك حق بعد الي عملوه ملهمش امان
مصطفي :قليلي فين البنت
حنان : مع صحبتها بره من ساعت ما الكافيه بتاع مازن اتقفل و هما مش لقين حته يرتاحه فيها
مصطفي : و الكافيه مش ها يتفتح تاني مازن لما يفوق امه ها تاخده معاها الي شافته من بعد ابنها عنها كان صعب و دي ام و انتي ادري
حنان : عندك حق يا مصطفي
مصطفي : (تلفونه رن) ده جمال استر يا رب (رد عليه) ايوه يا جمال
جمال : مازن فاق يا عمي
مصطفي : بجد حصل امته
جمال : من كام ساعه
مصطفي : طيب اقفل اقفل انا جي دلوقتي سلام
جمال : سلام (قفل السكه)
حنان : ايه الي حصل يا مصطفي طمني
مصطفي : مازن فاق من كام ساعه و هو كويس
حنان : طيب تعاله نزوره بسرعه
مصطفي :طيب البسي كويس اني لسه لبس يله

لبست حنان و نزله ركبه العربيه و راحه على المستشفي لقه الدور كله مقفول
حارس : ممنوع يا استاذ
مصطفي :ممنوع ازي
حارس : الدور كله مقفول
مصطفي : بامر من مين
حارس : من سحر هانم بعد ازنك اتفضل و بلاش تعملي مشاكل لو سمحت
مصطفي : طيب (لمح جمال) يا جمال يا جمال
جمال : بعد ازنك دول معايا انا
حارس : اتفضل يا فندم احنا اسفين

دخله جوه الدور
مصطفي : ليه كل الحراسه دي يا جمال
جمال : سحر هانم امرت اني الدور كله يتقفل
مصطفي : ليه
جمال : مش عارف
سحر : مصطفي عامل ايه
مصطفي : انتي الي عمله ايه معلش كنت مقصر معاكي بسبب الشغل بس
سحر : عارفه يا مصطفي و بعدين جمال قام بالواجب و زياده
مصطفي : اعرفك حنان مراتي
سحر : اهلا يا حنان
حنان : اهلا بيكي و الف سلامه على مازن
سحر :..... يسلمك
مصطفي : قليلي يا سحر ها تعملي ايه دلوقتي مع مازن
سحر : مش عرفه و مش عرفه احكيلي حاجه
مصطفي : طيب سيبي موضوع الحكايه ده عليا انا مازن بيثق فيا
سحر : طيب يا مصطفي
مصطفي : طيب انا داخله
سحر : اتفضل
جمال : سحر هانم
سحر : هانم ايه بس يا جمال انتا زي ابني ده انتا مولد علي ايدي يا واد قولي يا سحر عادي
جمال : طيب حضرتك ها تعملي ايه مع مازن يعني
سحر : (فهمت هو قصده ايه) بص يا جمال انا كده كده كنت نويه اخد مازن طالت قصرت هاخده بس انا مقدرش احرمك منه انتا كنت ليه اب و اخ و اكتر كمان
جمال : (مبتسم الانه ها يقدر يوفي بالوصيه) شكرا

في الاوضه جوه كنت نايم على السرير و دخلي عمي مصطفي و فهمني الحكايه من اولها لي اخرها
انا : (دموعي على خدي) ليه
مصطفي : مكنش في حل غير كده يا كده يا تموت بس امل قالت ذنبه ايه عيل صغير يروح في الرجلين بسبب غلطه هو ملهوش يد فيها
انا : و انا كنت الغلطه دي صح
مصطفي : لا الغلطه غلطه عزام الخديوي ساب امك ضهرها للحيط عيله صغيره و معاها مليارات و اخوتها طماعين صدقني يا مازن انتا و سحر مظلومين كتير في الحكايه دي هيا مظلومه علشان مش قدره تخدك في حضنها 20 سنه كملين و انتا مظلوم عشت كذبه عمرها 20 سنه محدش طلع من القصه دي كسبان خالص
انا : ليه يحصل فيا كل ده ليه
مصطفي : ده قدرك يابني و لزم تعيش معاه يا تغيره و تغير القدر مش بأدينا يبقي تتعايش معاه طول عمرك في ضهر امل زي ما تكون الكبير و اكتر كمان بس سحر محتاجه ده اكتر انتا عندك اخوات بنات و لزم تقف جنبهم هما عايزنك اكتر (قام مصطفي من على الكرسي و راح نحيه الباب و وقف) بص انتا بأيدك الاختيار يا مازن يا تاخد حقك من الدنيا يا تسيب الدنيا من اخرها علشان الدنيا مفيش فيها ضعيف

طلع مصطفي و انا فضلت قاعد بفتكر كل حاجه حصلت في حياتي الست الي بره دي عمرها ما كانت امي
انا : عمرها ازي دي امك
انا : امي امي كانت فين 20 سنه
انا : انتا عارف ال20 سنه دول كان فيهم ايه شافت ايه عاشت ايه و هيا بطولها يعني لوحدها سحر يمكن عمرها ما كانت جنبك خالص في تعبك و فرحك بس كان نفسها تبقي جنبك القدر يا صديقي القدر هو الي مكنش قابل وجدكم مع بعض يمكن الي انتا شوفته في حياتك تأهيل للجي انتا تعرف منين
انا : انتا طول عمرك طيب بتسامح
انا : (ابتسمت بسخريه) طيب كنت طيب بس الي احنا شوفنه مع بعض خلاص مفيش طيبه تاني يا مازن الي جي كله مشاكل و اكبر مشكله هيا محمود تفتكر ها يعمل ايه ده على جثه امه و قال انك السبب و انتا مظلوم خلاص يا مازن كفايه كده تعيش في دور المظلوم و تبقي ظالم تختار انهي تعيش في دور الضحيه كله جيه عليك بس تعيش في دور الجاني تبقي ملك و اديك شايف عماد جاني و عايش ملك و محبوب الملك يا صحبي مش لي المظلوم الملك للظالم يا ميزو


