طلعت من عند خالد و ركبت العربيه مع خليل نزلت اشتريت بدله جديده و بعد كده نزلت منطقه اسمها العطرين دي الي اتعلمت فيها شغل البن رحت على محل عطاره اسمه محل المعلم خليفة دخلت لي مراته المعلمه كيداهم و هيا مكان جوزها بعد ما مات
كيداهم : يا الف اهلا و سهلا بناس الصعيد مازن باشا منور
انا : بنورك يا معلمه عمله ايه و اخبار النطقه و الشغل
كيداهم : شغل يا مازن باشا بس ايه سر الزياره الكريمه دي جي تسلم
انا : لا جي اصفي الشغل و حسابي المفتوح
كيداهم : ليه بس حد زعلك وله شوفت مورد تاني
انا : لا بس ها بطل و اشتغل في العقارب
كيداهم : (عضت على شفايفها بمحن) طيب بما اننا ها نصفي الشغل ودي اخر مره نشوف بعض فيها مش تخليني ادوق
انا : لا بصي انا جي ابيع الوصف بتعتي ها شريه
كيداهم : طبعا حد يطول يشتري وصف الملكي
انا : حطي سعر
كيداهم : 100 كويس
انا : 100 الف
كيداهم : لا 100 جنيه
انا : كده يبقي اروح لي المعلم غنيم الي ها يموت و يعرف انا بعملها ازي سلام (قومت)
كيداهم : استني بس متبقاش حمبلي كده زي ما حكمت 100 الف جنيه
انا : انا قولت 100 الف استغراب مش اكتر لكن سعر متنفعش
كيداهم : طيب انا دفعه 300 الف
انا : انا لو رحت لي مصنع ها يدفع كتير اوي
كيداهم : طيب يا مازن باشا 350 الف و ده اخر كلام
انا: (فكرت شويه و قومت شمرت كومي) طيب فين المطحنه
كيداهم : انتا عارف طرقها
انا : خليل خليك هنا
خليل : حصل يا كبير

دخلت جوه المحل و شغلت الرماله و المطحنه و بدأت احط الوصفه لقي كاميرا خلعت المريله و حطتها عليها عملت ثلاثه كيلو و فنجان واحد و طلعت بره
انا: دوقي
كيداهم : (داقت البن) اشتريت يا مازن (فتحت الخزنه و طلعت الفلوس) عد
خليل : (مسك الفلوس عدها) تمام يا كبير
انا : طيب(طلعت فلوس من وسطها) ده حساب البن الي اخدته
كيداهم : (مسكت ايدي) طيب ما تخليها هديه
انا : لا (حطيت الفلوس على البنك و طلعت دفتر الي فيه الوصفه الوصفة كلها ملهاش علاقه ببعض كلها بس العامل الرابط بنهم لبان دكر)
كيداهم : (بصت في الورق و سحبت شخره) خخخخخخ احا لبان دكر اطحنه ازي ده
انا : اهدي يا معلمه
كيداهم : اهدي ايه لبان دكر لو اتحط في المطحنه يبهدلها
انا : ده مع الغشيم بصي يا معلمه اللبان الدكر يتبل لحد ما يطري خالص و بعد كده يتفرد في الشمس لحد ما ينشف و بعد ما ينشف يدخل فرن على درجه 20022 يطلع يتكسر و يتحط في المطحنه يا معلمه سلام

طلعت مع خليل ركبنا العربيه و اتحركنا
خليل : قولي يا كبير انتا بعت الوصفه ليه
انا : مين قال انها وصف الملكي
خليل : ازي
انا : افهمك الي اخدته وصف بن العرسان الي بعملها ها تكسبها كتير جدا بس الوصفات دي مش بتعتي دي بتاعت المعلم خليفه هو الي عملني الشغل زمان و كيداهم لفت عليه و اتجوزته و حطت سم ليه في القهوه علشان يموت و تورثه و الي عرفته بعد كده انها رمت بناته في الشارع وصفه الملكي مش ملكي علشان ابعها اطلع على عين السيره
خليل : ماشي

اتحركنا على عين السيره وصلنا و بعد شويه جت واحده اسمها رقيا و معاها واد عمره 15 سنه اسمه منعم
رقيا : مازن عامل ايه
انا : تمام يا رقيا اول ما عرفت الي حصل جيت بسرعه
رقيا : خلاص الي حصل حصل بس كنت عايزني في ايه
انا : اتفضلي ده دفتر وصف الملكي
رقيا : بس ده حقك
انا : لا دي بتاعتكم انته و بتاعت ابوكم
رقيا : انتا مش عارف يا مازن احنا وضعنا ايه دلوقتي اتبهدلنا اوي
انا : مفيش بهدله تاني يا رقيا امسكي ده حقك و الفلوس دي هيا 350 الف جنيه انا بعت وصف بن العرايس لي كيداهم بالفلوس دي ابدأه بيها
رقيا : (مسكت كيس الفلوس و حسيت انها ها تعيط)
انا : بلاش تحسي انك قليله ده حقك انتي و اخواتك البنات و اخوكم منعم رقمي معاكي لو حصلت اي مشكله كلميني في اي وقت ماشي
رقيا : ماشي
انا : منعم خلي بالك من اخواتك البنات ياض انتا ابن ابوك ماشي و المعلم خليفه عنده رجاله تاكل الزلط
منعم :ماشي يا عمي مازن
انا : جدع يله اتفضله علشان مش ها ينفع نقف كتير كده سلام
رقيا : سلام يا مازن

ركبت مع خليل و اتحركنا و هو سرحان طول الطريق و انا ماسك ورق الناس الجديده الي ها تيجي حراسه طلعت عشرين ملف
انا : اعتمد دول يا خليل
خليل : ماشي
انا : سرحان يعني
خليل : مستغربك الصراحه ازي تسيب وصفه زي دي
انا : انتا عارف وصفه بن الملكي اخر مره اتعملت كانت سنه كام
خليل :كام
انا : 1984
خليل : ياه
انا : و محدش قدر يعرف بتتعمل ازي علشان كده سعرها غالي و بعدين ده حق بنات المعلم خليفة و انا كسبت كتير جدا من وراهم
خليل : كنت سبت الوصفه لكن تسيب الفلوس ليه
انا : انتا عارف المعلم خليفة فتح خزنته قدامي و قلي لو عرفت تعمل الوصفه دي اعتبرها بتعتك عملتها و قالي خلاص حلال عليك بس بشرط الوصفه تفضل شغاله في السوق وافقت واحد تاني كان ربطني و خلى رجلته تنزل فيا ضرب لحد ما تعرف اتعملت ازي و يكسب هو ملاين بس لا الراجل عمل معايا الصح
خليل : لحد دلوقتي مش فهمك
انا : مش لزم تفهم يا خليل
خليل : احنا وصلنا
انا : طيب

