ال صقر والطريق نحو المجدسكس من عشرة أجزاء

( في قصر " ال صقر " )
دخل محمد القصر وسط حراسه مشدده والجميع علي قدم وساق .. شاف الكل قاعد ف الجنينه بتاعت القصر وعلامات الخوف علي ماريان
محمد / عاملين ايه
منار / تمام انت عملت ايه النهارضه
محمد / اوووف .. تعبت بس عادي اهم حاجه اننا بخير وكله هيعدي .. مالك يمرات عمي
ماريان بتلعثم وارتباك / ايه .. لا لا مفيش تعبانه شوية
محمد / امال فين هايدي
ماريان بتوتر / هاا .. هايدي ف اوضتها تعبانه شوية
محمد / تعبانه فيها ايه .. هروح اطمن عليها طب
ماريان / لا استني .. اصلها راحت للدكتور عشان تطمن علي نفسها
محمد بعدم فهم / راحت للدكتور ؟ .. انتي مش بتقولي ف اوضتها ؟
جني لمحاولة انقاذ الوضع / كانت ف اوضتها .. بعدها لما تعبت اكتر قولنالها تروح للدكتور
محمد بعدم اقتناع / وانتوا مس المفروض ترفعوا سماعه تليفون وتقولولي هايدي رايحه للزفت الدكتور .. انا مش مطمن لكم انتوا بتكدبوا .. ماما هايدي فين ومتحاوليش تكدبي عليا
منار بتوتر / احمم .. هايدي خرجت تعمل شوبينج وتغير جو
محمد / ممم .. تمام .. حسابها معايا لما تيجي وانتوا حسابكم معايا .. وياريت يمرات عمي لو انتي حاسه انكم فسجن تاخدي بناتك وتروحوا اي مكان تاني .. انا مش هفضل واقفلكم وكل شوية احذركم عشان مصلحتكم
ماريان / معلش يمحمد حقك عليا .. هي تيجي بس ومش هخليها تخرج تاني
محمد / هي بمزاجها وغصب عنها مش هتخرج تاني الا علي جثتي .
جني / هو ايه اللي مش هتخرج .. انت هتتحكم فينا ولا ايه .. انت هنا زيك زينا بالظبط
محمد بانفعال / احترمي نفسك واتكلمي معايا كويس .. الظاهر ان الذوق معاكم مش هينفع .. دلوقتي عرفت ليه زيدان كان بيتعامل معاكم كدا .. انا هطلع فوق .. ولما تيجي هايدي ابقوا قولولها تستناني جوا .. جاتكم القرف
خرج محمد وسابهم لوحدهم ودخل جناحه وقلع هدومه واخدش دوش وبعدها خرج ومسك تليفونه وطلب رقم ( يعقوب الكامل )
محمد / الووو يعقوب باشا
يعقوب / ايوه مين معايا
محمد / انا محمد علي صقر .. اخو زيدان وابراهيم
يعقوب / ااه اهلا اهلا تشرفنا استاذ محمد .. خير فيه حاجه
محمد / هو الحقيقه فيه حاجه وانا محتاج مساعدة حضرتك .. الكلام مش هينفع فالتليفون فلازم نتقابل
يعقوب / ااه جدا جدا مفيش مانع
محمد / طيب حضرتك فاضي الساعه 8 مساء
يعقوب / اهاا فاضي ولو مش فاضي افضالك يحفيد الغالي
محمد / ربنا يخليك .. خلاص نتقابل الساعه 8 فنادي الجزيرة
يعقوب / خلاص اتفقنا
_________________
( باسفل القصر )
وصلت هايدي للقصر وعلي وجهها ابتسامه بلهاء تغطي عليها زينتها الصارخه وملابسها الفاضحه
هايدي / هاااي عاملين ايه
منار / هو ايه اللي هاي يبت انتي .. انتي كنتي فين من امبارح انطقي
هايدي / ف ايه يطنط مالك قافشه كدا ليه .. وبعدين انا كنت سهرانه امبارح مع صحابي بدل الخنقه والقرف دا
منار / سهرانه .. جاتك القرف .. دانتي بلبسك دا كنتي رايحه ديسكو مش تسهري
هايدي / انتي بتتكلمي صح .. انا صحيح كنت سهرانه ف النايت كلاب
منار / يلهوووي .. شايفه بنتك يماريان .. شايفه تربيتك .. رايحه تسهر مع صحابها ولا رايحه ترقص .. دانتي بلبسك دا غطيتي علي الرقاصه
هايدي / مبلاش انتي تتكلمني يطنط .. سليم يشهد ولا ايه
منار بحرقة ودموع تجمدت فعنيها / انا مش هتكلم فعلا .. لان لما بتكلم معاكي ببقا بقل من قيمتي
محمد نزل وسمع كلامهم وسمع هايدي وهي بتجرح امه بكلامها
محمد قرب منهم ومسك هايدي من شعرها وضربها بالقلم
محمد بغضب وانفعال / كنتي فين يوسخه .. انطقي بدل مقتلك
هايدي بوجع / ااه .. سيب شعري يمتخلف انت .. انت مالك كنت فين
محمد بانفعال وضربها بالقلم / عندك حق .. انا فعلا متخلف .. انطقي يوسخه كنتي فين بدل مقتلك ويبقي تخلف وجنان
هايدي بالم / ااه .. كنت سهرانه مع صحابي ف النايت كلاب
محمد / بلبسك دا ومكياجك .. تمام هعديها بس ورحمة جدي لو اتكررت تاني لدفنك يهايدي .. سامعه
هايدي بصتله بغضب ومتكلمتش .. محمد ضربها بالقلم تاني
محمد بعنف / سامعه ؟
هايدي بوجع / ااه سامعه سامعه
محمد / غوري فستين داهيه
منار / خلاص يبني متزعلش نفسك
محمد / تمام متتكررش تاني يمرات عمي عشان المره الجايه هقتلها .. انا رايح مشوار صغير كدا يماما خلوا بالكم من نفسكم
منار / رايح فين
محمد / مشوار صغير كدا وهاجي بسرعه .. يلا عن اذنكم
________________
( في نادي الجزيره )
يجلس محمد وحيد علي طاولة بالنادي ينتظر قدوم ( يعقوب الكامل ) .. بعد دقايق تعد علي اصابع اليد الواحده دخل يعقوب الكامل النادي
يعقوب / اهلا محمد باشا اهلا
محمد مد يده ليصافح يعقوب / اهلا استاذ يعقوب نورتنا و****
يعقوب / ربنا يخليك دا من ذوقك اتفضل اجلس يمحمد
قعد محمد علي الطاوله وقعد قصاده يعقوب
يعقوب / هااا قولي محمد كنت عايز تتكلم معايا بخصوص موضوع مهم .. ايه الموضوع دا
محمد / يعقوب باشا .. حضرتك عارف الظروف اللي بنمر بيها واكيد عرفت بحبس ابراهيم ويوسف وعمي كمال .. واكيد برضوا عارف ان الموضوع بقا كبير جدا والسوشيال ميديا ومواقع التواصل الاجتماعي بقت كل حديثها ان العيلة كلها تتحاكم
يعقوب / ااها للاسف عرفت .. معلش شده وتزول وصدقني انا مش مقتنع بالموضوع دا اصلا ومقتنع ان دا حصل بفعل فاعل .. مستحيل عيلة ال صقر تبقي كدا
محمد / اكيد احنا مش اغبياء لدرجة اننا نضحي باهلنا وشعبنا واخواتنا .. بص انا هحكيلك الموضوع كله وهقولك مين السبب ( حكي محمد الاحداث اللي حصلت ليعقوب السعدي ) .. ومن بعد اللي حصل واسهم الشركة بتنهار ومش عارفين نتقدم خطوة .. حتي المناقصات احنا علي اعتاب اننا نتمنع اننا ندخلها .. بس هو دا كل اللي حصل
يعقوب / فعلا ازمة كبيره يا محمد .. رحيم هيفضل طول عمره وسخ ونجس .. واطمن اكيد فيوم من الايام الحقيقه هتظهر وزيدان هيقدر يظهر الحقيقه .. بس انا لو ف ايدي حاجه ااقدمها انا مش هتاخر
محمد / ودا العشم ييعقوب باشا .. انا بس جاي افاتح حضرتك فموضوع الشراكه مابينا .. احنا ممكن ندخل المناقصه من شركة حضرتك وساعتها ممكن نكسبها واكيد هيبقي فيه نسبة لشركة حضرتك ودا منعا لانهيار الشركات الخاصه بينا
يعقوب / وضح اكتر مش فاهم قصدك
محمد / ابسطهالك .. احنا هنشتغل علي المناقصه وهنعمل ملفات خاصة بيها عشان نكسب المناقصه .. بس مش هندخل المناقصه بشركة ال صقر .. احنا هندخل المناقصه باسم شركتك وبكدا هيبقي الموضوع قانوني .. وساعتها ممكن نكسب المناقصه ودا بتوفيق ربنا اكيد .. وساعتها هيبقي فيه نسبة هنحددها لما حضرتك توافق .. هاا فهمت