خلصت جلسه النقاش مع الذات و قعدت افكر في كلامه طلع فيه شيء من المنطق و كلامه عقلاني انا محمود مش ها يسبني في حالي وله اي حد تاني دخلت سحر و انا سرحان
سحر : احم احم انتا صاحي
انا : (بصيت ليها و حركت دماغي ايوه)
سحر : طيب محتاج حاجه اجبها ليك
انا : (حركت دماغي لا)
سحر : طيب تحب تحكي شويه تتكلم يعني لو تحب
انا : (فكرت شويه و بصيت ليها) نتكلم نتكلم في ايه انتي اختارتي و انا بدفع الفتوره
سحر : مش لوحدك صدقني مش لوحدك انا دفعت من عمري 20 سنه من غيرك زي ما يكونه قرون او ملاين السنين من غيرك انتا يابني بس كان قدامي حل تاني اخدك و تموت او اسيبك لحد ما تكبر و ترجع لي حضني تاني
انا : طبعا اختارتي الحل التاني الاسهل
سحر : عمره ما كان سهل عليا اسيبك يوم بعيد عن حضني بس علشان تعيش (دمعها نزلت) تعيش و تبقي الراجل الي قدامي راجل ملو هدومك راجل كبير و عاقل عندك دماغ توزن بلد مش عيل بايظ كان ممكن اسيبك في اي حته تاني بس اختارت امل علشان تطلعك راجل الراجل الي قدامي دلوقتي
انا : طيب اضمن منين لما ارجع معاكي عمرك ما تسبيني في اول مطب
سحر : ارجع انتا بس و كل حاجه انتا عايزها تحصل ارجع معايا يابني
انا : (فكرت شويه) ماشي راجع


اخدتي سحر في حضنها و انا مش حاسس بحاجه وله حاسس اي احساس ليها انها امي او خالتي حتي بس لما شوفت نظرتها ليا حسيت انه مينفعش اكون حيوان معاها هيا حطه امل كبير عليا


بعد مرور اسبوع.......

اخدت اسبوع في المستشفي بين علاج طبيعي و تمارين علشان الغيبوبه بعدها اقدر امشي على رجلي و سحر كانت معايا في كل حاجه هيا و جمال بعدها طلعت اول حته رحتها هيا المدافن دخلت جوه و قعدت
انا : سمحيني سمحيني لو مقدرتش اقف في العزاء اخده اسف انا مديون ليكي بكتير و دين مش فلوس لا دين بكل حاجه حلوه كل وقت انتي كنتي معايا كل خوف حستيه نحيتي كل حب حستيه ليا انتي اعظم ست في الدنيا استحملتي كتير علشاني عمري ما هلاقي ست عظيمه زيك معادنا في الاخره متخفيش عمر ما حد ها ينسيني اسمك اول الي عملتيه معايا ابداً الي عمليته مينفعش يتنسي او يعدي ابداً سلام يا امي سلام

طلعت من المدفن و لبست نظاره شمس و ركبت العربيه مع سحر
سحر : قولي ارتحت
انا : لا لسه
سحر : مش زورت امل
انا: اطلع على بيت عاصم السراجي
سحر : اشمعنا
انا : علشان اخلص من القصه دي و اقلب الصفحه على قصه جديده
سحر : خليل
خليل : ايوه يا هانم
سحر : هادخل انا و مازن و السواق لوحدنا و انتا و الرجاله بعدنا بمسافه
خليل : حصل يا هانم

اتحركنا و انا طول الطريق بفكر في كل حاجه حصلت و ها تحصل دماغي حرفين فيها كلاب صعرناه دلوقتي وصلنا عند بيت عمي عاصم و دخلت السور كانه قعدين فيه
انا : مفيش حمدله على السلامه
عاصم : كنت جيلك نتكلم يا مازن
انا : و اديني سبقت ايه مفيش اتفضل
عاصم : لا طبعا اتفضل يا مازن اقعد
انا : (قعدت و هما قدامي كلهم باصص ليهم و جمال و محمود كانه قعدين محمود مش طيقني باصص في عيون الكل و حاسس انهم ها ينهشه لحمي و انا قاعد مهتمتش ولعت سيجاره) قولي يا عاصم كنت جي ليا في ايه
عاصم : نتكلم
انا: طيب انا اهو نتكلم خير
عاصم : بص يا مازن انتا دخلت علينا و دخلت بيوتنا و عادي احنا الي مربينك طلعت و قولت كلام بطال على عماد ابن عمك حسن و سعتها طلعت مجنون و كلنا عرفنا بكده
انا : قصدك طلعت مجنون بعد ما حسن اتفق مع الدكتور علشان اطلع مجنون صح نتكلم على المكشوف احسن
عاصم : اين كان الي في خيالك مش مهم ليا خالص الاني عارف انه مجرد خيال بس نتكلم في الواقع انتا شلت اسم محمد السراجي و ده اسم مش سهل و قاسمت اولاده في ورثهم و منه عملت المكان بتاعك و شقه في مكان نضيف عايز تطلع من هنا عايش يبقي تسيب كل حاجه يا اما اتطلع من هنا ملفوف
سحر : ملفوف
عاصم : (بص ليها ببرود) هو و اي حد معاه
سحر : انتا بتتكلم زي ما تكون بتتكلم عن صباع محشي مش بني ادمين فوق يا بتاع انتا اين كان اسمك انتا قاعد قدام مازن هارون الخديوي عارف يعني ايه تلمس منه شعره هو او انا عارف يعني ايه انا اقلب ايامك جحيم انتا و اي حد
حسن : اسمع ياض انتا و المره الي معاك تطلع امك اختك تطلع زي ما تطلع انتا في البلد هنا عارف يعني ايه و انتا اكيد عارف احنا نقدر نعمل ايه
انا : مره اممممم بص يا حسن او اوضح اكتر جوز الست انا مش عايز منكم حاجه خالص (طلعت ورق و رميته على الارض) ده الي انته عايزنه صح بس الورق ده فيه المحل و الشقه الي من تعبي و شقايه بقشيش عليكم زكا مني ليكم ميله زي الكلاب خده العضم
مصطفي : لا طبعا مش ها ناخد منك حاجه محمد يوم ما كتب الوصيه بتعته كان مذكور فيها جمال و مازن و محمود
انا : خلاص يا مصطفي بيه انا سيبها بور علشان يخضروها هما لما نشوف اخر كلامي الي ها يجي على سكتي تاني منكم مش ها سيبه زمان كنتم اهل ابويا لكن دلوقتي انته وله حاجه صفر على الشمال و بالنسبه لي جوز الست ابنك لو شوفته ها فعصه علشان زمان كان ابن عمي لكن دلوقتي هو وله حاجه (وقفت) سلام يا ولاد السراجي
محمود : تمشي فين لسه في حساب بنا انتا قتلت امي يا بتاع المخدرات
جمال : (ضرب محمود قلم لوح وشه) مازن مهما حصل و مها قولته عليه لسه اخويا مها حصل اخويا فاهم
انا : (بصيت لي محمود و لي جمال) مكنش ليه لزمه