نزلت و اخدت البدله و الجزمه و دخلت جوه طلعت اخدت دش و الحفله بدأت و الناس بدأت توصل و انا لبست و نزلت
سحر : تعاله يا مازن اعرفك على رشوان بيه
انا : مين رشوان بيه
سحر : ده رايس ديوان رأسه الجمهوريه
انا : يا نهار اسود انتي عايزه تحبسيني وله ايه
رشوان : هههههه لا احنا نقدر يا مازن بيه
انا : بيه ايه بس يا فندم خليها مازن بس
رشوان : متواضع كمان ماشي يا مازن
ويتر : القهوه يا فندم
انا : ايه يا رشوان بيه هو احنا مش ها نعرف نضيفك كده عيب
رشوان : معلش يا مازن بس انا بحب القهوه اوي
انا : (اخدت الفنجان و شميته و اخدت منه بوق و ابتسمت) مين الي جايب القهوه دي
رشوان : حلوه صح انا بخليها معايا في العربيه ديمن
انا : حلوه ايه بس دي تراب
سحر : (نغزتني و ابتسمت) ميقصدش يا رشوان بيه
انا : لا اقصد بعد اذنك يا رشوان بيه لو حضرتك بتحب القهوه اوي كده يبقي سبني اجبلك بن مفيش منه في مصر من ايام محمد علي
رشوان : (استغرب) بن ايه ده
انا : مش هاقدر اقولك على اسمه غير لما حضرتك تجربه و تحكم عليه
رشوان : ماشي بس لو مش حلو
انا : الي حضرتك تحكم به و انا قابل التحدي
رشوان : طيب دوقني
انا : هات فنجان بن ملكي
ويتر : تحت امرك يا مازن بيه
انا : دقيقه يا باشا و البن يجي بعد ازنك


مشيت شويه بلف على الناس في منهم ناس من الصعيد كانه زباين عندي زمان عرفتهم الحكايه علشان الاسئله الكتير و انا واقف مع لواء اسمه احمد من الصعيد
احمد: بس قصه غريبه يا مازن بجد
انا : الصراحه بجد غريبه
احمد: بس انتا تستاهل كل خير يا مازن بجد سواء كنت مازن السراجي او مازن الخديوي
انا : ده العشم يا احمد بيه بعد اذنك

رحت قعدت على تربيزه بدخن و لقيت القهوه نزله لي رشوان مرضتش ارحله هو ها يدوق و يجي ليا و فعلاً الي حسبته حصل و جالي
رشوان : تكسب التحدي يا مازن انا كنت بشرب تراب فعلاً
انا : طيب بما انه تراب يبقي يترمي الانه بن زباله و ليك عليا بكره الصبح يوصلك بن من النوع ده
رشوان : بس بشرط
انا: الي تقوله
رشوان : تعرفني بتجيبه منين
انا : بس كده ماشي

قومت انا و هو بتمشي و بعد شويه لقيت عمر داخل الحفله و حوليه حراسه
انا : ممنوع دخول الحراسه و تسيب سلاحك بره
عمر : بص حوليك و شكل الرجاله تاكل الزلط
انا : (بصيت لي الحرس الي معاه و ابتسمت) لو عايز تقلبها بحر دم انا معاك لحد الاخر بس بص لي شكل الحراسه الجديده غير كده في جوه ناس في مناصب كبيره غير كده انا مش ها سمح ليك تعمل غلطه واحده هنا انا قاعد ليك على غلطه زي ما قولت الحرس يقعده بره ياخده واجبهم و انتا تسيب سلاحك و تدخل غير كده لا

دخلت تاني و عمر عمل الي قولت عليه و دخل قعد مع رشوان جوه
رشوان : عمر عامل ايه
عمر : تمام يا رشوان بيه بس ينفع كده مازن يرفض ادخل مع الحرس و يقلي سيب سلاحك بره يصح
رشوان : لا طبعا عيب فين مازن يا سحر
سحر : ثانيه واحده خليل هات مازن

خليل جالي و عرفني و انا رحت
انا : ايوه يا رشوان بيه
رشوان : انا زعلان منك يا مازن بجد
انا : ليه بس يا فندم ايه الي حصل
رشوان : عمر يبقي خالك ازي ترفض دخوله بالسلاح
انا : عندي حق
عمر : حق ايه انتا لسه عيل
انا : رشوان بيه انتا راجل مش قليل في البلد غير هنا في قيادات في مناصب حساسه صح
رشوان : ايوه
انا : نفترض واحد من السرفز سحب سلاح خالي عمر و ضرب واحد منهم بالنار تبقي فضيحه وله لا
رشوان : دي اكبر فضيحه
انا : طيب لو جت في حضرتك مثلا وله مساعد وزير الداخلية وله مدير امن وله قاضي في المحكمه الدستوريه حد ها يسكت
رشوان : الصراحه عندك حق يا مازن دماغك شغاله بس ابقي فهم خالك برده
انا : عندك حق فعلا اسف يا خالو اسمحلي ابوس راسك (روحت عند عمر و بوست راسه و كلمته في ودنه) بلاش تتحداني تاني علشان بكسب
سحر : شاطر يا مازن صالح خالو
انا : انا اقدر ازعل خالو مني لا طبعا
سحر: جدع
رشوان : (فهم اني بقسم على عمر ابتسم) نسيت اعرفك يا مازن على المدام جيهان و بنتي هايدي
انا : اهلا منورين الحفله
جيهان : منور بيك يا مازن
انا : (شوفت هند مع واحد قولت اكيد جوزها) بعد ازنكم يا جماعه

رحت لي هند
انا : هند مش تعرفيني
هند : اه ده جوزي اشرف
اشرف : مين ده
انا : انا مازن هارون الخديوي
اشرف : (سلم عليا بقرف) اهلا
انا : طيب يا اشرف انا سمعت انك زعلان مع هند و حابب اني المشكله دي تخلص مهما كان في بنكم طفل
اشرف : و انتا مين علشان هند تحكيلك عن مشاكلنا
انا : اخوها
اشرف : مش قولنا محدش يعرف بالي بنا
هند : (بخوف) اسفه اسفه
انا : (مسكت ايد هند و جبتها وره ضهري) انتا ازي تكلمها كده
اشرف: ملكش دعوه اكلمها زي ما انا عايز
انا : مش قدامي احترم نفسك فاهم مهما كان بنكم مشاكل لزم تتحل انته كبار كفايه لحل مشاكلكم و عندك حق محدش يدخل بنكم علشان المشاكل متكبرش بس مش بالطريقه دي اتكلم بأدب
اشرف : و انتا الي ها تعلمني الأدب برده
انا : انتا و اي حد فاهم ولو مش عارف يبقي اعلمك فعلاً خليل
خليل : (ماشي في ضهري) ايوه
انا : خد الاستاذ اشرف وصله لحد عربيته و لما يهدي يبقي يجي يقابلني و يطلب يعتذر لي هند بدماغه ماشي
خليل : اتفضل معايا
اشرف : انته مجانين انا اقدر
انا : (قطعت كلامه) لا تقدر تعمل حاجه و امشي بالأدب بدل ما اطلعك من هنا على نقاله
اشرف : ماشي يا هند انا ها وريكي انتي و اخوكي ماشي (مشي مع خليل)
هند : مازن انتا مش فاهم
انا :مش عايز افهم دلوقتي بس بعد الحفله نتكلم ايوه انا اخوكي الصغير بس لو عندك مشكله اعرفها منك بدل ما اعرفها منه هو و اي مشكله ليها حل

جيه وقت الرقص قومت اخدت سحر رقصت معاها سلو
انا : قليلي انتي عرفه المشاكل الي بين هند و اشرف
سحر : لا هما اول شهر مع بعض عادي جدا لكن بعد كده بدأت المشاكل بنهم
انا : طيب هيا ايه المشاكل دي
سحر : معرفش حتي هيا مش بتحكي ايه المشاكل دي
انا :طيب انا قبلت اشرف و اسلوبه معاها مش كويس انا ها تكلم معاه و احاول اصلح بنهم علشان ريان
سحر : انتا بتكبر كل يوم في نظري يا مازن
انا : طيب اسحبي علشان ارقص مع باقي اخواتي
سحر: ماشي يا ميزو