يعقوب / فهمت يمحمد .. بس انا بصراحه الايام دي مش مستعد لاثارة الجدل ولا اني ادخل فصراع مع الشعب المصري .. انت عارف انا مهما كان ضيف هنا يعني لازم اخليني فحالي .. انا عارف ان انت محتاجلي جدا .. بس صدقني انا ف الموضوع دا مش هقدر افيدك .. وبصراحه انا مش قد رحيم السيوفي لانه شخص قذر جدا
محمد / يعني افهم من حضرتك انك مش موافق ؟
يعقوب / للاسف يمحمد انا مقدرش اوافق .. معلش انا بعتذرلك بس انا زي موضحتلك انا هنا ضيف مش اكتر
محمد / انت ضيف بس الكل بيحترمك .. انت صاحب مراكز عاليه وتقدر تتحدي رحيم
يعقوب / مهما وصلت لمراكز مش هقدر اتحدي رحيم .. رحيم خرج وغلط ف الملك ومحدش قدر يحاسبه .. انا مش هقدر افيدك صدقني يمحمد
محمد / طيب ولا يهمك .. انا هعرف اتصرف
يعقوب / لو احتجت اي حاجه قولي بس بعيدا عن انك تدخل المناقصه باسم شركتي .. وهتلاقيني جمبك متقلقش
محمد / شكرا لحضرتك انا هعرف اتصرف .. عن اذنك
قام محمد وخرج من النادي وركب عربيته وفضل يلف فشوارع المحروسه وهو بيفكر فحل للمصيبه دي .. وفجاة لقي نفسه بيتجه للمستشفي اللي بيتعالج فيها سيف
________________
( في مستشفي ( **** ) )
دخل محمد المستشفي وقابل الدكتور المسئول عن علاج سيف بيخرج من الغرفة اللي راقد فيها سيف
‏الدكتور / اهلا محمد باشا .. نورتنا يفندم
‏محمد / انت تعرفني ؟
‏الدكتور / طبعا .. انا اعرف عيلة صقر كلهم .. انا اسامه .. صديق زيدان والدكتور المسئول عن علاج سيف الجبالي
‏محمد / طيب حضرتك سيف عامل ايه دلوقتي
‏اسامه / سيف في تقدم وحالته بتتحسن .. حقيقي انا مكنتش اتخيل انه قوي للدرجه اللي تخليه يقاوم الموت
‏محمد / طب كويس جدا .. انا عايز اقابله هو صاحي
‏اسامه / اها هو فايق ومستنيك
‏محمد / مستنيني ؟
‏اسامه / هو كان عارف انك هتيجي وكان المفروض ياخد حقنه منوم عشان يعرف ينام بس قالي ااجلها عشان انت جاي
‏محمد / طيب عن اذنك انا هدخله
‏اسامه / اتفضل حضرتك
‏دخل محمد الغرفه لسيف وشاف سيف بيشرب عصير وبيبصله بابتسامه وكانه كان مستنيه فعلا
‏سيف / جيت فمعادك .. هااا قولي الدنيا مصدرالك قفاها صح
‏محمد / صح .. الدنيا صدرتلي قفاها وشوية كمان وهتعمل معايا الجلاشه
‏سيف / طب كويس انها هتعمل معاك الجلاشه .. حاجه حلوه اهيي ايه اللي مزعلك
‏محمد بابتسامه رغم مايشعر به / اصلي مبحبش الجلاش
‏سيف ابتسم واتكلم بهدوء / كل دا ابتلاء .. مرحله صعبه لازم كلنا نتكاتف ونبقي قدها ونعديها
‏محمد / انا حقيقي مبقتش قادر .. كل حاجه بتنهار قصاد عيني
‏سيف / طب وايه يعني يخوي .. مفيش حلاوه منغير نار .. ومفيش نار منغير دخان .. لازم لما الدنيا تضحكلك تعمل حسابك انها هتكشر فوشك فيوم من الايام .. مفيش حاجه بتدوم .. بس دا مش انهيار .. دي مرحله صعبه عايزه رجاله بجد تبقي اسود وتعديها
‏محمد / تفتكر انا هقدر اعدي المرحله الصعبه دي .. انا عمري مشيلت هم وديما عايش ولا علبالي .. ديما بشوف زيدان مكشر وعمره مضحك ولا حتي ابتسم .. ديما بيتعامل برسميه مع الكل وديما شايل هم الدنيا .. دلوقتي بس عرفت انه كان عنده حق .. اللي يعيش وسط الصراع دا بيفقد متعه كبيره .. متعة التعايش وانك تحس انك عايش فالدنيا .. انا دلوقتي حاسس اني بموت بالبطئ
‏سيف / دا مش سبب مقنع .. زيدان عمره مشال هم حاجه .. زيدان اتعود علي كدا ولما كان بيحصل نفس اللي بيحصل دلوقتي كان بيتعامل عادي ولا فدماغه وعشان كدا كان بيكسب المعركة .. متحملش نفسك فوق طاقتها واتعامل عادي وهتلاقي كل حاجه اتحلت .. وبعدين احنا لسه فالاول لسه مدخلناش فالغويط
‏محمد / فكرك لو زيدان كان مكاني كان هيعرف يتصرف
‏سيف / اكيد .. بس انا واثق ان مفيش اختلاف مابينكم وهتقدر تعدي الايام دي
‏محمد / طيب فكك مني .. انت عامل اي
‏سيف / انا تمام .. قربت نخرج اهوو وهبقي جمبك متقلقش
‏محمد / وانا مستنيك لاني مش قادر اكمل لوحدي
‏سيف / متقلقش .. زي مقلتلك كل حاجه هتتعدل .. يلا قوم امشي عشان عايز انام يلااا نكدت عليا الاهي ينكد عليك
‏محمد / بتدعي عليا .. تمام انا همشي بس خليك فاكرها
‏سيف / يلا يااض من هنا بدل مقوم ازعلك .. يلاا
‏محمد / خلاص طب متزوقش انا ماشي .. يلا سلام
‏خرج محمد من المستشفي وركب عربيته واتجه للقصر
‏ووسط مهو ماشي فطريقه رن تليفونه وكان ( private number ) رد محمد علي التليفون وكان صوت انثوي
‏محمد / الو مين معايا
‏المتصل / هتعرف لما تقابلني .. انا عايزه مصلحتك
‏محمد / ايوه برضوا مين معايا
‏المتصل / قلتلك هتعرف لما تقابلني
‏محمد / طيب هقابلك فين
‏المتصل / قابلني بعد نص ساعه ف كافيه ( ***** ) ومتتاخرش
‏محمد / طيب حاضر نص ساعه وهكون عندك
قفل المتصل فوش محمد .. ومحمد كمل طريقه للكافيه عشان يعرف مين دي وعايزه ايه منه
‏_______________
‏( في كافيه ***** )
‏يدخل محمد الكافيه ويظل ينظر للجميع وهو لا يعلم من يريد مقابلته .. الكافيه ملئ بالنساء وهو لا يعلم من هي من بينهم .. رن هاتفه ب ( private number ) وضغط علي زر الرد
‏محمد / الوو .. انا وصلت الكافيه انتي فين
‏المتصل / انا علي الترابيزه اللي قصادك علي الشمال
‏محمد / طب ارفعي ايدك عشان اشوفك
‏رفعتذ يدها وتوجهه محمد نحوها وجلس مقابلتها
‏محمد / ممكن اعرف انتي مين وعايزه ايه ؟
‏= انا ليلي سكرتيره رحيم السيوفي وجايه هنا عايزه مصلحتك
‏محمد / عايزه مصلحتي ؟ وهي ايه بقي مصلحتي
‏ليلي / بص انا هفهمك .. كنت داخله عشان ادي مستر رحيم ورق وملفات سمعته بيتكلم مع اخوه مستر فريد وبيقولوا ( ....... ) وبعدين جيت احذرك واقولك خلي بالك
‏محمد / يعني ايه .. معني كلامك انهم عايزين يوقعوني وعايزين الدنيا كلها تتقفل فوشي عشان فالاخر اختار اني ابيع كل الشركات
‏ليلي / بالظبط كدا ورحيم دلوقتي حاطط كل امله ومراهن علي سقوطك وبعدها هينفذ اللي اتفقوا عليه
‏محمد / ومعني كلامك اني حتي مش هعرف اقف قصادهم وف الاخر هيحصل اللي هما عايزينه
‏ليلي / وانا كمان شايفه كدا بس انا من رايي انك تحاول تتخطي الظروف دي حتي لو تلاعبهم بنفس اسلوبهم
‏محمد بتفكير / ازاي .. الاعبهم بنفس اسلوبهم ازاي وهما دلوقتي فوضع القوة وانا فوضع الضعف .. هما دلوقتي متحكمين فكل حاجه والظروف بتخدمهم