طلعت بره و سحر معايا ركبنا العربيه و الحراسه دخله معانا في الطريق
سحر : خلصت
انا : لسه
سحر : فاضل ايه تاني انتا سبت كل حاجه حتي حقك
انا : مش كله انا مش سايب حقي كله و مش ها سيب حقي كله اطلع على الكافيه

رحنا عند الكافيه و فتحت الباب و قعدت فيه عملت فنجان قهوه ليا انا و سحر
سحر : احنا بنعمل ايه هنا مينفعش انتا بعت الكافيه ليهم
انا : ايه خيفه
سحر : خيفه عليك
انا : لا متخفيش كل الجيران هنا بيحبوني و محدش يقدر يقرب ليا و انا هنا
دخل علينا واحد اسمه شاكر
شاكر : مازن عامل ايه
انا : انا تمام يا شاكر قولي ها تاخد البضاعه على كام
شاكر : بص يا مازن انا عارف اني المكن قديم بس كمان عارف انتا بتستخدم الحاجه ازي و عارف رغم اني المعدات قديمه بس انتا بتستخدمها بالشكوة و السكينه بلاش تدبحني في السعر
انا : ماشي يا شاكر احنا بنا عيش و ملح
شاكر : طيب المكن و البن ها دفع فيها 200 الف و بلاش تقول لا انا عارف اني وصف الملكي ها تعلى من شغلي كتير بس الي اقدر عليه يا صحبي
انا : (فكرت شويه) طيب يا شاكر شيل حلال عليك
شاكر : تمام اتفضل دي الفلوس عدهم
انا : (ركنت الفلوس على البار) مفيش بنا الكلام ده شيل الاول و تمم على حجتك و بعد كده ادفع انا علمتك كده
شاكر : لا انتا استاذي رغم فرق السن بس انتا مش غريب
انا : اليومين دول يا شاكر تحرص من القريب قبل الغريب شيل

دخلت الشباب الي معاه شاله البضاعه البن و مكان القهوه و حملهم على عربيه
سحر : بس كده يعني احنا قعدين كل الوقت ده علشان الكام جنيه دول
انا : دول تعبي و شقايا الحقيقي بكره حد يفتح مكاني و يبيع الكميه دي و يكسب اكتر من المبلغ ده بس لا هما قاله الشقه و المحل ياخده الشقه و ياخده المحل (وقفت على كرسي عالي و حركت حته في السقف كان فيها دفتر)
سحر : و ايه ده كمان
انا : دي وصفه بن الملكي سر كل الفلوس الي معايا متفرقش كتير عن اي تحويجه بس فيها سر الخلطه الي بسببه الناس بتيجي من اخر الدنيا لحد هنا علشانه يله نروح البنك هنا
سحر : نروح بكره اي بنك في القاهره
انا : لا هنا يله

ركبنا العربيه و اتحركنا على بنك مصر دخلت جوه لي استاذ منصور المدير
منصور : مازن عامل ايه
انا : انا تمام يا استاذ منصور اتفضل دول 200 الف عايزهم في حسابي تمام
منصور : بس كده سهل بس مفيش هديه من هداياك الحلوه
انا : بس كده امسك ده كيلو بن ملكي اخر كيلو بن ها تلقيه في مصر كلها و العالم كله و ده بن من الي انتا بتحبه امسك
منصور : ياه يا مازن اخر كيلو ده كتير عليا
انا : مفيش حاجه تكتر عليك بس عايزك تعمل حجب على حسابي الي هنا مش عايز حد يعرف به نهائي
منصور : بس كده سهله بس انا جالي قرار من النيابه بتجميد اي رصيد ليك بس متخفش محدش عرف طريق حسابك وله البنك المركزي نفسه
انا : تسلم الرجاله يا منصور استأذن انا
منصور : نورت يا مازن سلام
انا : سلام

نزلت من البنك و معايا سحر و هيا مش فهمه
سحر : انا لحد دلوقتي مش فهمه حساب ايه و فلوس ايه
انا : كل جنيه اشتغلت به حطه في حساب هنا محدش يعرف الحساب ده غير اتنين انا و (سكت)
سحر : (غمضت عنيها و اخدت نفس) امك قولها امك
انا : معلش في ثوابت صعب تتغير
سحر : بس مش مستحيل تتغير
انا : محدش عارف الحساب ده غيري انا و امي لما جيه قرار التجميد منصور عارف اني مش بتاع مخدرات علشان كده خفي الحساب بتاعي
سحر : ها يكون فيه كام الحساب ده كام الف
انا : 3 مليون جنيه و 200 الف كل الي اشتغلت به في حياتي كنت بحط الجنيه مش 100 جنيه تعبي و شقايه ثلاث سنين شغل و بني في اسم الملكي
سحر : طيب يا مازن في مشاوير تاني وله نرجع الساعه دخله على خمسه
انا : لا يله نمشي (لفيت وشي ابص على البلد لي اخر مره) يله