رقصت مع كل اخواتي البنات جت اميره و هيا بترقص معايا و مش طيقاني
انا: مالك مش طيقه الي جبوني ليه
اميره : انا حره و احسبها زي ما تحسبها
انا : عرفه يا اميره انا عشت 20 سنه مع عيله السراجي كنت بحب واحده اسمها فريده كنت بعشقها بس كنت بخاف احكي لي امي امل علشان كانت شديده اوي كنت بحكي لي مرات عمي كنت فاكر اني اقدر اثق فيها لحد ما عملت مشكله بيني و بين البنت دي لحد ما كرهتها و بعدها سمعت اني ابن عمي ها يخطب قولت مش مهم لحد ما عرفت انه ها يخطب البنت دي كنت ها تجنين لحد ما خلي واحد صحبي عرفته عن طريقه هو طلبني اقعد معاه رحت و قعدت الواد كان متوصي بيا جدا خمره بانواع و حشيش و هروين و كمان نسوان المفروض اقوم على ايد الحكومه و نيابه و تحقيق و حجت كتير كشفته قدام الكل تخيلي قال عليا مجنون و دفعه فلوس لي دكتور علشان يقول عليا مجنون
اميره : (ملامح وشها متغيره) و انتا بتحكيلي الحكايه دي ليه
انا : اعرفك ليه من بعدها باخد ادويه مهدأت و منوم بأصناف قويه لدرجه انها عملت ليا مشاكل في القلب و من سعتها الادويه دي مش يتأثر فيا يعني المنوم الي حطته في القهوه امبارح كان بالنسبه ليا لعب عيال استني بس بلاش تجوبي انتي اخدتي عينه من شعري و الضوافر و كمان عينه من اللعاب يعني ده تحليل اثبات نسب انا مش زعلان بالعكس انا عايزك تكملي فيه و لحد الاخر و تعرفيني النتيجه لو طلعت اخوكي لو لا يبقي تبلغي عني الدخليه يجه يخدوني (خلصت المزيكا و الناس بتسقف مسكت ايد اميره و بوستها) اتفقنا

مسمعتش ردها و سبتها الحفله خلصت و دخلت الاوضه بتعتي كانت هند هناك و مفحوته عياط
هند : انا في مصيبه


المشهد العام


مازن عرف أصله فين و هو اساسا متعلم صنعه الكلام اصل الكلام صنعه و مش سهله بس مازن استاذ فيها عرف يخدع كيداهم و ياخد حق اولاد المعلم خليفة اصله مش ها ينسي صاحب الفضل عليه و علم عليها و على عمر خاله و كسب راجل مهم في صفه زي رشوان بس هند اخته وراها مصيبه ايه هيا محدش عارف



يتبع......

الف مبروك لي الأهلي و مشجعين الأهلي زي ❤️❤️❤️❤️❤️

الفصل السادس


ديمن بيني و بين الدنيا مسومه كبيره مش ها تاخد حاجه منها تاخد فلوس تخسر راحه بال تاخد ناس تخسر راحه بال برده كأن الدنيا ها تديني كل حاجه بس راحه بال لا علشان دي الي انا طلبها بالاسم مش ها خدها


بدايه الفصل


دخلت الاوضه بتعتي ارتاح فيها من التعب خلعت الجاكت و هند كانت جوه و بتعيط جامد
هند : انا في مصيبه يا مازن الحقني
انا : (حطيت الجاكت ببرود) مستعده تحكي
هند: بس بس ارجوك بلاش تاخد عني فكره واحشه ارجوك
انا : انا مليش احكم عليكي قولي في ايه
هند : انا اعرف اشرف من ايام الدراسه كنا مع بعض في الجامعه و حبينا بعض و اتجوزنا بس بعد شهر حسيت انه اتغير معايا بدأت ادور وراه لحد ما عرفت انه يعرف عليا ستات كتير بعد شهر جواز عملت معاه مشكله و نزل فيا ضرب سبت البيت و جيت هنا و محدش يعرف الموضوع ده خالص بعد مده جالي و صالحني و انا كنت بحبه و صارحني اني الستات الشمال بتهيجه و مش عرفه اقنعني ازي اني اعمل علاقه معاه و هو معاه واحده تاني من الشارع سكت و استحملت لكن بعد كده طلب مني اعمل علاقه معه هو و واحد صحبه رفضت نزل فيا ضرب لحد ما سبت البيت و جيت هنا انا و ريان بس الحيوان طلع مصورني انا و واحده مع بعض بنتساحق و بيهددني انه لو معملتش الي هو عايزه ها يفضحني او يقتلني و مش ها ياخد حكم فيا علشان انا ناشذ
انا : (بصيت ليها شويه و انا بفكر و عارف انها مش ها تكون سعيده لحد الاخر ابداً) طيب يا هند انا مليش احكم عليكي انا و انتي كل واحد فينا من عالم تاني خالص انا من عالم مينفعش فيه الست تقدم واجب لي ضيف مهما كان بس انا واقف معاكي لحد ما تخدي حقك منه و مش ها يفكر يجي جنبك ابداً
هند : انتا ها تعمل ايه
انا : انتي لسه خيفه عليه
هند : انا خيفه عليك انتا يا مازن انتا لسه صغير و اشرف دماغه سم
انا : لو دماغه سم فا انا تاجر سموم روحي نامي و خدي ريان في حضنك و اوعي تخافي او تنزلي دمعه من عينك ماشي و الكلب ده حسابه معايا انا يله اتفضلي

قامت هند و عنيها في الارض خيفه مني و مكسوفه برده خلعت البدله و دخلت الحمام مليت البانيو و قعدت فيه بفكر اعمل ايه مع اشرف و هند زهقت من القعده طلعت بره لبست لبس نوم و دخلت السرير انام و صحيت تاني يوم الصبح بدري و نزلت المطبخ عملت سندوتش جبنه و فنجان قهوه و قعدت اشرب القهوه و اميره دخلت عليا
اميره : صباح الخير
انا : صباح النور (لقتها مسكه ملف) ها ايه النتيجه
اميره : (مكسوفه)
انا : بصي يا اميره انا مش عايزك تتكسفي لا قولي بصراحه من الاول انا مش وثقه فيك و سعتها انا الي ها ديكي العينه بنفسي و انتي اعملي التحليل في الحته الي تعجبك
اميره : اصل انتا مش فاهم قد ايه البيت هنا هش و مهزوز و اقل حاجه تأثر فيه كان لزم اتأكد
انا : و انا مش زعلان منك بالعكس انتي كبرتي في نظري علشان مش بتثقي في كلام اي حد حتي لو كان امك
سحر : (دخلت علينا و هيا لبسه بجامه مقفله) صباح الخير يا اولاد
انا : صباح النور
سحر : ايه الورق الي في ايدك ده يا اميره
انا : (اخدت الورق) ده بتاعي
سحر : دي تحليل انتا عامل تحليل ليه
انا : مفيش انا بحب اعمل تحليل كل سنه علشان اطمن على الأنيميا و كده
سحر : طيب وريني اشوف النسبه
انا : (فتحت الورق و بصيت فيه) لا النسبه 12 كويس النسبه المناسبه
سحر : طيب يا حبيبي انتا رايح فين على الصبح كده
انا : رايح المنيا
سحر : تعمل ايه في المنيا
انا : اطمن على المزرعه و اشوف الناس خلصت لحد فين شغل
سحر : طيب خلي خليل و الحرس معاك
انا : لا انا رايح لوحدي من غير خليل او الحرس
سحر : لحسن تحصل مشكله
انا : لو عيله السراجي مش بتحبني فا المحافظة كلها بتحبني متخفيش عليا (بوست راسها) سلام (بوست راس اميره) باي يا قمر