‏ليلي / حاول .. شوف ممكن تعمل ايه وحاول تتجنب اعلي الخساير .. لو خرجت من المرحله دي باقل الخساير يبقي انت كدا نجحت .. انا واثقه انهم بعد مياخدوا اللي هما عايزينه هيخلصوا علي العيلة كلها
‏محمد بتفكير / طب وبعدين .. انا مش لاقي حل .. مفيش حل واحد حتي
ليلي / انا ممكن اساعدك .. انت ممكن تلجا لاي شخص من اعداء رحيم السيوفي وتطلب انهم يقفوا جمبك .. ومستر رحيم اعداءه كتير جدا
محمد / وانتي متخيله انهم ممكن يساعدوني ؟ كان العلق نفع نفسه لمؤخذه يعني
ليلي / مشعارفه .. انا قلتلك علي كل اللي عندي وحذرتك
محمد / طب ممكن اعرف انتي بتعملي معايا كدا ليه ؟
ليلي / حكاية كبيره سببها اخوك زيدان
محمد / زيدان !؟ .. مش فاهم قصدك ايه
ليلي / بص انا هحكيلك الحكايه كلها ( حكتله من اول مطلب منها رحيم تقرب من زيدان وحبته وهو حبها لحد ما زيدان سافر البرازيل )
محمد بصدمه / يعني ايه .. يعني زيدان كان مظلوم فعلا وانتوا السبب فاللي هو مر بيه ؟ .. يعني ديما الدنيا كلها بتقف قصاد زيدان حتي يوم محب واحده طلعت خاينه وودته ورا الشمس وخلته يعيش حياه مكنش يحلم يعيشها .. يعني ايه
ليلي بدموع / صدقني انا مكنش قدامي حل غير اللي عملته .. صدقني انا عارفه ان اللي عملته غلط وندمت علي اللي عملته .. بس انا جيت دلوقتي عشان افتح صفحة جديده واحاول اعمل حاجه صح
محمد / طب وزيدان دلوقتي عامل ايه هو كويس
ليلي / معرفش .. كنت سمعت انهم بيتكلموا عليه بس مسمعتش غير اسمه غير كدا مسمعتش باقي الكلام .. حاول تعدي المرحله دي لحد مزيدان يرجع وهو هيعرف يتصرف مع رحيم كويس .. انا لازم امشي بقي عن اذنك
محمد / اتفضلي
مشيت ليلي وبعدها وقف محمد وحاسب الجارسون وبعدها خرج ركب عربيته ورجع القصر
__________________
( في صباح يوم جديد ملئ بالصدمات )
يفيق محمد من غفوته وسط رنين الهاتف .. يضغط محمد علي زر الرد وياتي صوت المتصل
المتصل / الوو محمد صقر معايا ؟
محمد / ايوه محمد معاك انت مين
المتصل / احنا السفارة المصرية .. حبينا نبلغك ان زيدان علي صقر اخو حضرتك ربنا يرحمه وعايزين حضرتك تيجي نقفل المحاضر وتتعرف علي الجثه وتمضي علي استلامها
صدمه .. صدمه كبيره وقعت علي محمد .. صدمه قاتله تؤدي للموت فالحال .. يقول علم النفس " الصدمات احيانا تؤدي الي سكته قلبيه مفاجاه ووفاه الانسان" .. حتي لو كانت الصدمه دي مرتبطه بانك شخص فقير مش لاقي تاكل وفجاة تدخل مسابقة الحلم مع زميلي وحبيبي مصطفي الاغا وتكسب مليون جنيه .. الصدمه قاتله العن من رصاص سلاح اسرائيلي
محمد بتوهان وصدمه وعدم تصديق / نعم .. بتقول ايه .. زيدان مين اللي مات
المتصل / عارف انها صدمه كبيره حضرتك .. بس معلش دا قضاء وقدر .. هو اتقتل ف البرازيل ومكنش فيه وقت نمهدلك الموضوع .. لازم دلوقتي تيجي نخلص كل حاجه عبال مالجثه توصل مصر .. بعد اذنك حاول تتمساك الموضوع صعب جدا بس علي الاقل عشان تاخد حقه
محمد بدموع وبيحاول يتماسك / حاضر .. هلبس وهاجي مش هتاخر
قفل محمد تليفونه وهو في حاله يرثي لها .. دموعه الغزيره وجدت طريقها .. احساس صعب لما تفقد حاجه غاليه عليك .. بس الاصعب لما تبقي الحاجه دي بني ادم عزيز عليك .. وخصوصا لو البني ادم دا كان اخوك .. اخوك من لحمك ودمك .. سندك فدنيتك ورفيقك وصديقك واخوك فاخرتك .. الاخ اللي لما الدنيا تضيق عليك مش هتلاقي حضن احن من حضنه .. ( وفي الذكري التاسعه لمذبحة بورسعيد ورحيل اغلي ماليا واحن حد فدنيتي .. اخويا وحبيبي وصديقي وابن خالتي وكل حياتي .. انا اسف اني فيوم طلبت منك نشجع الاهلي .. انا اسف اني قلتلك نفسي اروح الاستاد .. انا اسف عشان شفتك بتموت قصاد عنيا ومقدرتش افديك بحياتي .. كنت شايفهم وهما بيقتلوك وبيقتلوا خيرت شباب مصر قصاد عنيا .. كنت شايفهم وهما بيرموا الشباب من فوق المدرج .. كنت شايفهم وهما بيدبحوكم بدم بارد .. لسه لحد دلوقتي بحلم باللي حصل .. بحلم بكبوس بيروح ضحيته 72 .. انا اسف يكريم .. وطول مفيا الروح مش هسيب حقك يروح هدر .. مش هنسي ومش هسامح .. 9 سنين مرت من عمري وانا شبه منتهي .. كل اللي عايش عليه هو اني اجيبلك حقك .. حقك هو بالنسبه ليا نهاية حياتي .. مش هنسي اول موصلنا بورسعيد والناس بتشاورلنا هندبحكم وسط ماهما بيرمونا بالطوب .. مش هنسي لما بصتلك بخوف وانت طبطت عليا وقلتلي " متخفش احنا جايين هنا عشان نشجع الاهلي .. جايين هنا عشان ماتش كورة مش جايين عشان نتخانق " مكنتش اعرف ان ماتش الكورة دا هيبقي نهايتك .. مش هنسي صوت القطر وكانه صوت غراب مشؤم .. مش هنسي .. انت سيبتني وروحت عند اللي احسن مني ومنك .. وانا خرجت من بورسعيد شخص تاني كل اللي فبالي ان يوم مرجع لهنا وللمكان دا هبقا عشان اخد حقك .. خرجت طفل عندي 9 سنين كل اللي فبالي حقك .. ارقد في سلام يشهيد ومعلش مش هعرف اجيلك دلوقت .) .. اسف علي الكلام دا بس حبيت اذكركم بالشهداء .. ياريت ندعولهم وندعي لاهلهم عارف ان دا مش المكان المناسب عشان اقول كلامي دا بس معلش دا طلب شخصي مني ونفسي الناس متنساش الشهداء اللي ضحوا بحياتهم عشان ماتش كورة 🖤
( نرجع لقصتنا )
تماسك محمد وقدر يقف علي رجليه رغم انه مكنش حاسس بالدنيا اصلا .. وقف والدموع مش راضيه تقف .. وقف ولبس هدومه ونزل .. نزل عشان يستلم جثه اخوه .. اخوه وابوه وسنده .. نزل محمد والكل كان قاعد فالجنينه وبيهزرو وبيضحكوا .. منار شافت محمد نازل ودموعه فعينيه وملامحه متطمنش .. شكله اتغير جدا .. كبر خمسين سنه فوق عمره .. محمد بيحاول يتماسك وميبينش حاجه لحد ميجيب جثه اخوه وبعدها يدفنوه
منار بقلق / مالك يمحمد فيك ايه وبتعيط كدا ليه
محمد بتماسك / هاا .. لا مفيش مفيش
منار بدموع / محمد طمني ب**** عليك في ايه حصل ايه .. انا صحيت وقلبي مقبوض وحاسه ان ف حاجه حصلت لاخوك زيدان .. طمني يمحمد
محمد مسح دموعه بسرعه وحضنها وحاول يتماسك / مفيش يغاليه متقلقيش .. حاسس بضغط فالشغل بس والدنيا جايه عليا اووي متقلقيش
منار بدموع / محمد اوعي تكون مخبي عليا حاجه .. انا عارفه ان زيدان اخوك حصله حاجه
محمد بدموع / ومن امتي بتحسي بزيدان يا امي .. من امتي شايفه انه ابنك
منار بدموع / من زمان .. صحيح بقسي عليه بس بحبه .. بحبه اوووي يمحمد .. طمني ب**** عليك زيدان حصله ايه
محمد بدموع / زيدان كويس .. هو بس تعبان شوية متقلقيش
جني بتوتر / محمد .. هو زيدان ماله تعبان ازاي
محمد بتماسك / هو جاي فالطريق دلوقتي .. هروح استقبله فالمطار عشان كان مسافر .. وهو لما ييجي هيحكيلكم .. عن اذنكم