ركبت مع سحر العربيه و طلعنا من المنيا و مسكنا الطريق الصحراوي ثلاث سعات وصلنا القاهره دي مش اول مره اروح القاهره بس المره دي غير رايح لي إقامه وصلنا لي قصر كبير و شكله شيك جدا نزلنا من العربيه و سحر مسكه ايدي
سحر : ده بيتك يا مازن
انا : (بصيت لي البيت من بره) طيب
سحر : خليل نزل الشنط و ها بعت حد من الشغلين يخدها
خليل: ماشي يا هانم

دخلنا جوه القصر كان قاعد واحد فيه شكله غريب
سحر : عمر
عمر : (قام و هو مبتسم) سحر
سحر : فين البنات عملت ايه فيهم
عمر : تؤتؤتؤ انا المس شعره من بنات اختي حبيبه قلبي عيب انا لقيت انك بره البيت بقالك شهر و البنات مينفعش يقعده في البيت و مفيش فيه راجل
انا : بس وجودك غير مرحب به اتفضل و البيت ده فيه راجل انا لما تدخل يكون بأذن مني انا
عمر : جميل اوي الواد ده (بص ليا) انتا جيت لي موتك
انا : موتي عايز راجل و بعدين انتي قلقانه من قعدته مع البنات هو يفرق ايه عنهم
عمر : (مسكني من شعري و لوي دماغي) انتا حشره يلا فوق انا افعصك وله تكون فاكر امك ها تحميك
انا : حلو الجو القديم ده بس خد دي (ضربته بالبوكس في مناخيره بعد عني و مسك وشه انا رجلي طويله قومت ضربه برجلي نطره لي وره وقع على الارض) من هنا و رايح البيت ده فيه راجل (ندمت بصوت عالي) خليل
خليل : (دخل بسرعه) ايوه يا مازن بيه
انا : تاخد البتاع ده ترميه بره القصر زي الكلب و تنبه على الحرس كلهم مشفش وشه في القصر وله يدخل غير بأمر مني انا فاهم
خليل : (بص ليا شويه)
انا : ايه ها تخدني صوره نفذ
خليل : حصل يا باشا (شال عمر)
عمر : هاقتلك مش ها سيبك يا مازن ها تموت على ايدي انا
انا : بره يا عبيط بره

اخده خليل و طلع به بره لفيت لي سحر كانت وقفه و فرحانه جدا و عليها علامات السرور
انا : مين الخروف ده
سحر : ده اخويا بس سيبك منه يا راجل البيت
انا : قليلي الحرس الي بره دول بتثقي فيهم
سحر : بره خليل و الي كانه معانا في المستشفي لا
انا : طيب فين الاوضه بتعتي
سحر : مش تشوف اخواتك البنات الأول
انا : معلش بكره النهارده كان يوم طويل عليا
سحر : بس كده تعاله و بكره شوفهم

مسكت ايدي و طلعنا الدور الي فوق دخلنا اوضه كبيره جدا و واسعه
سحر : دي الاوضه بتعتك بالحمام ارتاح و النهارده و نفطر مع بعض بكره
انا : ماشي بعد اذنك علشان اريح
سحر : (ابتسمت برقه و سعاده) تصبح على خير

طلعت سحر و انا قفلت الباب و دخلت الحمام اخد دش و طلعت البس افتكرت اني مشيت من البلد باللبس الي عليا لبسته تاني و فتحت التلفون كلمت جمال على الوتساب اطمن عليا و قفلت معاه و نمت زي القتيل كان يوم طويل صحيت الصبح بدري قوي و نزلت تحت دخلت المطبخ اعمل فنجان قهوه ليا افوق به و قعدت اولع سيجاره و انا قاعد سرحان
واحده : (بصوت عالي) حرامي حرامي يا مامي يا حرس يا حرس حرامي في المطبخ
انا : اهدي بس حرامي مين انتي الي مين (بقرب منها)
واحده : (طلعت سكينه من على الرخامه) ابعد يا حرامي ابعد (و هيا بتقرب عليا) ابعد يا حرس يا حرس
انا : (طلعت على الرخامه في نص المطبخ) يا انسه اهدي بس افهمك
لقيت اربع ستات قدامي و مسكه سكاكين
واحده2 : حرامي فين الحرس فين
واحده 3: (بتتكلم بلغه مش مفهومه)
انا : يا ستي اهدي حرامي مين بس انا مازن انته الي مين و دخلته ازي
واحده : بجح و بتسأل
واحده4 : (كانت لفت من وره ضهري و خبطتني على دماغي وقعت من طولي اغمي عليا نفضت ايدها) اربطوه لحد ما نشوف الي نيمين على و دنهم بره دول
سحر : (بتدعك في عنيها من النعس و دخله المطبخ) صباح الخير يا بنات صوتكم عالي ليه بس (بصت قدمها و لقتني في الارض و سايح في دمي) يا نهار اسود يا نهار اسود يا نهار اسود قتلته الواد
واحد: ده حرامي
سحر : (رفعت دماغي لي فوق) قوم يا حبيبي قوم انتا ضربه اخوكم مازن حد ينادم خليل