طلعت و انا معايا ورق التحاليل و ركبت عربيه و طلعت على دكتور شاطر طمني على التحليل و اتأكدت بنفسي و بعدها روحت شقه في الجيزه في شارع البحر الاعظم نزلت من العربيه و دخلت عماره طلعت الدور الثالث كانت شقه فيها رقيا
رقيا : مازن اتفضل
انا : صباح الخير يا رقيا
رقيا : صباح النور ايه توهت في العنوان
انا : لا مش بعيد حلو المطرح ده
رقيا : اول ما اخدت الفلوس رجعت البيت لميت هدومي انا و اخواتي و اجرنا الشقه دي العماره دي بتاعت واحد صاحب ابويا اساسا و كلمت واحد جبلي الخامات و المطحنه و بدأت شغل من الفجر
انا : انتي شطره يا رقيا فين منعم و سعاد
رقيا : منعم راح يوصل طلبيه و سعاد راحت توصل طلبيه تاني اول ما الناس عرفه اني هاشتغل تاني الطلبات مش بتقف
انا : علشان ده من سمعه ابوكي الحج خليفة كل دول يتمنه يرده الجميل ليه المهم انا عايز كيلو بن ملكي
رقيا : بس كده في ثواني يكون جاهز (قامت رقيا و طحنت البن و رجعت) اتفضل يا سيدي
انا : و انته ها تفضله في الشقه دي كتير مش ها ينفع
رقيا : هو بس في الاول لحد ما نعمل مبلغ
انا : طيب لو محتاجه فلوس قولي
رقيا : خيرك سابق
انا : قصدك خير ابوكي سابق ها قليلي ها تحسبي الكيلو بكام
رقيا : ده كلام يا مازن فلوس ايه بس احنا اهل
انا : لو كنتم اخوات اتحسبه قولي الحساب كام لو لقيتك بتعملي اي تخفيض هاروح اشتري بن من بره
رقيا : طيب يا مازن الي تحسبه
انا : الي تحسبيه انتي
رقيا : خلاص يبقي 1000 جنيه
انا : بس كده ماشي اتفضلي يا معلمه رقيا سلام
رقيا : سلام يا مازن

نزلت من عندهم و ركبت العربيه رحت على ديوان رأسه الجمهوريه و طلبت اقابل رشوان اول ما عرف اني بره قلهم يدخلوني دخلت من البوابه بره بعد تفتيش كتير جدا و رحت مكتب رشوان
رشوان : اهلا يا مازن منور الديوان كله
انا : ده نور بحضرتك اتفضل البن
رشوان : بنفسك يا مازن ده كتير اوي
انا : لا كتير وله حاجه دي حاجه بسيطه
رشوان : طيب يا سيدي حسابه كام
انا : لا كده شتيمه في حقي
رشوان : لا شتيمه وله حاجه قول بس
انا : لا مش ها قول ده هديه
رشوان : طيب يا سيدي هديه (بص ليا شويه) بص احنا نخلي بتوع البوفيه يعمله اتنين بن من الكيس الجامد ده و نتكلم ماشي
انا : ماشي

طلب البوفيه و جيه واحد اخد كيس البن و بعد شويه رجع و معاه اتنين قهوه
رشوان : قولي يا مازن شكلك مرهق و مش نايم كويس مالك يا ابني
انا : انام ازي بس يا باشا وسط كل ده انا عندي في البيت خمس مصايب
رشوان : خمس مصايب ايه هما
انا : امي و اخواتي البنات انا متربي في عالم تاني خالص متزمت
رشوان : عندك حق يا مازن على فكره انا صعيدي زيك انا من سوهاج و عارف انتا حاسس بأيه
انا : غير كده هند اختي جوزها مد ايده عليها
رشوان : انا عرفت سحر هانم من الاول اني الواد ده مش من مستواها بس اختك صممت عليه
انا : اخرت الدلع ده عيل قليل الادب في الحفله امبارح يقولها ازي تدخلي اخوكي بنا
رشوان : بص حلها عندي يطلقها و بعدين دي هند هارون الخديوي يعني الف واحد يجري عليها علشان يتجوزها
انا : صعب مش ها يطلق بسهوله و بعدين مش حابب يكون في محاكم علشان ريان ابنهم غير كده الفضايح
رشوان : طيب معلش قرصه ودن مني
انا : لالا يا باشا انا مش جي لي كده لا و بعدين انا مش عايز اسم حضرتك يجي في القصه دي
رشوان : متخفش انا عارف انك مش جي لي كده و مش ها جيب اسمي خالص ها عملها بعيد عني و معلش سبني انا علشان لو سبتك انتا لا انتا شاب و اكيد طايش و عارف دماغ الصعيد كويس
انا : بس
رشوان : من غير بس اسمع كلام الاكبر منك في السن
انا :طب
رشوان : بلاش دماغك تبقي نشفه
انا : طيب الي تشوفه بس بلاش اهم حاجه اسم حضرتك يكون بعيد
رشوان : متخفش بعيد جدا كمان بص هو ها ياخد اسبوع في الحجز لحد ما انتا تقول اذا يطلع وله لا
انا : كلمتك سيف على رقبتي
رشوان : ماشي

قعدت ارغي معاه شويه و بعد كده مشيت انا رايح كده كده علشان موضوع اشرف من الاول بس كان لزم يكون في شويه حب و مينفعش و ميصحش و اسم حضرتك ممكن تشوفه انه تعريص بس المثل بيقول ايه (عرص تكسس تأسس تبني عماير) طلعت من الديوان و ركبت العربيه و مسكت الطريق لي المنيا روحت حته ارض في الجبل فوق بتعتي و ارض الجبل رخيصه ارخص من التراب شوفت المبني و العمال و جالي جمال
جمال : (اخدني بالحضن) واحشني
انا : و انتا اكتر
جمال : انتا ليه طلبت نتقابل بره كنت جيت البيت و لو على محمود اوقفه عند حده
انا : لالا محمود مهما كان عيل صغير مخ بس انا مش قادر ادخل البيت و هيا مش فيه
جمال : (حط ايده على كتفي) وله انا كل ما اقعد في البيت احس اني نفسي مش قبله و برده مش عايز اهجره
انا : اوعي تهجر البيت دي كبيره و تزعلها في طربتها المهم طمني على محمود
جمال : مش مرتاح خالص يا مازن الواد واخد صف حسن ابو عماد و كل يوم الغدا هناك و العشا هناك السهره هناك
انا : علشان بنته جميله متنساش اني بابا كان اكتر واحد في اخواته ارض و ملك يعني طمعانين و بعد شويه تلقيه بيعمل معاك مشاكل و عايز يقسم الورث بينك و بينه دخل عمك مصطفي في النص
جمال : انا قلقان عليه يا مازن خايف لحسن الواد يشرب على ايدهم و انتا عارف حسن ايده في الحشيش
انا : خلي محمد ابن خالتك ياخده اسبوع الجبل يقعد في المزرعه فوق بس خلي محمد هو الي يقوله ماشي
جمال : ماشي بس انتا انشغلت فيا قولي الدنيا فيها ايه عندك
انا : بيت فيه خمس حريم و ملهوش كبير بس اخوك شيال
جمال : طول عمرك يا مازن
انا : نازل الشغل امته
جمال : يعني معايا شويه
انا : طيب بس اظبط محمود قبل ما تنزل علشان سما متقعدش لوحدها في البيت و مش عايزن الواد يضرب خالص لو حصل و قال قسمه و دخلت عمك مصطفي و مكبرش حد كلمني و انا عندي الحل
جمال : طيب متخفش انتا و لو حصلت حاجه ها كلمك امسك الطبق ده
انا : ايه ده
جمال : ده طبق بسبوسه عمله سما اول ما عرفت اني ها شوفك
انا : تسلم ايدها
جمال : ابقي رجع الطبق علشان ده في القيمه ماشي
انا : ههههههه ماشي يا جيمي
جمال : توصل بالسلامه
انا : سلام