ساب مامته بالعافيه وخرج وهي بيقدم رجل وبياخر التانيه .. مش قادر يتحرك ولا يمشي بس بيحاول يتماسك بما فيه الكفايه لان دلوقتي لازم يستلم جثه اخوه وبعدها يقدر يطلع كل اللي فيه
_________________
( في السفارة المصريه )
خلص محمد الورق وقفل المحاضر وعرف ان جثه زيدان متفحمه .. بمعني ان ملهاش ملامح .. ولازم يروح المشرحه ويتعرف عالجثه اول متوصل .. الجثه وصلت المشرحه ومحمد دخل ودموعه بتنزل من عينيه زي الشلالات .. اول مشاف الجثه رجليه معدتش شيلاه .. مقدرش يتماسك اكتر من كدا وقوته انهارت .. وقع علي الارض وضم رجليه لصدره وقعد يصرخ .. يصرخ بكل مافيه من قوه .. دموعه مبتبطلش نزول .. الدنيا بتلف بيه .. مازال يصرخ ( زيداااان .. ااااااه يخويااااا .. سبتني خلاااص يزيدان .. سبتني فالدنيا دي لوحدي .. سبتني اواجه مصيري لوحدي .. سبتني وانا مليش ضهر غيرك .. ااااه يزيدااان .. ااااه يخويااا .. طب وانا هيبقالي مين بعدك .. هيبقالي مين يقف جمبي ويسندني لما اقع يزيدااان .. ليييه كدا يخويااا .. لييه .. زهقت مني ؟ .. اكيد زهقت مننا كلنا اكيدد .. انت ارتحت دلوقتي بس احنا لااا .. احنا مش هنرتاح بغيابك يازيدااان .. مين اللي عمل فيكك كدا .. مين اللي قتل حد زيكك .. اكيد قتلوك غدر .. اكيد اتقتلت غدر .. مش معقول يقتلوك عادي كدا .. محدش يقدر اصلاا .. اكيد قتلوك غدر .. بس اطمن .. عمري مهسيب حقك يروح هدر يخوياا .. مش هسيب حقك )
________________________
( في شركات رحيم السيوفي )
دخل فريد وعلامات الانتصار علي وجهه وقعد قصاد رحيم اللي لسه موصلوش الخبر
فريد / الف مبرووك يا اسطورة
رحيم بعدم فهم / ربنا يباركلك بس علي ايه
فريد / جثه زيدان وصلت مصر ودلوقتي فالمشرحه
رحيم بصدمه / نعم ؟ جثة زيدان وصلت .. هو زيدان مات ؟
فريد / ااه انت مكنتش تعرف ولا ايه
رحيم بصدمه / لاا مكنتش اعرف .. بس انت متاكد ان اللي وصلت دي جثه زيدان
فريد / اااه يعم مالك مستغرب كدا ليه
رحيم بانفعال مسك تليفونه ورن علي رئيس العصابه اللي موكله يقتل زيدان .. بس التليفون مغلق
رحيم بانفعال / هوو مبيرودش لييه
فريد / هو مين دا اللي مبيردش .. وانت مالك منفعل ومتعصب كدا لي
رحيم بغضب / مكنش لازم يمووت .. زيدان مكنش لازم يموت
فريد / مكنش لازم يموت ليه .. وبعدين انت مش متفق مع رجالتك انهم يقتلوه
رحيم بندم / كنت متفق معاهم يعذبوه وبعدها يقتلوه .. بس ف اخر لحظة امبارح كنت هكلمهم وهقلهم ميقتلهوش بس التليفون كان مغلق .. زيدان مكنش لازم يموت يرحيم
فريد / ايوه مكنش لازم يموت ليه .. هو مش زيه زي كل اعدائنا ولا ايه يرحيم
رحيم بانفعال / لااا يفريد .. زيدان مش زي اعدائنا .. زيدان دا الوحيد اللي اقدر اقول عليه عدو بس محلي اللعبه .. زيدان هو اللي كان مخلي لكل اللي انا عايش فيه دا طعم .. هو الوحيد من الاعداء اللي مكنش لازم يموت .. مكنش لازم يموت يفريد
فريد / طيب اهدي .. اللي حصل حصل ومفيش حاجه ف ايدينا نقدر نعملها
رحيم بانفعال / ورحمة زيدان لجيبله حقه منهم .. مش هسيبهم
فريد / طب فهمني هتعمل كدا لي انت مش كنت عايز دا يحصل واهو حصل
رحيم / مش لازم تفهم يفريد .. مش لازم تفهم
________________
( تجريه للاحداث )

• استلم محمد جثه زيدان من المشرحه ومضي علي استلامها وطلب منهم يكفنوها علشان تبقي جاهزه للدفن
• ‏روح محمد القصر وبلغهم بموت زيدان والجميع انهار كليا
• ‏منار فقدت النطق من الصراخ علي زيدان ودموعها مش بتهمد
• ‏ليلي عرفت باللي حصل وقعدت ف البيت وقفلت علي نفسها اوضتها وكتبت استقالتها لرحيم السيوفي
• ‏سيف عرف بموت زيدان وصرخ كتير وعيط كتير بس بعدها اخد عهد علي نفسه انه يجيب حق زيدان
• ‏ابراهيم وكمال ويوسف عرفوا باللي حصل وطلبوا من الحكومه يمشوا فجنازت زيدان والحكومه وافقت
• ‏ابراهيم حس انه اتكسر ومبقاش له ضهر واتمني لو زيدان يرجع ولو ساعه واحده عشان يعتذرله علي كل اللي كان بيعمله معاه ويفتحوا صفحه جديده
• ‏كمال زعل جدا علي زيدان والندم سيطر عليه وحاول ينتحر بس لحقوه علي اخر لحظه
• ‏يوسف دخل فحاله توهان ومبقاش حاسس باللي بيحصل ولا حاسس ب اي حاجه
• ‏محمد كان اكترهم تماسك واتعهد علي نفسه ميسبش حق زيدان
• دفنوا جثه زيدان مع جده صقر فنفس القبر والكل كان بيودعه بجمله واحده ( سلام يزيدان .. انتم السابقون ونحن اللاحقون )
• ‏حضر رحيم وفريد لعزاء زيدان وسلموا علي محمد وواسوه
• ‏محمد اضطر يستقبلهم لانه مش عايز يعمل فضيحه وسط العزاء
• ‏( وانتهت قصه اسطورة كبيره بحجم زيدان ال صقر .. ولكن ستظل خالده في اذهاننا وخالده في تاريخي كمؤالف وسيناريست ..)
_____________________
بعد مرور شهر " 30 يومأ "
___________
• محمد استسلم من بعد موت زيدان ومبقاش عارف يعمل ايه عشان يعدي المرحله الصعبه دي واستسلم للامر الواقع
• ‏عاجل : انهيار شركات " ال صقر " وانخفاص الاسهم بنسبة % 95
• عاجل : ‏الديون تلاحق " ال صقر " واقتراب اعلان العائله افلاسها
• ‏تجديد حبس المتهمين " ابراهيم علي صقر " كمال صقر الغازي " يوسف كمال صقر " 15 يومأ مع مرعاة التجديد في نفس المعاد
• عاجل : ‏اقامة مزاد علي كل املاك ال صقر نظرا لعدم سداد الديون حتي الان والتي تقدر بـ مليار و 500 مليون جنيه
__________________________
" في المزاد علي املاك ال صقر "
= نعلن في يوم ( **** ) بتاريخ ( **** ) فتح المزاد علي املاك عائله صقر الغازي .. المبلغ المقدر مليار و500 مليون جنيه .. مين يزود ؟!
...
----------

انتهي الجزء التاسع وانتهت اسطورة كبيره ولكن لم ينتهي الامل بعد .. الحياة احيانا تثور واحيانا تواصل العبث ولكن لن يحدث سوا القدر المكتوب .. سقطت خيمه كبيره بحجم خيمه ال صقر .. ولكن لن يسقط الكبرياء ابدا .. لن يسقط الشموخ بعد .. انتهي الجزء التاسع واراكم ف الجزء الاخير من السلسله الثانيه .. وماذال للحديث بقية
--------
الاهلي كسب يكريم .. اهلي تريكه وبركات رجع يحبيبي .. الاهلي اللي فضلت تغنيله ( دايما معاه ولاخر الكون .. عمري عشان الاهلي يهون ) ❤️🇦🇱

بالدم والروح افديك يا اهلي ..❤️🇦🇱

الجزء العاشر والاخير من السلسله الثانيه
_______________________________
" في المزاد علي املاك ال صقر "
= نعلن في يوم ( **** ) بتاريخ ( **** ) فتح المزاد علي املاك عائله صقر الغازي .. المبلغ المقدر مليار و500 مليون جنيه .. مين يزود ؟!