الاربع في صوت واحد : اخونا
سحر : ها تتفرجه حد ينادم خليل بسرعه


بعد شويه قاعد على كرسي في الصاله و خليل فوق راسي
خليل : اثبت بس هيا غرزه واحده
انا : براحه براحة بتخيط غرزه لي حمار
خليل : بس كده خلصت
سحر : احنا لزم نروح مستشفي و نعمل اشعا على دماغك لا يكون في نزيف داخلي وله حاجه
خليل : لا يا هانم ده جرح سطحي مش اكتر
سحر : شكرا يا خليل شكرا بجد
انا : (بصيت لي خليل و لي سحر) انتا واقف كده ليه اتفضل بره و انا طالع ليك دلوقتي اتفضل
خليل : تمام يا باشا (طلع من القصر)
انا : (بصيت لي سحر كانت لبسه قميص نوح حرير بحماله و هيا بطل الصراحه يعني مكس بين شرين رضا و غاده عادل لوله انها امي كنت اغتصبتها شيفك الي بتفكر في امي ها اتعدل) انتي قعده كده ليه
سحر : عادي
انا : عادي قعده بقميص نوم قدام خليل ايه مفيش راجل في البيت ازي تطلعي من الاوضه بقميص نوم
سحر : عادي يعني
انا : لا مش عادي يعني اوعي تطلعي كده تاني فهمه و حد يجبلي تلج علشان دماغي
سحر : (كلمت البنت الي انا مش فاهم كلامها هيا مش سوده لا فحمه) هاتي كيس تلج بسرعه يا تيكا
تيكا : (قعدت ترطم بكلام مش فاهم خالص و بصه ليا بغضب و قام مهوشاني و مشيت)
انا : تتحرقي اكتر مانتي محروقه امشي (بصيت قدامي لقيت اربع بنات قعدين) و مين الهوانم الي عمله المصيبه الي انا فيها دي
سحر : اخواتك يا مازن مش عارفهم
انا : انا معرفكيش انتي اساسا علشان اعرفهم مين دول
سحر : دي هند اختك الكبيره و دي نغم اصغر من هند بسنه و دي علياء اصغر من نغم بسنه و دي اخر العنقود و اختك التوئم بس مش متشابه اميره
انا : (بصيت ليهم شويه و اخدت نفس عميق علشان قدامي اربع بلاوي كبيره جدا) اهلا طيب مين الي كانت بتتخانق هنا دي و صوتها عالي اختي برده
سحر : لا دي تيكا الشغاله
انا : شغاله ايه دي بتخوف دي كانت ها تضربني
اميره : (برخامه و هيا الي ضربتني على دماغي في الاول) علشان خرع
انا : اسكتي انتي ده انتي فتحه دماغي (حطيت ايدي على دماغي حسيت اني خليل كبس دماغي ببن شميت ايدي و حسيت بجلطه في المخ) اه يا كفار
سحر : في ايه
انا : خليل كبس الجرح ببن
سحر : ينفع كده لا لزم تروح لي دكتور تنضف الجرح
انا : ده كل الي في دماغك ينضف الجرح الباشا كبس الجرح ببن الملكي البن بتاعي تعبي و شقايه و بعدين انتي لسه قعده قومي غيري هدومك يله
سحر : ماشي

قامت سحر و انا بصيت لي الاربع مصايب و انا مبتسم
انا : منورين الدنيا
هند : (مبتسمه) شكرا يا مازن
انا : العفو و انتي يا نغم و علياء مش بترده ليه
نغم : معلش اصل الموقف صعب شويه و غريب حسه انه فيلم هندي
علياء : ايوه ناقص فيل في الجنينه
انا : بس كده نجيب الفيل و انتي يا اموره يا صغيره مش ها تردي وله ايه
اميره : انتا ها تصحبني يا ابني انتا
انا : عربجي معانا في البيت عربجي

قومت و طلعت بره القصر قعدت في الجنينه الي قدامه و جالي خليل
خليل : حضرتك احسن دلوقتي
انا : ايوه اقعد يا خليل
خليل : ميصحش
انا : لا يصح اقعد بس
خليل : (قعد) خير حضرتك عايزني
انا : اولا بلاش كلمه حضرتك مش بحبها ماشي ثانين قولي يا خليل انتا شغال هنا من امته
خليل : انا كنت ضابط حراسه مع الوالد زمان ايام خدمته في الشرطه العسكريه بس بعد وفاته انا شغل مع الهانم
انا : طيب يا خليل انتا بتثق في الحراس دول
خليل : بره الي كانه في المنيا لا
انا : اشمعنا
خليل : اغلبهم كانه معايا في الخدمه و انا الي مختارهم لكن الباقي دول تعين اللواء صبري
انا : مين اللواء صبري ده
خليل : ده مدير امن المجموعه بتاعت الهانم
انا : طيب انا شايف فيهم اجانب
خليل : في امريكان و روس و كمان انجليز
انا : انا عايزك تفور الطقم ده تماماً
خليل : (استغرب) ازي
انا : زي الناس مشيهم و هات ناس تاني تكون انتا بتثق فيهم
خليل : و الهانم
انا : الهانم سبها عليا انا بس انا عايز رجاله زيك مضمونه و بتثق فيهم و الاهم يكونه اوفياء
خليل : (فهم انا قصدي ايه) تمام دي سهله بس ها تكون مكلفه
انا : مكلفه احسن ما يكونه شويه اجانب بتقبض بالدولار يوم ما يشوفه الاخضر يبيعه تقدر تقولي عمر دخل ازي القصر امبارح
خليل : مش عارف
انا : علشان لو سألت محدش ها يجاوب كله ها يعمل هندي
خليل : تمام يا كبير اعتبره حصل
انا : ماشي و في شويه حجت لزم نكون متفقين عليها مع بعض دخول البيت بأذن مش تدخل براحتك ماشي
خليل : (ابتسم) ماشي استأذن
انا : اتفضل


في مشهد اخر

شخص قاعد علي جزيره غير معروفه ماسك صناره و بيصيد دخل عليه المساعد بتاعه
مساعد : (طلع صوره ليا) مازن هارون الخديوي
شخص : مازن (ساب الصناره و اخد الصوره) رجع ابن هارون
مساعد : أعين فريق يخلص عليه
شخص : لا
مساعد : بس مازن ها يكون عقبه في طريقنا
شخص : (رجع مسك الصناره تاني) خليه تحت عنينا
مساعد : حصل