مشي جمال و انا قعدت شويه مع العمال و بعد كده اخدت العربيه و رجعت تاني القاهره بعد ثلاث سعات دخلت البيت كانه قعدين كلهم تحت و معاهم فريد المحامي
انا : متجمعين في الخير بس خير
سحر : في مصيبه اشرف جوز هند اتمسك بمخدارت في العياده بتعته
انا : و بعدين
سحر: بعدين ايه لزم نشوف حل دي سمعتنا
انا : طيب ها تعملي ايه
فريد: صعب خروجه انا بحاول اكلم ناس الكل تلفونه مقفول
انا : اكيد الشبكه وقعه
سحر : انتا بتهزر
انا : ايوه بهزر اعمل ايه يعني
سحر : اشرف مش بتاع مخدرات
انا: و انتي عرفتي منين انتي شغاله مباحث
فريد : المشكله في السمعه يا مازن
انا : وله اي سمعه انا اختي طلبه الطلاق اساسا صح يا هند عندك استعداد تقعدي مع واحد شغال في المخدرات
هند : لا
انا : خلاص بس علشان احنا ولاد اصول ها نقف معاه لحد ما يطلع صح
هند : (بص ليا و مش فهمه) الي تشوفه
سحر : انا مش فهمه حاجه انته مخبين عليا ايه انتا و اختك
انا : وله اي حاجه بس دي الاصول هو فين يا متر
فريد : في مدريه الامن
انا : طيب لو حضرتك فاضي نروح نبص عليه و نطمنه وله الأصول بتقول ايه يا متر
فريد : كلامك هو الاصول يا باشا
انا : طيب هند دخلي الطبق ده التلاجه و اوعي حد يجي جنبه و لما اجي اقسمه علينا ماشي
اميره : طبق ايه ده
انا : بسبوسه بس ايه مفيش منها اتنين في العالم كله
سحر : احنا في ايه وله ايه
انا : لا حسبي البسبوسه دي اهم من اشرف نفسه و من اي حد خدي يا هند يله يا متر من بعدك

طلع فريد و انا وره ركبنا العربيه تاني
انا : (فريد كان باصص ليا كتير ولعت سيجاره) خير يا متر ها تخدني صوره
فريد : لا بس مستغرب من برودك تقتل القتيل و تمشي في جنازته
انا : (ركنت على جنب و نورت نور الصالون) بقولك ايه يا متر انتا محامي و الكلام لعبتك قول الي انتا عايزه مره واحده انا جي من سفر و مرهق و عندي مشورا اشوف فيه جوز اختي
فريد : اصل المحضر بتاع اشرف انا الي كتبه بنفسي للضابط بامر من رشوان بيه و لما سأله قال انتا الي عايز تقرص ودانه بس لما شوفتك و تعرف اني ها دخل و سعتها اشرف ها يطلع في ثانيه شوفتك بارد و مش خايف او متوتر فا مستغرب
انا : عادي اصل انا رايح لي واحد مش سهل وله صغير علشان يجي حتت محامي هلفوت زيك يطلع اشرف لا انتا لو حاولت ها تشرف جنبه على ارض الحجز
فريد : و ايه لزمت الغلط ده
انا : ده واقع اكذب وقل انك حاجه بالنسبه لي رايس ديوان رأسه الجمهوريه
فريد : عجباني دماغك
انا : نفسي اقولك اتفضلها بس دي الي طلعت بيها من الدنيا
فريد : ماشي يا مازن بيه بس لما تحب تعمل حاجه زي دي عرفني بلاش الكبار يدخله علشان طلب رد الخدمه مش ها يكون صغير

نفضت من كلامه و اتحركت وصلنا مدريه الامن دخلنا جوه و قابلنا مدير الامن و فريد كان قاصد ده علشان يوريني هو قد ايه واصل معلش اصل انا الحصان الكسبان في سباق عائله الخديوي طلع فريد مع مدير الامن و قعدت انا لحد ما جيه اشرف دخل ولعت سيجاره
انا : اقعد
اشرف : جي ليه
انا : جي اتفرج عليك الصراحه شكلك حلو
اشرف : انتا متعرفش انا اقدر اعمل ايه في اختك
انا : لا عارف كويس جدا بس حبيت اوريك انا اقدر اعمل ايه بص يا اشرف انتا ها تقعد هنا اسبوع اهلك ها يلفه عليك اقسام و مدريات مصر كلها بس محدش ها يعرف ليك طريق حتي لو كلمه الوزير نفسه بعد اسبوع ها تتعرض على النيابه بس مع عدم حضور اهلك و مع فريد المحامي اصل احنا ولاد اصول نقف مع نسيبنا و سعتها النيابه ها تحولك لي القاضي الي ها يشوف الكميه و يحولك لي المفتي تاخد اعدام قضيه زي دي تاخد من ثلاث اشهر لي خمسه بس انا اقدر اخليهم شهر او اسبوعين و محدش من اهلك ها يحتك بيك و مش ها تقدر تعرف حد ينشر الفيديوهات
اشرف : بس انا سايب الفيديوهات دي مع واحد علشان لو حصلي حاجه
انا : (سقفت ليه) ههههه لا حلوه انتا بتقراء قصص كتير على منتدي نسوانجي صح و سعتها اربطك و اصورك و انتا بتتناك من واحد و سعتها يبقي فيديو قصاد فيديو صح و شغل العيال ده علشان تطلع تقول انه حصل و انتا تحت تهديد السلاح او مربوط احنا اغتصبانك كل ده شغل عيال انا مش عايز اصغر نفسي ليه بص انا عندي ليك عرض كويس جدا تسمع
اشرف : لا انا الي عندي ليك عرض كويس
انا : طيب انا ها احترم فرق السن اتكلم انتا الاول يا سيدي قول
اشرف : اطلع من هنا و اخد 10 مليون جنيه و اطلق اختك
انا : مش عايز حد ينتف حوجلك بالمره يا روح امك (هديت) موافق بس ها تطلع من هنا بعد اسبوع
اشرف : مازن يا مازن
انا : مازن بيه احترم فرق المقام زي ما احترم فرق السن يا جوز اختي
اشرف : طيب طيب يا مازن بيه ارجوك طلعني
انا : بص انا كلمتي واحده بعد اسبوع ها تطلع و هتلاقي خليل في وشك بالعربيه ياخدك على الفيلا الي اختي جيباها تاخد دش و تفوق و نتكلم سلام يا دكتور

طلعت بره المدريه
فريد: تمام
انا : تمام يا فريد اركب اوصلك
فريد : مش عايز اتعب حضرتك
انا : طيب (نزلت من على السلم و وقفت قدام العربيه) ها تيجي اوصلك وله امشي
فريد : طيب جي