رحيم / 2 مليار
= رحيم باشا 2 مليار مين يزود ؟
مستر جون يدخل المزاد وسط حراسه مشدده / 3 مليار
= مستر جون 3 مليار مين يزود ؟
يعقوب / 3 مليار و 500 مليون
= يعقوب باشا 3 مليار و 500 مليون مين يزوود ؟
رحيم / 5 مليار
= رحيم باشا 5 مليار مين يزود .. مين يزود .. الا اولا الا دو
جون بص لرحيم بثقه وسخريه / 7 مليار
= مستر جون 7 ملياار مين يزود .. مين يزود
_ 15 مليار
الجميع انتفض من الرقم الكبير دا واتجهت انظارهم لصاحب الصوت .. ( رجل في سن الخمسين من عمره ملامحه شديده البياض ويبان عليه الوقار وشيبه شعره تعطيه وسامه وشموخ )
رحيم بصدمه / عثمان
عثمان بثقة / مش انا اللي اسيب عيلتي فوقت شده يرحيم
= 15 مليار هنا .. مين يزود .. مين يزود .. 15 مليار .. الا اولا الا دوي الا تري .. مبروك يا استاذ
رحيم وقف بثقة وصافح عثمان بتكبر / مبروك عليك يعثمان .. صدقني سبتهملك بمزاجي
عثمان بسخريه / عاارف .. بس انا رجعت ومش هتعرف تحط ايدك عليهم تاني .. لو مات صقر فعايش الف صقر
رحيم بهدوء / وانت عارف ان عمري مكنت عدو ليكم بس انتوا اجبرتوني اعمل كدا
عثمان بهدوء وثبات / مكنش لازم تقف قصادنا يرحيم .. مهما كان انت كنت شخص من العيله دي
رحيم بهدوء وسخريه / ههههه .. شخص من العيله ااه .. الف مبروك يعثمان بس افتكر دايما اني مش هسيبكم تتهنوا ابدا .. كل اللي حصل دلوقتي مجرد تسخين مش اكتر التقيل جاي قدام
عثمان بابتسامه وثقة / نورت يرحيم
رحيم بصله بغضب وبعدها مشي وركب عربيته واتجه للقصر
عثمان مضي علي الورق وهو مبتسم بانه اخيرا رجع لعيلته وقدر ينجدهم من الغرق
__________________
" في قصر رحيم السيوفي "
دخل رحيم القصر وهو في حاله يرثي لها .. دخل جناحه الخاص واخد دوش وخرج لبس هدومه وبعدها نزل لاسفل القصر
رحيم بابتسامه وثقة / كنت مستنيك .. بس انت اتاخرت عليا المرادي
= اديني جيتلك .. اللعبه خلصت يرحيم .. The eind
رحيم بثقة اتجه للبار وصب كاس ويسكي وبعدها قعد قصاد الشخص المجهول دا واتكلم بثقة / وانا عند وعدي .. انا جاهز يزيدان
[عزيزي المشاهد .. انا مش عبيط يعني عشان اضحي بزيدان .. مجرد اثارة وتشويق .. بس حقيقي انتوا غلبتوني المرادي وقدرتوا تتوقعوا ان زيدان لسه عايش رغم اني عملت كل حاجه تثبت انه مات وردودي عليكم كنت بنفي انه عايش بس انتوا كنتوا مصرين جدا وبصراحه عجبتوني
سكيلر : 0
المشاهد : 2
( هنعرف ليه 2 ف اخر الجزء) ]
زيدان ابتسم بثقة / تحب نبدا منين .. انا بقول نبدا من الاول خالص
رحيم / سؤال قصاد سؤال .. قبل ما انا ابدا .. انت تعرفني خرجت من البرازيل ازاي ومين اللي اندفن مكانك
زيدان اخرج سيجارته بثقة واتكلم بهدوء / وانا موافق .. مع ان انت هنا عشان تجاوب وتتحاسب بس .. بس انا مش هرفضلك طلب خصوصا لو كان الاخير
( فلاش باك )
( المشهد الاول .. 1 )
قبل سفر زيدان للبرازيل .. في كافيه ( ****** ) يجلس زيدان بصحبه ليلي علي احد الطاولات
زيدان / قولتي انك عايزه تقابليني قبل مسافر .. عايزه تقابليني ليه ؟
ليلي / عايزه احذرك من رحيم .. وكمان احذرك من اللي مستنيك لما تسافر
زيدان / مش فاهم .. وضحي اكتر
ليلي / اول مهتسافر وتوصل البرازيل رجليك هتاخدك لمدينة ( مارينغا ) .. ودا لان المطار قريب منها .. هتنزل وهتمشي شوية هتلاقي واحد من المجرمين وقفك وهيبقي معاه صورتك اول ميشوفك هيوقفك وهيحصل مابينكم مشادة وبعدها هيتصاحب عليك عشان يعرف كل خطواتك ويبلغ رحيم اول باول ( اندرو ) .. بعدها بيومين هيكلمك وساعتها اول ميقفل معاك هتجيلك ناس .. هم مش ناس هما وحوش .. وهيخطفوك ويعذبوك وبعدها يقتلوك
زيدان / وانتي منتظره مني اني اصدقك ؟ تبقي بتحلمي
ليلي / صدقني يزيدان .. اللي فات حاجه واللي جاي حاجه تانيه .. حاول تعدي المرحله دي باقل خساير .. ارجوك انا عايزاك ترجع سليم .. مش هستحمل لو جرالك حاجه وكان ف ايدي الحل .. انا مش مجبره اني اكدب عليك
زيدان بتفكير / طب وانتي جايه تقوليلي دا ليه دلوقتي ؟
ليلي / انا عارفه اني غلطت كتير فحقك وان كل اللي بيحصلك دا بسببي .. عارفه كمان اني اتخليت عنك كتير .. والمره دي انا جايه عشان اعمل حاجه صح .. جايه عشان اساعدك ومتخلاش عنك تاني .. انا مش هستحمل لو حصلك حاجه وانا افضل ساكته واخذلك تاني .. انا بحبك وعارفه ان عمرنا منبقي لبعض بس اعتبرني اختك الكبيره اللي متتمناش تشوفك موجوع او يحصل حاجه .. عارفه ان خذلتك قبل كدا .. بس انا جيت عشان اصلح ولو جزء بسيط
زيدان بغموض / ماشي .. انا هصدقك .. بس صدقيني لو كانت لعبه منك بتلعبيها انتي ورحيم .. هتشوفي مني وش انا وانتي منتمناش نشوفه
___________________
( المشهد الثاني .. 2 )
في البرازيل .. يقف زيدان بصحبه احد الاشخاص اصحاب البشره السمراء
زيدان ويناوله زجاجه صغيره للغايه / عايزك تحط السم دا ف القهوة .. متخفش هو مش هيتسمم انا هلحقه ومش هخليه يشرب منها
الشخص / انت عايزني اخون الزعيم .. انت اكيد مجنون
زيدان / دي مش خيانه .. قلتلك انا مش هخليه يشرب منها .. وبعدين الزعيم دا قدملك ايه .. انت هتاخد مني مبلغ كبير ودا كفايه ليك قصاد انك هتعمل حاجه بسيطه وكمان مش هتاذي حد
الشخص / طب هو ممكن يعرف وساعتها هيقتلني
زيدان / انا هعرفه .. بس انت تاخد الفلوس وتعيش ف برازيلو العاصمه .. هي احسن بكتير من المدينه الفقيره دي وكمان حياتك هتتعدل وهتكون تحت حمايه زعيم جديد
الشخص اخد زجاجه السم / موافق
____________________________
زيدان لرحيم / كان قصدي لما احطله السم ف القهوة وانقذه واعرفه بكدا يبقي انا مدين له بحياته .. وكمان يعرف اني شخص مسالم ولو كنت عايز ااذيه كنت خليته يشرب القهوة .. وكمان كنت بعامله اكني مش خايف من الموت عشان يعرف انه لو قتلني مش هيستفاد حاجه .. بس عرفت انك بتعرف تختار كلابك كويس يرحيم .. وديما بتخالف توقعاتي
________________________
( المشهد الثالث .. 3 )
فاق زيدان من اغماءه اثر ضربه قويه تلقاها بمقدمه راسه .. وجد نفسه في غرفه مظلمه وامامه احد الاشخاص .. او احد الوحوش البشريه .. جسده طويل وعضلاته مفتوله .. يشبه بحد كبير لبطل اولمبيا وبطل كمال الاجسام ( البيج رامي ) ولكنه اكثر طولا ويتميز ببشرته السمراء الداكنه
الشخص ويدعي ( مارك ) / اخيرا فوقت يمصري
زيدان بتعب / انا فين .. انتوا مين وعايزين مني ايه
مارك بسخريه / انت هنا فالجحيم .. واحنا المانجر .. وعايزين حياتك
زيدان بثبات وهدوء رغم خفقان قلبه من الخوف / حياتي قدامكم اهي .. تقدروا تعملوا فيا اللي انتوا عايزينه .. وياريت لو تقتلوني هكون مشكور ليكم جدا
مارك بنفس لهجه السخريه / الموت ليك راحه .. ومش هتموت الا باذني .. راغناااار