مشي المساعد
شخص : رجوعك يا مازن شكله ها يعمل مشكله كبيره بس كل مشكله عندي ليها حل



المشهد العام


مازن ساب كل حاجه بس طلع منها كسبان علشان مش ها يقدر يسيب تعبه و شقاه لي اي حد و اول ما وصل و شاف القصر اخد نفس. عميق من الخوف اصل القصر كبير و اي حاجه كبيره بتيجي معاها مسؤوليه كبيره و فعلاً لقي اربع مصايب و امهم تقوله ليه اقلكم اصلهم بنات مدلعه عيشين عيشه فلافي خالص و ده مش كويس مازن اتعود على الست تبقي في البيت ايوه تشتغل بس بحدود مش يدخل على اخته مع واحد تقله ده هاني احا يا هاني

يتبع......

الفصل الخامس


الحياه عايزه حرب ديمن تحارب و تخلي عينك وسط راسك علشان محدش عارف الطلقه جيه منين وله ينفع تأمن وله تثق في حد مهما كان مين حتي لو كانت نفسك كلمه جميله قلها واحد مجنون اعرفه اوعي تثق في صوابع ايدك مهما كان لزم تشك فيها


بدايه الفصل


قاعد بره القصر بشرب قهوه و لقيت سحر طلعه من القصر و جيه نحيتي
سحر : يله يا ميزو
انا : يله فين
سحر : بص عمله ليك برنامج تحفه النهارده ها نفطر بره مع بعض و بعد كده نروح نشتري لبس و بعدها نروح الملاهي دريم بارك
انا : بصي انا مقدر مشاعر الامومه الي عندك دي كلها على عيني و راسي تمام بس انا كبرت على دريم بارك و الكلام ده انا عندي 20 سنه
سحر : بس
انا : انا على عيني انزل معاكي بس ممكن نأجل لي بعدين وله ايه
سحر: ماشي يا ميزو انا رايحه الشغل ممكن
انا : هو انا الي ها قول ممكن وله لا انتي حره
سحر : عرفه بس انا ملحظه انك عمال تدي اوامر كده البسي و اخلعي قولت اشوف رأيك لو مش موافق
انا : لو مش موافق ها تقعدي
سحر : لو ها تبقي مبسوط اقعد
انا : انا مبسوط روحي الشغل و الاوامر دي بس علشان الصح و الغلط مش اكتر مينفعش تقعدي بقميص نوم بره الاوضه بتعتك ماشي
سحر : ماشي يا ميزو
انا : و بلاش ميزو دي ها اسم رخم شويه خليها مازن
سحر : ماشي يا مازن سلام
انا : سلام

مشيت سحر و انا قولت ادخل اشوف المجانين الي جوه دول كانه لسه قعدين بس معاهم طفل صغير
انا : ايه ده هو انا ليا اخوات تاني صغيرين
هند : لا ده ابني ريان
انا : ريان ازيك.
هند : سلم على خالو مازن يا ريري
ريان : (دخل في حضن امه)
هند : معلش هو بس مكسوف
انا : لا عادي بكره ياخد عليا بس هو فين ابوه
هند : (ابتسمت بكسره) موجود
انا : طيب بما انه موجود و انتي موجوده و ريان باشا موجود تعالي معايا
هند : فين
انا : عايز انزل اجيب شويه حجت و بالمره اتعرف على ريان باشا لو حبه يعني
هند : اه اوي اوي اطلع البس يله يا ريري

طلعت هند فوق مع ابنها
علياء : ميزو انتا درست ايه
انا : بلاش ميزو دي مش بحبها و بعدين انا لسه مخلص ثانويه عامه مكملتش كام شهر
نغم : بجد طيب يا سيدي شد حيلك
انا : انتي درسه ايه يا علياء
علياء : لسه في هندسه
انا : و انتي يا نعم
نغم : مخلصه بزنس
انا : و هند
نغم : هند دكتوره اطفال
انا : طيب و اميره
اميره : ملكش دعوه
انا : صحا يا معلم
هند : يله
انا : يله
نغم : بلبسك ده
انا : انا نازل اشتري لبس اصلاً يله يا هند

طلعنا بره و ركبت العربيه مع هند و انا الي سايق رحنا مول قعدنا نلف شويه و اشتريت لبس من هناك
انا : كام حسابك
موظف : 10 الف جنيه يا فندم
انا : كام
موظف : 10 الف جنيه
هند : مش مشكله انا معايا فلوس
انا : لا انا معايا (طلعت الفيزا من المحفظه) اتفضل الباسورد 8888
موظف : (اخد الفيزا و ضربها في المكنه و طلع الفتوره) شرفتنا يا فندم
انا : شكرا

اخدنا الاكياس و رحنا نقعد في كافيه اتكلمنا و هزرنا و حاسبت و رجعنا تاني على المغرب
سحر : ايه يا مازن رحت فين
انا : روحت اجيب هدوم ليا
سحر : طيب احنا مش اتفقنا ننزل مع بعض
انا : لا احنا متفقناش الكلمه لو طلعت من لساني اتفقنا يبقي اتفقنا غير كده لا
سحر : ماشي يا مازن يله نتغدا
انا : طيب