نزل فريد ركب العربيه جنبي و طلعنا على المكتب بتاعه
فريد : بس هنا شكرا قولي صحيح يا مازن
انا : خير
فريد : لو انا اعرف اطلع اشرف كنت فعلاً ها تخليني جنبه اصل انا ماسك كل شغلكم ها تضحي بيا عادي
انا : لو ها تعرف تطلعه اول حاجه ها عملها اني ادخلك جنبه و بعد كده ها تعب شويه لحد ما القي محامي شاطر غيرك سلام يا متر

نزل فريد و انا رجعت البيت و دخلت المطبخ لقيت الخونه مخلصين طبق البسبوسه
انا : البسبوسه
اميره : معلش يا كابتن أصلها حلوه
نغم : الصراحه مفيش احلي من كده
علياء : جمده جمدة يعني
انا : و انتي يا هند ايه رايك
هند : حلوه
انا : تتحرقه بجاز يا ولاد سحر الخديوي

سبتهم و انا بدحك و هما كمان طلعت الاوضه بتعتي لقيت سحر فيها
انا : مش عارف ايه الحكايه كل ما ادخل الاوضه القي فيها حد خير يا ست الكل
سحر : انتا عملت ايه مع اشرف
انا : رحت زرته و اخدت معايا عيش و حلاوه
سحر : مازن يا حبيبي صارحني لو سمحت ممكن
انا : قولي عايزه ايه مش بحب المقدمات
سحر : انتا سبب في الي حصل لي اشرف
انا : ايوه
سحر : ليه كده انتا جربت الظلم ليه تعمل كده
انا : انا جربت الظلم لما كنت بريء بس اشرف مش بريء اشرف بيدفع تمنه اخطائه اشرف كان بيضرب هند و انا موتي و سمي حد يمد ايده على واحده حتي لو كانت مراته
سحر : يابني
انا : نعم قولي قولي انها سمعتنا و كلام الناس و الجو ده اقولك انا تولع الناس بجاز وسخ اختي بتعامل ازبل معمله و لما رحت اسلم عليه في الحفله كلمني باسلوب مش كويس جنب ده كله كان ها يمد ايده عليها قدام الناس و شوفي كام صحفي كان موجود و منشت ابنه المليونيره تعامل كما الجاريات و واحد تاني هند الخديوي زوجها يضربها امام الجميع و واحد ثالث عوده الابن الضال قد سببت ازمه في بيت الخديوي تحبي اكمل وله اسكت
سحر : مش كده
انا : انا عارف بعمل ايه دي اختي و مستحيل اعمل حاجه واحشه فيها ها قولي ها نسافر الجونه امته
سحر : بكره بس انا خيفه عليك اشرف بعد الي حصل ها يتشطب من النقابه
انا: طيب تقدري تقليلي اشرف معاه منين يفتح عياده في زايد و يبقي عنده فيلا في التجمع منين اقولك منك انتي صح
سحر : صح
انا : خلاص زي ما دخل الجوازه دي بمجهوده يطلع بمجهوده بعد اذنك علشان عايز انام و تعبان
سحر : ماشي تصبح على خير

دخلت الحمام اخد دش و طلعت من الحمام لقيت هند في الاوضه
انا : يعني اعمل ايه في الاوضه دي احط بواب عليها خير يا هند
هند : انتا سبب في الي حصل لي اشرف
انا : ايوه انا السبب و ملكيش علاقه او كلمه في القصه دي و لو قلتي بحبه و عايزه يطلع سعتها اقتلك و اغسل عاري هند مش عايزك ترجعي خطوه
هند : طيب و ريان
انا : ريان يعيش ملك معنا احسن ما يعيش مع اب ديوث زي اشرف و ده اخر كلامي تحبي تحطي اي حاجه
هند : (بصت في الارض) لا
انا : (رفعت وشها لي فوق) الي حصل حصل المهم الي جي عندك استعداد تغيري حياتك للاحسن ماشي
هند : ماشي
انا : بعد اذنك عايز انام نفسي انام تعبان و كل ما اجي انام حد يدخل الاوضه
هند : هههههه معلش احنا بيت متعب شويه سلام
انا : سلام

طلعت بره و انا نمت على السرير شويه و دخلت علياء
علياء : مازن
انا : نعم
علياء : ممكن تخلي الي عمل البسبوسه دي تعمل منها تاني أصلها حلوه
انا : طيب بكره
علياء : ماشي
طلعت علياء و شويه و دخلت نغم
نغم : ميزو
انا : نعم
نغم : الوي فاي شغال عندك
انا : انا شغال بالباقة بتعتي
نغم : طيب سلام
طلعت نغم و دخلت اميره بس اميره دخلت على الدرج عدل من غير اي استأذن و فتحت النور
انا : عايزه ايه
اميره : انتا تلفونك ايفون و انا عايزه الشاحن علشان بتاعي مش لقيه
انا : (طلعت الشاحن) اتفضلي بره علشان اتخمد
اميره : ماشي (طلعت بره و دخلت تاني) معكش الهندفري بتاعك بالمره
انا : (حاطت المخده على دماغي مديت ايدي ادته ليها)
اميره : (طلعت و دخلت تاني) طيب جراب معاك جراب
انا : لا ده هزار بجد (قومت و هيا طلعت تجري بصيت بره لقيت الاربعه متجماعين) ايه يا جدعان عايز انام مش نظام ده

طلعه يجره و انا قفلت الباب و اترميت على السرير انام و نمت اخيراً لحد تاني يوم صحيت على الباب بيخبط و انا قافل بالمفتاح اصلاً كانت سحر
سحر : ايه كل ده نوم
انا : معلش
سحر : و قافل على نفسك ليه
انا : علشان بناتك طلعه عيني بليل
سحر : هههههه معلش يله جهزه هدومك علشان نتحرك
انا : طيب افوق بس و انزل وراكم
سحر : طيب

دخلت الحمام اخد دش افوق به و جهزت شنطه الهدوم و نزلت تحت
اميره : خلص يا بيه احنا مستنين من بدري
انا : انتي بالذات تسكتي دخله تسألي على جراب ليه محل تلفونات
نغم : طيب يله
انا : لا لزم افطر و اشرب القهوه
علياء : و احنا ها نقعد كل ده
انا : مش نمت متأخر و صحيت متأخر خلاص استحمله
سحر :الي تشوفه يا حبيبي خد وقتك براحتك
اميره : محدش ها يبوظ الواد غير دلعك يا سحر
سحر : ادلعه زي ما انا عايزه ابني و انا حره ها دلعه و انتي لا
انا : خلصته شغل العيال طيب انا في المطبخ

دخلت المطبخ فطرت الاول و بعد كده شربت القهوه و رخامه اخرت فيها و بعد كده ولعت سيجاره و خلصتها و طلعت
سحر : فطرت يا حبيبي
اميره : يا ولياه بلاش الكلام ده الواد ها يبوظ منك
انا : بطله هبل و يله

طلعنا بره ركبنا و رحنا المطار و ركبنا طياره خاصه كانت اول مره اركب طياره في حياتي فا كنت خايف فشخ
نغم : (قعده جنبي و بعد كده نامت على رجلي) بطل هز في رجلك
انا : معلش
نغم : اول مره
انا : ايوه
نغم : ساعه و نوصل
انا : انا كده اطمنت يا نغم
نغم : هيا اول مره بس و بعد كده عادي فشخ
انا : طيب اميره هاتي الهندفري بتاعي
اميره : لا
انا : ايه الي لا ده بتاعي هات الهندفري يا لص
اميره : لا و بطل صداع
نغم : تعاله يا غلبان معايا