راغنار مجيب / تحت امرك يازعيم
مارك بغضب / نفذ اللي قلتلك عليه .. مش عايزه يحس براحه ابدا
راغنار بنظرات ذات مغذي / امرك يزعيم
خرج مارك من الغرفه المظلمه معادا الضوء الخافت من اللمبه الموجود باعلي الكرسي الذي يقبع عليه زيدان
اوقفه زيدان بكلماته اللتي تلفظ بها / تعذيبي وموتي مش هيفيدوك بحاجه .. عارف انك قبضت تمن دا وهتبقي كسبان .. بس من وجهة نظري انك خسران كتير واولهم انك لو كسبت هتكسب مبلغ زهيد قصاد بحر المال اللي ممكن يكون تحت ايدك .. اقتلني انا منتظر دا من زمان .. بس انا عايز مصلحتك
نظر له مارك بحيره وبعدها حكم عقله وخرج من الغرفه بغضب
راغنار بنظرات ساخره وغاضبه بان واحد / قلتلي اسمك ايه
زيدان بثبات وابتسامه ساخره / هتعرفه لما اكتبهولك علي جبينك
راغنار ضرب زيدان بعدة لكمات قويه والغضب يخيم عليه
نزف زيدان بشده وتساقط الدم الغزير علي وجهه
راغنار بابتسامه وتشفي في حاله زيدان / قولي كنت بتقول ايه من شوية عشان مسمعتش كويس
زيدان بتعب ولا يقدر علي الكلام وجسده يرتجف من شده الالم / اسمي زيدان صقر
راغنار بابتسامه وسخريه / اسم لطيف .. بس هيندفن هو وصاحب الاسم
زيدان بالم وارهاق / ساعتها بس هتحس بالشرف انك قتلت زيدان
غضب راغنار من قوة زيدان واخذ يسدد له اللكمات المتتاليه حتي غاب زيدان عن الوعي
بعد عدة دقائق .. فاق زيدان اثر صفحه قوية تلقاها من مارك
مارك بغضب / فووق .. انت مش جاي هنا عشان تنام
زيدان بتعب / عايز ايه .. اقتلني وريحني
مارك بسخريه / اقتلك ؟ معنديش اوامر بكدا .. هفضل اعذبك لحد متجيلي اوامر اني اقتلك
زيدان بثبات / قبل متقتلني .. عايز اعرف قبضت كام قصاد حياتي
مارك بسخريه / ودا هيفيدك ب ايه ؟ انت كدا كدا ميت
زيدان / عايز اعرف تمن زيدان كام
مارك بابتسامه / 5 مليون
زيدان ابتسم بسخريه / هههه .. تمن زيدان صقر 5 مليون .. هههه .. انت انضحك عليك يمارك
مارك بابتسامه / بالعكس انا شايف اني اخدت اكتر من حقي .. انت كتير اووي عليك 5 مليون
زيدان بثبات / شكرا علي الاهانه .. بس ايه رايك ال 5 مليون يبقوا 30 مليون وتبقي احد رجالتي انت وعصابتك
مارك بغضب / متعودتش اخون اللي بيدفعلي .. هو دفعلي الاول ومش هخونه .. وانا مش كلب فلوس
زيدان / بس انا مقلتلكش تخونه .. انت هتقتلني .. بس قبل متقتلني انا عايز منك مهمه بسيطه وهتساوي 30 مليون .. وساعتها هخليك تقتلني قصاده كمان
مارك بتفكير / وهي ايه المهمه دي
زيدان باقناع / انا عارف انك مش برازيلي .. وعارف كمان انك من المافيا .. وعارف كمان ان اللي قالك تقتلني هو رحيم السيوفي .. انا هخليك تقتلني وقصاده كمان .. بس قبلها عايزك فمهمه كبيره وبعد المهمه دي تاخد فلوسك وتقدر تنفذ وعدك لرحيم
مارك / وهي ايه المهمه دي
زيدان / هنسرق 250 الف كيلو ذهب من البرازيل .. هاخد نسبتي منهم والباقي لرحيم .. وهوصلهمله بنفسي وساعتها هو هيكسب كتير وهيزودلك نسبتك ف انك تقتلني .. وكمان هتاخد مني 30 مليون .. كدا انت كسبت كتير فمقابل انك زودت عمري بعض ايام .. قولت ايه
دخل في هذه اللحظة اندرو وهو ينظر لزيدان بشر
اندرو بغضب / انت بتقول ايه .. انت عايز تسرق بلدي ؟
مارك بغضب / اندرو .. انت تسكت خالص وانا موجود لاما هتشوف مني وش تاني خالص
زيدان بثبات وهدوء / كنت عارف يا اندرو انك معاهم .. وصدقني كل حاجه انا مرتبلها .. لو موافقتش يمارك انا فظرف ساعتين هكون بره المكان دا وكلكم مقتولين .. متقوليش ازاي لان انا رجالتي دلوقتي فالطريق عشان ينقذوني .. والخاتم بتاعي فيه Gps وهما دلوقتي فالطريق .. وصدقني رجالتي مش بيهمهم الجسم لانهم صعايده .. مصريين يعني
مارك بصدمه / انت بتقول ايه .. انت اكيد بتكدب عشان اوافق
زيدان بثبات / انت كدا كدا هتوافق .. بس انا مش بكدب
مارك بتفكير / انا ممكن اخد الخاتم واخدك ونروح مكان بعيد عن هنا
زيدان بثبات / هتضيع عليك فرصه عمرك .. وافق يمارك ومتحاولش تبان الشخص المخلص اللي مش بيخون اسياده .. انت لو متعرفنيش ف يكفي ان اللي قالك تقتلني معرفش يعملها بنفسه وبعتك انت ليا .. وافق يمارك
مارك بتفكير عميق / راغناااااار ..
راغنار / اوامرك يزعيم
مارك / فكو .. وخده علي المخزن ( *** ** ) وانا هاجي وراكم
زيدان / مش همشي من هنا قبل معرف ردك
مارك بغموض / موافق يمصري
_______________________
زيدان لرحيم / ووافق .. وبعدها انتظرنا لحد متم استخراج الدهب من المناجم وهجمنا علي الناس اللي مسؤله عن حراسته وسرقنا الدهب وركبناه ف سفينه تبع المافيا .. والدهب وصل مينا مصر وقدرنا ندخله بمعارفي وبرضوا منسيتش ابل ريقهم بقرشين .. وزمان دلوقتي رجالتك بيستلموا النسبه بتاعتك .. عشان تعرف بس اني حقاني وبوفي بوعدي .. اما بخصوص الجثه اللي اندفنت مكاني فهي جثه اندرو لانه موافقش علي الموضوع دا وكان هيسببلنا ازعاج
رحيم بابتسامه / طول عمري عارف ان دماغك توزن بلد .. بس هتصدقني لو قلتلك انا عارف بالمسرحيه دي كلها .. صحيح نسيت اقولك مبروك رجوع املاككم مره تانيه .. عمك عثمان رجع مصر ودخل المزاد وخليته يكسب بمزاجي
زيدان بثبات / شكرا .. بس انت مجاوبتنيش علي سؤالي .. ااه صحيح قبل متجاوب حابب بس يكون موجود معانا مارك ورجالته .. ادخل يماارك
دخل مارك بابتسامه وشموخ / وحشتني يا رحيم .. معلش انت عارف ان اهم حاجه عندنا الفلوس .. وبصراحه زيدان دفع اكتر
رحيم بثقة / كنت عارف باللي هيحصل .. وصدقني كنت هبقي حزين جدا لو كنت قتلته زي متفقنا .. اصلك انت متعرفش زيدان بالنسبالي ايه
زيدان / جاوب يرحيم .. عايز اسمعلك واعرف ليه كل العداوة دي وليه كنت السبب فقتل عمي سليم وهو كان صاحبك
رحيم بالم / مكنش بايدي اتحدي عيله صقر .. كنت بعتبر نفسي واحد منهم وكنت بعتبر سليم اخويا .. لا اكتر من اخ بكتير .. بس احيانا الاخ بيدبحك بسكينه تالمه .. الحكاية بدات لما كان عندي 20 سنه وسليم كان من نفس عمري
_____________________
" فلاش باك " المشهد الاول
سليم بمحاولة اقناع / عشان خاطري يرحيم وافق .. عارف ان دا ظلم ليك وعارف انك دلوقتي شايف صديق عمرك بيظلمك .. بس عمرك مهتحس باحساسي وانا مشعارف اقف قصاد عيلتي او اقف قصادي صاحب عمري .. عشان خاطري وافق
رحيم بانفعال وغضب / اوافق علي ايه .. انت اتجننت يسليم .. اوافق اني اسيب خطيبتي والبنت الوحيده اللي حبيتها فحياتي عشان عاجبه اخوك .. انت اكيد مجنون يسليم
سليم بالم علي حزن صديقه وعلي اللي بيحصل / صدقني يرحيم .. صقر الغازي مش بيسمي علي حد .. انا شاريك يصاحبي .. انا هجبلك حقك بس مقدرش اقف قصاد ابويا وعيلتي دلوقتي .. عشان خاطري يرحيم متجبرنيش اني اكون ضدك