رحنا السفره قعدت على راس السفره
سحر : قولي دفعت كام في اللبس
انا : اشمعنا
سحر : علشان ارجعهم ليك
انا : ليه هو انا محتاج و بعدين ده لبسي ادفع تمنه انا
سحر : ازي
انا : زي الناس لما اكون مفلس ابقي اخد منك
علياء : ها تدرس فين يا مازن بعد الثانويه
انا : اي معهد
سحر : ليه معهد
انا : علشان انا يا يدوبك جايب 50٪ يعني وله حاجه
سحر : طيب تدخل الجامعه الامريكيا
انا : هو انا مجموعي مش واضح وله حاجه
سحر : مجموعك ده حتت ورقه و عليها ختم حكومه مش اكتر يعني ينفع تتغير
انا : تتغير ازي
سحر : زي الناس تتغير لو على ورق الحكومه سهل مفيش فيه مشكله خالص بس انتا وافق
انا : ماشي
سحر : انتا طلبت من خليل يغير الحرس
انا : ايوه انتي جيبه ناس اجنبيه و شويه خوجات يعني مش ها يعرفه يسده قدام المصرين وله واحد من بولاق وله واحد من الصعيد
سحر : اشمعنا يعني
انا : علشان لي الأمان لزم الحارس يكون من البلد دي يفهمني و افهمه مش اكلمه انجليزي كده احسن و بعدين تقدري تقوليلي عمر بيدخل البيت ازي
سحر : اموت و اعرف
انا : بصي للحرس و انتي تعرفي الاجنبي مش هاعرف احسبه لو حصل تقصير علشان الجنسيه بتعته بتحميه لكن ابن بلدي اعرف اطلع عين الي خلفوه كويس
سحر : طيب انتا مش بتاكل ليه
انا : انا اكلت خلاص
سحر : ليه بس
انا : انا اكلتي ضعيف
سحر :طيب بكره احنا عملين حفله بمنسبه رجوعك
انا : حفله ليه
علياء : انتا عايز رجوعك يعدي عادي كده
نغم : ده احنا نعمل حفله سنه قدام
انا : و بعد السنه
علياء : لا خلاص اخرك سنه بس
اميره : انا شيفه انه ملهوش لزمه
انا : عقله يا اميره و انا كمان شايف كده
اميره : مش محتاجه رأيك
انا : ايه يا بت انتي اتكلمي كويس
اميره :انتا مش ها تعلمني اتكلم ازي
سحر : اتلمي يا اميره عيب تكلمي كويس مع اخوكي
اميره : انا بتكلم كويس و دي طريقتي عايز يعيش معانا يتعود على كده
علياء : معلش يا مازن هيا اميره كده
انا : كده يبقي تتغير عادي انا مش بحب الاسلوب ده لو بحبه كنت قعدت مع محمود في بيت عادي و ميفرقش عنها في حاجه
سحر : اهدي يا حبيبي اهدا
انا : انتي شوفتي محمود معنديش استعداد يبقي في محمود تاني في حياتي خالص
سحر : طيب اهدا علشان جيبالك هديه حلوه (ادتني ظرف) افتح يا سيدي
انا : ايه ده (فتحت لقيت بطاقه باسم مازن هارون الخديوي الان سحر و هارون ولاد عم و كمان رخصه قياده) شكرا
سحر : متقولش شكرا تاني انتا ابني و كل حاجه تحتاجها اعملها ليك احلم بس انتا
انا : (ابتسمت) حاضر (جالي تلفون من واحد اسمه صقر من البدو) الو يا صقر
صقر : كيف حالك يا مازن
انا : بخير يا غالي
صقر : جهزت العقارب ليك
انا : اهم حاجه العمر و النوع
صقر : العمر اسبوع و النوع الي طلبته
انا : تمام تستلم امته
صقر : بص انا على الحدود باجي كمان اسبوع
انا : ماشي حلو اسبوع اكون جهزت الفلوس و المكان
صقر : ماشي يا مازن بوصل و اكلمك سلام
انا : سلام (قفلت معاه)
سحر : مين ده يا مازن
انا : ده واحد من العرب اسمه صقر
سحر : و انتا تعرف ناس من العرب ليه
انا : جايب ليا شغل
سحر : شغل ليه يا حبيبي حد قصر معاك في حاجه و عايز شغل يا سيدي انزل معايا الشغل و بعدين شغل ايه ده
انا : مزرعه عقارب
علياء : عقارب!!!!!!!
انا : ايوه
سحر : طيب هو ايه الي يكسب في مزرعه عقارب
انا : السم بتاع العقرب
نغم : لا معلش فهمني
انا : سم العقرب الجرام منه يساوي 1000 يورو بتاخده شريكات الادويه و تحطه في الادويه مش رخيص بالعكس ده مكلف جدا و انا كنت بفكر في الموضوع ده من فتره و كنت شغال عليه
سحر : الف يورو
هند : ايوه يا ماما اصل سم العقارب ده مش سهل و بعدين مش موجود غير في افريقيا
انا : غير كده انا جايب نوع تاني يدي سن اكبر و حجم اكبر مش مطلوب السم بتاعه بالسعر الكبيره ده بس مطلوب الجلد بتاعه و كمان اللحم بتاعه
سحر : لحم العقرب
انا : ايوه بيتصدر لي كوريا و الصين و اليابان علشان يكلوه
سحر: (بصه ليا بفخر كبير جدا) طيب لو احتجت اي مساعده قلي
انا : ماشي لو احتجت

طلعت فوق دخلت الاوضه غيرت هدومي و قعدت شويه لقيت هند و نغم و علياء دخلين عليا
نغم : ممكن نقعد معاك وله مش فاضي
انا : لا انا صايع ادخله

دخله الثلاثه و قعده معايا
انا : قليلي يا هند فين جوزك
هند : موجود
نغم : اصلهم زعلانين مع بعض شويه
انا : ليه
هند : مشكله كده
انا :طيب لو تحبي اتعرف عليه و نشوف المشكله دي اكيد ليها حل
هند : طبعا بكره في الحفله اتعرف عليه
علياء : قلي يا مازن انتا مفيش واحده كده وله كده
انا : لا مفيش يا ستي
علياء : ايه مفيش واحده حلوه في حياتك وله ايه
انا : ايوه مفيش
نغم :و عايش ازي كده يابني
انا : ليه هو حد قلك اني ناقص ايد وله رجل عادي
نغم : قصدي يعني الحياه للرجل من غير ستات صعبه
انا : بصي يا نغم الراجل الي يقول كده او يقول انه مناصر لي حقوق المرأه هدفه الاول و الاخير هو شقط المرأه غير كده لا الراجل يقدر يعيش من غير ست عادي جداً
هند : عندك حق بقولك ايه انتا ها تسافر معانا قريب ماشي
انا : مسفرين فين
هند : رايحين الجونه ماما تشوف الشغل هناك و احنا نتفسح
انا : ماشي