قعدنا نهزر و بعد ساعه وصلنا مطار الجونه كان في عربيات مستانيه ركبناهم و اطلعنا بره المطار على القرية كانت تحفه بجد وصلنا و طلعنا الجناح كان جناح خاص زي الشقه كده و بعد شويه الباب خبط رحت افتح لقيت واحده ست بس ايه بطل الجمهوريه بحق حاجه ملف بس جمده
انا : ايوه
ست : انتا مازن صح
انا : لو انتي الي بتسألي فا انا مازن جداً
ست : ههههه دمك خفيف انا لوران مديره القريه فين مامتك
انا : جوه تحبي تدخلي وله لا
لوران : طبعاً ادخل (دخلت لوران و قعدت في الصالون) فين سحر
انا : مش هنا
لوران : بس انتا قولت انها هنا
انا : (بنظره حمدي الوزير) عارف بس كنت بكذب علشان استفرد بالقمر الي قدامي ايه يا بطل (ميتلت عليها رجعت لي وره مديت ايدي جنبها اخدت التلفون و رجعت اقعد تاني) هههههه ايه خوفتي
لوران : (بلعت رقها) لا ابدا
انا : لا خفتي يا سحر
سحر : (طلعت من الاوضه) ايوه يا ميزو لوران عمله ايه
لوران : كويسه يا سحر
انا : اسبكم تتكلمه براحتكم

سبتهم و راحت اوضه البنات خبط و دخلت
انا : بقلكم ايه يا بنات
نغم : قول
انا : مين لوران دي
علياء : دي صحبت ماما و مديره القريه هنا
انا : بجد يعني صحبه سحر
نغم : ايوه
انا : بس بطل ايه الجمدان ده
هند : بس يا قليل الادب
اميره : (رمت عليا المخده) عيل سافل
انا : ليه بس انا كذبت طيب بذمتكم بطل وله لا
اميره : دي كراش الطفوله
انا : بجد جمده هيا و مضيفه الطياران شوفته كانت عمله ازي وله الجيبه الي لبساها

قامه الاربعه و نزل فيا ضرب
انا : بس بس ايه معرفش اتكلم معاكم شويه
اميره : المضيفه يا سافل
هند : يعني لوران هيا الي كراش الطفوله حتي انتي
علياء : كلكم زباله عيب
انا : ماشي يا بتاعت العيب علشان نكون وضحين و على نور مفيش لبس مايوهات فاهمين علشان الي ها لقيها لبسه مايو ها دفنها على الشط وصلت
اميره : والا اظبط احنا اربعه و انتا واحد ها ممكن نقوم نزعلك
انا : بس ياض
اميره : ماشي يا معلم
نغم : متخفش ماما اتفقت معانا علشان خاطر فخامه حضرتك متزعلش خلاص مفيش زفت
انا : اهدي يا حجه اهدي يا ماما ايه الاسلوب ده
نغم : كبت اعمل ايه
علياء : معلش هيا هرمونات بتعتها مش مظبوطه
انا : هيا وصلت لي الهرمونات لالا انا امشي احسن

طلعت من الاوضه و رحت الصالون
سحر : و بعدين يا لوران دي مشكله
لوران : و غير كده الشرط الجزائي
انا : هو في ايه
سحر : مشكله في الشغل يا حبيبي متشغلش بالك انتا و خد الاجازه بتعتك براحتك
انا : طيب هو انا ممكن اعرف
سحر : مش عايزه اشغلك
انا : بصي انا عندي اجتماع في مجلس الامن ها أجله و نتكلم ماشي
لوران : (كتمه ضحكتها)
انا : يا ستي انا صايع
سحر : الشريك الاجنبي عايز يفسخ العقد علشان القريه بتخسر
انا : طيب عايز يفسخ العقد هو الي يدفع مش انتي
سحر : في بند في العقد بيقول انه لو حصل اي تقصير من الاداره العقد يتفسخ و ياخده شرط جزائي
انا : و هو ايه الي حصل
سحر : اتنين سياح روسين عمله فينا شكوه و بعد كده فوج سياحي عمل نفس الشكوه
انا : روس برده
سحر : ايوه
انا : هو انتي مش واخده بالك من حاجه
سحر : ايه هيا
انا : كلهم من روسيا و السايح الروسي يدوبك معاه تمن الإقامه بتعته مفيش مانع يعمل شكوه و ياخد فلوس كمان و يتفسح
سحر : مش ها يعمل كده ده فوج عدده 200 واحد
انا : (فتحت النت و عرفت سعر العمله) طيب لما كل واحد يرجع بلده و معاه الفين دولار و الدولار بالنسبه لي الروبل يسوي كتير الفين دولار يرجعهم بلدهم بمبلغ
سحر : طيب العمل ايه
انا : بصي انتي ترفعي عليهم قضيه تشهير تمام و الروسين بيتعمله في القضايا دي بصعوبه اكبر من قضايا المخدرات عندهم
سحر : ها تاخد وقت
انا : تاخد سنه اتنين او عشره المهم الشريك يشوف تحرك منك علشان يعرف انه محصلش و دي محوله لي تشويه سمعتنا
لوران : هيا فكره حلوه
سحر : تفتكري ده حل
لوران : طبعا حل لما اتكلمت مع الشريك طلب يعرف احنا ليه مخدناش اي تحرك لما الكلام ده كذب
انا : هو انتي معاكي شركاء تاني غيرها
سحر : انا عمري ما دخلت شريك معايا ابداً غير في القريه دي
انا : اشمعنا
سحر : في الجونه يا تشارك نجيب يا تشارك غريب
انا : طيب ابدائي في الحل ده و شوفي النتيجه بتعته


دخلت الاوضه لبست شورت و تي شرت و اخدت البنات و نزلنا نتمشي شويه في القريه و خليل و الحرس ورانا تقلت رجلي و شاورت لي خليل يجي
خليل : ايوه
انا : تعرف ايه عن الشريك الاجنبي في القريه هنا
خليل : هيا اسمها بترسين روسيا و شغلها في حجت كتير جدا و في منها شغل عادي و في غسيل اموال بس القريه دي شغل عادي
انا : غسيل اموال ليه هيا شغاله في ايه اساسا
خليل : مصنع سلاح عندها مصنع سلاح من ابوها
انا : طيب طبعتها هيا ايه
خليل : هيا ملقبه بالوردة الفتاكه
انا : اشمعنا
خليل : (شاور ليا من غير ما حد ياخد باله على ست قعده على البحر لبسه مايوه بكيني و بتاخد تان و حوليها حراس كتير) علشان دول الحرس الي معاها دول من المخابرات الروسية متقعدين غير كده هيا الفتاه المحبوبه لي بوتن علشان علاقة ابوها به من زمان اصحاب فا بوتن بيوفر ليها الحمايه
انا : حرس روسي و علاقات مع رايس تاني اكبر دوله في العالم ها تكون صعبه
خليل : بتفكر في ايه
انا : كل خير بس اهم حاجه الرجاله جهزه
خليل : جهزين بس ليه
انا : ها تعرف دلوقتي (بصوت عالي) يا بنات ها نعلب كوره على الشط



المشهد العام


مازن مش لقي حل لي مشكله اخته هند علشان كده كان لزم اشرف يخرج من الصوره شويه و بعدها مشكله اخوه محمود بلاش تستغربه ايوه مازن لسه معتبر جمال و محمود اخواته و بعدها مشكله سحر مع الست دي بترسين ممكن تكون بدايه مشاكل جديده مع دوله كمله و ممكن تكون نهايه مشاكل كتير لسه قدام


يتبع....