رحيم بدموع والم / يخساره يصاحبي .. جاي تهددني لو موافقتش هتقف ضدي .. يخساره
سليم بانفعال / افهم يغبي .. انا عمري مكون ضدك ولا عمري هاجي عليك .. انا عايز مصلحتك .. مش عايز الحب دا يتحول لكره .. وافق يرحيم احسنلك
رحيم بالم / بس انا بحبها .. انا محبتش قد منار يسليم
سليم بثبات / عارف انك بتحبها .. وعارف كمان انها بتحبك .. بس هي من عيلتنا وابويا مش عايز يجوزهالك .. كون انك تخطبها بدون علمه وغصب عنه دا غلط يرحيم .. اللي ملوش كبير بيشتريله كبير .. وغير كدا احنا مينفعش نتجوز من برا العيله .. ومينفعش حد غريب يتجوز من عيلتنا .. عارف ان كلامي صعب عليك .. وعارف اني كنت بقولك ديما انت فرد من عيله صقر الغازي .. بس ف النسب لا انت مش من العيله .. انا عايز مصلحتك يرحيم .. اللي خلق منار خلق غيرها واكيد قلبك هيميل لحد غيرها
رحيم / افهم من كدا ايه يسليم ؟
سليم برجاء / عشان خاطري اسمع كلامي .. ابويا ادالك مهلة 24 ساعه عشان تفسخ الخطوبه .. ومش فاضل كتير .. ارجوك افسخ الخطوبه لانه مش هيسمي عليك ولا علي عيله السيوفي
رحيم بثبات رغم الوجع وكسرت قلبه / ولو رفضت وصقر الغازي وقف قصادي وهيقتلني انا وعيلتي .. موقفك هيكون ايه يسليم
سليم بخذلان / مقدرش اقف قصاد ابويا يرحيم .. مهما بلغت قوتي مش هقدر اقف قصاده
رحيم بابتسامه ووجع / وانا كنت منتظر الاجابه دي .. ( خلعت دبلته اللي ف ايده ) امسك الدبله دي وقول لصقر باشا اني فسخت الخطوبه
سليم بحزن / مش زعلان مني يرحيم ؟
رحيم بثبات رغم كسرت قلبه وشعوره بالخذلان / مش زعلان يسليم .. بس ياريت تبقي دي النهاية مش بداية كرهي ليك
______________________
سليم لزيدان بابتسامه وثقة / سليم كان اخ حقيقي .. كنت عاذره وكنت عارف انه مش عارف يختار مابيني ومابين عيلته .. وقولت عادي .. سرقوا حلمي اللي بحلم بيه من زمان وقولت عادي مش مهم .. اهم حاجه ان معايا صاحب .. وضهر وسند ودي بالدنيا كلها .. مكنتش اعرف انه هيبقي خنجر تالم هيقطع فلحمي نساير نساير .. عدي الموضوع ومحصلش حاجه تاني بعدها والعلاقات رجعت حلوه بس مش زي الاول .. علي صقر اتجوز منار وانا كنت معزوم علي فرحهم .. كان يوم جميل منكرش بس طول الفرح وبتخيل نفسي انا اللي جمبها ف الكوشه .. عدت الايام وقابلت بنت محترمه وجميله اسمها سندس ودخلنا فقصة حب جميله وقولت اخيرا جه عوض ربنا ليا .. اتخطبنا وعدت شهور واتجوزنا وعدت شهور كمان وكانت حياتنا جميله جدا .. لحد ما فيوم سندس كانت بتعمل شوبينج بس اتاخرت جدا .. فضلت ادور عليها انا وسليم مش لاقينها .. سليم وقف جمبي وساعدني كتير .. فضل واقف جمبي وكنت ديما بتسند بيه .. بعد 7 ايام وكنت راجع من القسم عشان اتابع اخر الاخبار .. جالي اتصال غير حياتي
___________________________________
(فلاش بااك ) .. المشهد الثاني 2

المتصل / الو رحيم السيوفي معايا ؟
رحيم / ااه رحيم معاك انت مين ؟
المتصل / مش مهم تعرف انا مين .. مراتك مع سليم صاحبك والعنوان ( *******) سلام
رحيم بانفعال / الوووو الوووو رد عليااا
زود رحيم من سرعة سيارته حتي وصل الي العنوان المطلوب
دخل الي عماره سكنيه ومن ثم دلف الي الشقة المطلوبه
دخل الاوضة شاف سندس سايحه فدمها ومش لابسه اي هدوم وسليم نايم جمبها منغير هدوم وف ايده سكينه غرقانه بالدم
رحيم اتجنن وقعد يفوق فسندس وسليم فاق علي صوت رحيم
سليم بتعب / انا فين .. ايده سندس .. فوقي يسندس
رحيم بغضب وانفعال / انت عملت فيها ايه .. انت قتلت سندس يسليم
سليم بصدمه / انا ؟ انا مش عارف ايه اللي حصل يرحيم صدقني
رحيم ساب سندس من حضنه واتوجه لسليم واخذ يسدد له اللكمات المتتاليه وهو يصرخ ( يكلب .. هتفضل طول عمرك اوسخ واحد فالدنيا .. قتلت سندس يكلب )
سليم حاول يدافع عن نفسه بس رحيم الغضب عماه ومبقاش شايف قدامه
_________________
رحيم بدموع حاول اخفائها وتابع بابتسامه / اليوم دا مش هنساه طول حياتي .. اليوم دا فقدت شغفي وفقدت نفسي وفقدت روحي .. حتي النفس اللي بتنفسه فقدته بموت سندس .. من الصدمه والانفعال والغضب اغمي عليا .. فوقت لقيت نفسي فمستشفي وجمبي سليم .. قعدت يترجاني اسمعله وحاول يبرر افعاله بس انا مكنتش موجود .. كنت فعالم تاني خالص .. طول عمري بقول اني اطيب حد فالدنيا وان قلبي ابيض وبسامح .. عمري متاثرت بحاجه وكنت ديما بكتم جوايا .. بس المرادي لما فوقت .. فوقت لقيت نفسي بني ادم تاني خالص .. اتحولت 180 درجه .. عدت الايام وانا بتوعد لسليم بالانتقام .. وعرفت اني مش هقدر انتقم منه غير لما اقربله واوهمه اني سامحته .. وفعلا بعد شهور رجعنا صحاب تاني واوهمته اني سامحته .. عدت سنه وكل يوم بشوف فيهم سليم بيزداد كرهي ليه وبيزداد جوايا شعوري بالانتقام .. لحد مخططت مع المافيا انهم يخطفوك .. وساعتها سليم هيساعدك لانك كنت الاقرب لقلبه .. وساعتها هقدر اخد انتقامي .. انتقامي اللي كنت بسعي ايام وشهور عشان اخده من سليم .. احياننا يزيدان الحب بيتقلب لكره .. بس كره بغيض جدا .. لدرجة انك بيبقي قدامك حل من الاتنين ملهمش تالت .. يا انا اعيش يا هو يعيش .. وحصل اللي كنت بخطتله واللي انت عرفت بيه .. وسلمت سليم للمافيا ب ايديا دول .. وساعتها بس حسيت اني اخدت حقي .. بس بعد كدا لما مرت الايام وبقيت احتاج حد يقف جمبي وارمي حملي عليه ملقتش سليم .. ملقتش صاحب عمري .. ساعتها بس عرفت ان اكتر واحد خسران ف الحكايه دي هو انا
زيدان بثبات / وانت اخدت حقك من عمي سليم .. انا مالي بقي بالقصه دي عايز افهم
رحيم بابتسامه / عشان بعد موت سليم جدك مسابنيش فحالي .. لحد مقتل الراجل الوحيد اللي انتشلني من الفقر والجوع والملجا واتبناني .. والست الوحيده اللي كنت بعتبرها امي واكتر كمان .. قتلهم بدون اي رحمة او شفقة .. ساعتها بس قررت انتقم منه .. اتفقت مع الشغاله ف القصر واغريتها بالفلوس .. مقابل انها تحطله السم ف الاكل .. وفعلا دا حصل والسم كان بطئ جدا .. بيعذب وبعدها بيقتل .. ومات صقر الغازي بالسم وساعتها اشتريت دكتور الطب الشرعي وخليته يقول انه مات موته عاديه .. وبكدا انا اخدت انتقامي بس لما شوفتك بتكبر قصاد عنيا وفيك صفات من جدك صقر وعمك سليم ساعتها بس عرفت اني لسه مخدتش انتقامي .. بس رغم كدا مكنتش اقدر اقتلك انت بالذات .. لانك الوحيد اللي بتفكرني بصاحب عمري اللي افتقدته من سنين .. وهو وحشني جدا
_____________________________
( في قصر " ال صقر " )
دخل عثمان القصر وشاهدهم يستعدون للمغادره علي علم بانهم فقدوا كل املاكهم وسيعودون لنقطة الصفر مره اخري ولكن هذه المره لا يوجد زيدان لكي ينقذهم ..