تحت في القصر سحر وقفه في المطبخ
تيكا : يا هانم مينفعش انتي تعملي حاجه
سحر : بس انتي انا بعمل القهوه لي مازن مازن ده ابني
تيكا : يا هانم عيب ميصحش
سحر : اقعدي انتي بس انا عرفه بعمل ايه
اميره : مامي
سحر : (تلفونها رن) خلي بالك من القهوه لي اخوكي و انا ها رد على التلفون (مشيت بعيد)
اميره : (طلعت قطره و حطت منها في القهوه)
تيكا : يا هانم
اميره : بسي انا عمله مقلب في مازن
تيكا : احسن انا مش بحب الواد ده خالص خالص

رجعت سحر كملت القهوه و طلعتها ليا فوق الاوضه
سحر : امسك القهوه يا مازن
انا : شكرا (اخدت الفنجان و شربت منه بوق كان طعمه غريب بس نظره سحر ليا محبتش احرجها) تسلم ايدك تحفه
سحر : بص يا سيدي بكره نروح انا و انتا الجامعه نقدم الورق بتاعك
انا : تيجي معايا ليه هو انا صغير وله ايه لا انا رايح لوحدي
سحر : (زعلانه) الي يعجبك
انا : بس مفيش مانع تكلمي حد توصيه عليا يعني سحر هانم الخديوي متعرفش حد جوه
سحر : (ابتسمت الانها حست اني بشركها في حياتي) ماشي يا ميزو
انا : انتي بتدرسي فين يا علياء
علياء: في جامعه فيوتشر قدامي سنه و اخلص و ارتاح
انا : خلصي و تتجوزي عايزه تتجوزي صح
سحر : ياريت انا حسه اني مخلفه رجاله مش عايزن يتجوزه
انا :طيب انتي مستعجله على الشهاده ليه
علياء : علشان اول ما اتخرج اشتغل اصل بحب الهندسه اوي
انا : ها تشتغلي فين
علياء : ها نزل اشتغل عند حد لحد ما اتعلم اكتر و افتح مكتب ليا
انا : شطره
سحر : شطره ايه بس تنزل تمسك شركه المقولات بتعتنا بدل ما تتبهدل بعيد
علياء : بالعكس انا عايزه اتعب بره علشان يوم ما اشتغل اعرف بقيمه الشغل ده
انا : جدعه انا بدأت كده برده لحد ما بقي ليا اسم لوحدي كبير
هند : بس معلش يعني من شغل البن
انا : شغل البن ده عرفني على ناس كتير جدا مهمين في مناصب كبيره مش شغل البن الي يحب شغله يعرفه على ناس كتير اوي
سحر : عندك حق يا ميزو يله يا بنات نسيب اخوكم يرتاح شويه
نغم : تصبح على خير
انا : و انته من اهله كلكم

طلعه بره و انا كلمت القهوه و قعدت شويه كلمني جمال اطمن عليا و بعد كده قعدت شويه و بعد ساعه نعست قومت نايم على الساعه 12 بليل دخلت اميره الاوضه و هيا معاها قصافه و مقص اخدت ضفر من صباع رجلي الصغير وشعري و نزلت تحت قدام القصر كان في عربيه مستنيه اخدت منها الحاجه و دخلت كل ده و انا واقف فوق و شايفها اصلها حطت في القهوه منوم و انا صعب يأثر فيا المنوم علشان كنت باخد منوم قوي جدا فا الي حطته ده لعب عيال يدوبك يهديني دخلت تاني و قفلت البلكونه و دخلت انام تاني يوم صحيت بدري لبست و نزلت تحت فطرت و طلعت بره القصر
خليل : صباح الخير يا مازن
انا : صباح النور يا خليل عملت ايه في الي طلبته
خليل : موجودين و انا حضرت البينات بتعتهم
انا : طيب عايزهم موجودين في الحفله النهارده مكان القدام
خليل : لو ممكن اسأل ليه
انا : الي يجي لزم يلقي ناس جديده يشتت افكاره لو ناوي على حاجه ولو فاكرنا لقمه سهله يلقي انه لا
خليل : نسخه من المرحوم هارون بيه كان ذكي برده و بيعمل حساب كل حاجه
انا: طيب
خليل : العربيه جهزه اتفضل
انا :طيب و سحر طلعت
خليل :من ساعه
انا: مش المفروض تكون معاها
خليل : هيا امرت اكون مع حضرتك النهارده
انا : طيب يله

جت عربيه مرسيدس بالسواق ركب خليل قدام و انا وره و اتحركنا رحنا الجامعه الامريكيا دخلنا جوه و رحنا مكتب العميد
العميد : اهلا يا اهلا يا مازن بيه شرفت يا فندم انا خالد عميد الجامعه
انا : اهلا يا دكتور خالد
خالد : الورق كله عندنا وصلني امبارح من خليل و بس محتاجين امضه حضرتك
انا: تمام
خالد : اتفضل الورق
انا : (اخدت الورق و مضيته) اتفضل
خالد : ده الكرنيه حضرتك دلوقتي طالب مقيض عندنا و الغياب و الحضور متقلقش منه و لو حصلت اي مشكله هنا تجيلي علي طول مكتبي مفتوح ليك
انا : شكرا يا دكتور خالد و لو تشرفنا النهارده في الحفله
خليل : (طلع ليه الدعوه)
خالد : ده الشرف ليا انا و اكيد هاجي
انا : ها نتظر حضرتك بعد ازنك
خالد : اتفضل شرفت يا مازن بيه