الفصل السابع

الحياه غريبه جدا محدش قدر يفهمها خالص اغلب الفلاسفة احتاره في معني الحياه في منهم الي وصفها انها زي انها زي الثعبان جميل و ألوانه جميله بس لدعته و القبر و في ناس تانيه شيفه انه لا الحياه غريبه بس مش شرسه الانسان هو الي شرس
بس الاكيد اني الحياه لما تحب تنتقم من حد مش بتخلي فيه نفس بعدها (كتاب كرستوفر نولن

بدايه الفصل


انا : بنات ها نلعب كوره هنا
نغم : اشطا ماشي


قعدنا نلعب كوره جنب الحرس بتوع بترسين بس انا كنت باصص ليهم و تعمد اجيب الكوره نحيتهم و اشوف رد فعلهم السريع و خليل و الحرس معانا و خليل مش فاهم حاجه انا ليه سألت على وضع الحرس و ليه بلعب كوره هنا مع انه محضر حته امان و هاديه نلعب بيها قامت بترسين بسبب الصداع الي كنا عاملينه و بعد شويه الشمس بتغيب رجعنا كلنا على تربيزه الغدا وانا قعدت
انا : ايه ده سمك انا جعان جدا
سحر : احم احم بترسين اعرفك على مازن ابني
بترسين : (بتتكلم عربي و مدت ايدها تسلم عليا) اهلا
انا : (سلمت عليها من طرف ايدي) اه اهلا ايه بس العظمه دي انا جعان جدا
سحر : (قرصتني من رجلي) طيب يا حبيبي كول
انا : اه جري ايه يا سحر بتقرصي فيا ليه
نغم : (فهمت و ها كانت جنبي قامت قرصاني)
انا : اه في ايه يا جماعه الافخاد دي مش للقرص
بترسين : (كتمه دحكتها لحد ما طلعت منها) ههههه
انا : بتدحكي ليه ده انا رجلي ورمت
بترسين : اصل سحر لسه كانت بتحكي عنك قد ايه انتا ذكي بس مقلتش انك كمان ظريف و دمك خفيف
انا : لا دي لسه فقره الساحر و الارجوز اميره
اميره : انا ارجوز
انا : احلي ارجوز وله ايه
بترسين : (بصت لي سحر) نتكلم في الشغل
سحر : اه اوي اوي احنا
انا : سحر سحر سحر
سحر : نعم
انا : هاتي جنبري من ده
سحر : (مسكت المعلقه و طلعت واحده و حطتها في الطبق عندي) اتفضل
انا : لا مش دي انا قصدي الكبيره دي ايوه دي انتي عينك فيها وله ايه
سحر : اتفضل
بترسين : نرجع لي موضوعنا سحر احنا شركاء من زمان و اشتغلنا مع بعض
انا : نغم هاتي كفيار
نغم : هات لي نفسك
انا : خلصي بطلي رخامه
نغم : طيب
بترسين : (قامت و هيا متنرفزه) انا من رأي نسيب مازن ياكل و نتكلم بعدين
انا : (غيرت تعبير وشي لي الهدواء و البرود) لو حبه تتكلمي مع سحر براحتك لكن لو عايزه تتكلمي معايا انا و انا الي عندي حلول مشاكلك اوكي نتكلم
بترسين : انتا طفل يا حبيبي
انا : و ماله اقعدي مع الطفل و اسمعي منه لو كلامه حلو اشتري لو واحش خلاص اعتبريه طفل بيتكلم
بترسين : اوكي اقعد اتكلم معاك انا و انتا لوحدنا بس خلي بالك اني الكلمه معايا انا بحساب و امك هيا الي ها تدفع
سحر : (جزه على سنانها) مازن
انا : (باصص لي بترسين بتحدي) موافق
بترسين : بعد اذنك يا سحر نتكلم في المكتب شويه انا و مازن
انا : لا انا مش بحب قعده المكاتب وبعدين هنا الجو تحفه و الاكل اتحف نتكلم و احنا بناكل
بترسين : ماشي ممكن يا جماعه نتقعد مع بعض شويه
سحر : بس
بترسين : (غمزت لي سحر من غير ما حد ياخد باله)
سحر : ماشي يله يا بنات

قام الكل و بترسين قعدت
انا : تحبي الجمبري وله شربه سي فود وله بلح بحر وله كفيار
بترسين : مش بتكلم مع حد و احنا بناكل
انا : انتي وافقتي تقعدي معايا بشروطك بس مسمعتيش شروطي و انا مش بعرف اتكلم مع حد غير و احنا بناكل
بترسين : انتا بتحط شروط
انا : اعتبريني طفل
بترسين : ماشي كفيار
انا : اختيار موفق بصي انا عايز افهمك حاجه الفوج الي جيه هنا انا طلبت من الاداره بيناتهم طلعه جين هنا سياحه تبع شركه طلعت ثلاث افواج سياحيه لي ثلاث اماكن بتعتنا هنا في مصر بس محصلش شكوي غير من هنا
بترسين : علشان هنا في تقصير
انا : لا و انتي الصدقه حد دفع ليهم علشان يعمله الشكاوي دي (بصيت ليها شويه)
بترسين : هههههههه انتا بتفكر فيا انا تبقي طفل حقيقي (قامت) سلام
انا : انا لسه مخلصتش كلامي
بترسين : بالنسبه ليا خلص
انا : لا و ده من شروطي النقاش يخلص لما انا اخلص و بعدين انا مش مجنون علشان افكر انك عايزه تدمري البزنس الوحيد الشرعي ليكي و مخلي الناس كلها عنيها مش عليكي
بترسين : (قعدت) قصدك ايه
انا : اتفضلي جنبري مش مهم قصدي ايه وله يفرق بالنسبه ليكي انا قصدي اني اشمعنا القريه دي بالذات يمكن علشان انتي شريكه فيها
بترسين : مصلحتهم ايه
انا : (سبت الاكل و مسحت ايدي) معاكي ورقه دولار
بترسين : ايوه
انا : طيب ممكن ورقه متخفيش مش ها خدها
بترسين : (طلعت وره 100 دولار) اتفضل
انا : (مسكت الورقه) احب اعرفك على الدولار الساحر الامريكي الورقه دي تفرق بالنسبه ليكي لا علشان عندك منها كتير بس في ايد اي حد تاني تفرق معاه علشان معندوش منها لما كل سايح من دول يروح و هو معاه الف الفين او 10 منها يخسر ايه دي مجرد شكوه و ياخد فلوس فيها
بترسين : 200 واحد ياخده 10 الف
انا : مبلغ عبيط صح
بترسين : طبعا
انا : 200 الف دول قدام شرط جزائي ها تدفعه سحر الي هو يعدي 400 مليون دولار مين الخسران هنا
بترسين : سحر
انا : (سقفت ليها) شطره (طلعت ولاعه و حرقت الورقه) انا بقي عملت لي كل واحد قضيه ها يدفع ضعف المبلغ ده اصل انتي تعتبري حمايه انتي شريكه اجنبيه من روسيا و مش اي واحده انتي ليكي علاقه مع المافيا و عندك مصنع سلاح غير ان لسانك في ودن الرايس بوتن الي هو رايس دوله عظمه لما سحر يحصل ليها مشكله و تطلب منك مساعده ها تساعدي علشان المصالح بتعتك متقفش مش حب فيها انا عارف الورقه الي حرقتها دي هيا المصلحه الكبري (قومت) سلام