عثمان بهتاف / رجعوا كل حاجه زي ما هي .. انا رجعتلكم ومش هسيبكم فماذق تاني
محمد بتشبيه / مين .. انا حاسس اني اعرفك
منار بسعاده / عثمان .. وحشتنا يعثمان الف سلامه
عثمان بسعاده / وانتوا اكتر .. وحشتوني جدا كمان
محمد بصدمه / عمي عثمان .. يدينييي وانا اقول شوفتك فين قبل كدا .. ( جري علي عثمان واخده بالحضن ) يااه يعمي .. بقالي زمان مشفتكش
عثمان بتاكيد / فعلا .. اخر مره شوفتك فيها كنت لسه بترضع
محمد بكسوف مصطنع / بس بقي يعمي متكسفنيش
عثمان بابتسامه / ياااض .. انت هتعملهم عليا .. ولا صحيح انت ياما عملتها عليه وكانت بتحلالك الطرطره لما انا اشيلك يجزمه
محمد ببلاهه / ايدا بجد يعمي ؟
عثمان بتاكيد ومرح / اهاا .. كنت بتشخ عليا يبن علي صقر .. ولا لما كنت باجي من الشغل والاقيك مستنيني وتقعد تقولي ( مان .. انت وحثتني ) ودا كله عشان الشيكولاته اللي كانت بنسبالي الكارته اللي بدخل بيها البيت
منار بمداعبه وسخريه مصطنعه / معفن من يومك يمحمد .. لا حقيقي مشوفتلكش وصف من انت وصغير
محمد بضيق مصطنع / خلاص بقي .. دي ايام راحت لحالها .. قولي بقي يعمي جيت ازاي وايه اللي قولته دا .. فهمني
عثمان بثقة وابتسامه / انا اتبعتلي فاكس من مجهول بيقولي فيه ان العيله بتنهار وان يوسف وابراهيم وكمال اخويا اتسجنوا .. ( واكمل بنبرة حزن) وكمان زيدان اتوفي .. وان الشركة افلست وانهارت والديون بقت كتيره جدا .. وان البنك هيحجز علي كل الاملاك وهيعمل مزاد عشان يرد حقه .. فقولت فالحظة دي كان لازم اتدخل .. وجيت ودخلت المزاد وحطيت رقم فلكي .. وف الاخر كسبت المزاد والاملاك رجعتلنا تاني
محمد بسعاده / بجد يعمي .. يعني الاملاك مش هتضيع من ايدينا تاني ؟
عثمان بسعاده / بجد يمحمد .. يلا تعالي كدا ندخل الشنط تاني وعايزك تحكيلي مصر عامله ايه فغيابي
محمد / من عنيا يعمي .. اتفضل حضرتك
دلفوا الي القصر ويحملون الشنط اللي كانوا ناويين انهم يخرجوا بيها بس خلاص املاكهم رجعت تاني
__________________________
( في قصر " رحيم السيوفي " )
اكمل زيدان حديثه بثقة وثبات / طب كويس .. كدا يبقي عرفنا سبب انتقامك .. واللي من وجهة نظري سبب مقنع جدا .. بس معلش مبقتش اصدقك يرحيم بس مش هتفرق .. كدا كدا توته توته خلصت الحدوته .. هنخش علي السؤال التاني .. ايه سبب العداوة بينك وبين يعقوب الكامل
رحيم بابتسامه / كنت منتظر منك السؤال دا
زيدان يصطنع الصدمه / لا مش معقول .. انت بتقرا افكاري صح .. لا فولي بليز بليز قولي
رحيم بشبه غضب / انت محفوظ بالنسبالي .. كتاب مفتوح وعارف كل سطورك .. كلامك حفظته زي محفظت كتاب سليم صفحه صفحه .. سبب كرهي ليعقوب مش لانه عمل معايا حاجه زعلتني .. انا بكره ايه حد يحسسني انه اكبر مني .. مبحبش حد يكلمني ومناخيره فالسما
زيدان بهدوء وثبات / ايوه ايه اللي حصل برضوا انا بسمعك
رحيم بهدوء ويسرد الحكايه / كنت عسكري فالجيش وكان عندي 24 سنه .. كنا بنخدم ف العراق عشان كان فيه مشاكل هناك .. كنت فرد من كتيبه انتحاريه .. الكتيبه 116 اعدام .. كنت شخص مسالم كل اللي فبالي ان ربنا يعدي السنتين اللي اخدتهم علي خير وارجعي وطني سالم .. الوضع بدا يتازم ف العراق بسبب ان فيه شباب مصريين كانوا قاعدين فعربيه ف احدي شوارع مدينه البصره .. عدا من قدامهم لودر متخصص رمال وحفر وكدا .. سواق اللودر كان عراقي الجنسيه .. شافهم قاعدين بيهزروا ف العربيه فقام منزل سكينه اللودر علي العربيه طبقها بيهم وماتوا الاربعه .. بعدها خرج صدام حسين يدافع عن الشعب المصري وقال اللي يمس مصري اكنه مسني انا .. وبصراحه كان يُشكر .. عدت الايام والمصريين من بعد تصريح صدام كانوا متعنجهين .. اكنهم وجدوا ضالتهم .. الشعب العراقي بدا يثور ضد المصريين وحصلت نزاعات مابينهم .. السفاره المصريه تدخلت ف الامر ولكن بعض العراقيين احتشدوا قصاد السفاره وكسروها .. فيوم رئيس الكتيبه قال انه مينفعش نسكت عن اللي حصل ولازم نرد بطريقتنا .. بعتنا فاكس لجهاز الصاعقة المصري وانتظرنا الرد .. فضلنا اسبوعين بنشوف المهازل قصادنا والشعب المصري بيتهان ومقدرناش نتكلم .. واخيرا جه الرد من جهاز الصاعقه .. بس للاسف الرد كان محبط جدا .. الرد كان انهم ينقلونا للسعوديه لان الرئيس مبارك كان هيروح زياره وكان لازم حد يامنه .. روحنا واحنا متنكرين ولابسين ميري .. محدش يعرف اننا قوات صاعقه .. محدش يعرف حاجه عننا غير اننا مصريين الجنسيه .. وصلنا السعوديه وعدت ايام لحد مفيوم وانا ناشي ف شوارع الرياض قابلت واحد سعودي بيضرب شخص والكل بيتفرج ومحدش بيتدخل .. الشخص دا كان باين انه مصري .. كان بيتضرب وبيسكت مبيتكلمش .. اتدخلت وحاولت افصل مابينهم ولما الراجل عرف اني مصري انا كمان غلط فيا وسبني وقالي انتوا اخركم تيجوا عندنا خدامين .. تمسحوا نعال جزم السعوديين ودا اخركم .. الرد كان صعب علي واحد حر زيي .. دمي حامي ومقدرش اسمع شتيمتي وشتيمة اهلي واسكت .. ضربته لحد مكان هيموت ف ايدي ودخل المستشفي والشرطه السعوديه قبضت عليا .. كلموا السفاره المصريه عشان يرحلوني واكمل عقوبتي فمصر .. اترحلت مصر وهناك حكيتلهم اللي حصل .. بس للاسف اللي كسرني اكتر ان حتي بلدي وولاد بلدي اللي مطيقتش كلمه وحشه عليهم انهم يطلعوني غلطان .. وكمان متامر ولاكن اتحاكم محاكمه عسكريه .. قضيت باقي خدمتي ف السجن وكمان الاوسخ من كدا اني قضيت سنه ف الجيش قبل مدخل السجن وعدتها تاني ف السجن .. نضال السيوفي حاول يخرجني بس معرفش .. ومن ساعتها وانا بكره الخليج العربي كله .. لاني حسيت ان مفيش حد بيحبنا ولا بيحب المصريين .. وبس يسيدي هي دي كل الحكايه
زيدان بابتسامه / عانيت كتير يرحيم بسببك .. بس اول مره اشوف شخص زيك
رحيم بثبات / شكرا .. مبحبش اتكلم علي نفسي كتير بس خلاص جه الوقت عشان تعرف انا وصلت لهنا بتعب وشقي وطلوع الروح .. كلمه اسطورة مش بالساهل
زيدان ابتسم واخرج مسدسه وشد الاجزأء ووجهه لرحيم / فعلا اسطورة وانا اشهدلك بكدا .. بس للاسف حظك انك وقعت تحت ايد الجوكر .. اتشاهد يرحيم لان دي النهاية
رحيم بثبات وهدوء / قبل متقتلني عايز اقولك علي حاجه .. مارك .. اخبار سليم صقر ايه ؟
مارك بابتسامه / كويس .. البروف مهتم بيه بنفسه
زيدان بعدم فهم / مشفاهم قصدكم ايه .. اتكلم يرحيم
رحيم بابتسامه / يعني سليم مماتش .. سليم لسه عايش وهو دلوقتي مع المافيا من 20 سنه وهو بيتعذب
زيدان بصدمه وعدم تصديق / انت بتقول ايه .. انت اكيد بتخرف
رحيم بابتسامه / صدقني .. سليم لسه عايش .. مرضيتش اخليهم يقتلوه وقولت احسن حاجه اخليه يتعذب واهو يدوق شوية من عذابي .. بس مهما حصل مش هيحس بناري
زيدان بصدمه وفرحة نسبية / يعني عمي سليم عايش ؟ يعني هعرف اشوفه تاني ؟
رحيم بغموض / ومين قالك ان سليم صقر يبقي عمك ؟
زيدان بعدم فهم / قصدك ايه ؟
رحيم بثبات / اقصد ان سليم صقر يبقي ابوك مش عمك
______________________
.....
انتهي الجزء العاشر والاخير من السلسله الثانيه .. القاكم بعد استراحه لم تدوم طويلأ .. شكرا ليكم جدا وحقيقي انبسطت بتعليقاتكم الايجابيه واهتمامكم بالقصه واحداثها .. واتمني ان محدش يزعل مني لاي تجاوز او كلمه قلتها منغير قصدي .. اخواتي واحبابي وفانز ال صقر المتواضعين .. شكرا جدا ليكم واشوفكم ف السلسله التالته وانش**** تكونوا بخير
واخير .. الاهلي ليس اخيرأ .. الاهلي ف المقدمه كالعاده .. صانع البسمه والسعاده .. حبيب الملايين .. نادي الشعب والمطربين والفنانين .. الاهلي يا دولة .. الاهلي يا وطن .. الاهلي يا تاريخ .. الاهلي ياماضي وحاضر ومستقبل .. اهليييي .. اهليييي .. افديك بدمي يا اهلي .. ان تكون اهلاوي فهو فخر وعزة .. وان تكون الشناوي فهو قدرك المرصع بالاماظ و الذهب .. شنااااوي يكبيررر .. شناااوي يا سد .. الف مبروك للاهلي علي البرونزيه وحقيقي انا مبسوط جدا اني اهلاوي .. شكرا يا اهلي ❤️🇪🇬
شكرا يا شناوي 💪❤️
مبسوط ان النهاية مباركة للاهلي حقيقي فخرر ليا ❤️