راحت مع ليليان دخله المطبخ و علي بيبص عليها و هيا ماشيه
غاده : حلوه صح
علي : (لسه باصص على باب المطبخ الي هما دخلوه) جدا ابراهيم بلاش تعامل ليليان بالاسلوب ده تاني
ابراهيم : اسلوب ايه
علي : (لف و بصله) اسلوبك واحش معاها انا النهارده كنت بايت عندكم و سمعتكم و انتو بتتخنقه فيها ايه لما تروح لي دكتور علشان الخلفه
ابراهيم : علي ده مش اول دكتور نرحله ده رقم 14
علي : و ماله 14 و 15 و 100 كمان
ابراهيم : بص يا علي الدكتور الأول جاب نهيه الحوار ده الدكتور قال اني ليليان مش بتخلف عقيمه بس خليته يقول اني انا الي عقيم خليت الناس كلها تشوفني ناقص رجوله علشان هيا متكونش ناقصه
غاده : (حطت ايدها على كتفه) و شايل كل ده لوحدك ليه يابني مش تعرفنا
ابراهيم : اعرفكم ايه بالظبط اقول اني مراتي مش بتخلف مش قادره تجيب حتت عيل يشيل اسمي راضي اتجوز معايا في نفس اليوم و معاه ثلاث عيال مش عايزها تكون نقصه قدام حد و خايف اقع في دكتور عنده ضمير يقول لا لزم تعرف ده حقها
علي : طيب اهدي
ابراهيم : انا هادي بس مش قادر استحمل الموضوع مأثر عليا و شايل لوحدي
غاده : خلاص قولها
ابراهيم : مستحيل تعرف غير على جثتي
غاده : طيب روح الحمام اغسل وشك يله مفيش راجل دموعه تنزل
ابراهيم : (قام دخل الحمام)
علي : ايه يا غاده انتي بتقولي روح قلها ازي
غاده : بس يا عبيط انا عارفه انه مش ها يقول
علي : طيب ليه عرضتي عليه
غاده : بفكره انه عنده حل تاني لو عايزه ياخده و لو رفضه يكون فاكر انه كان عنده فرصه بس هو سابها و ميرجعش يندم
علي : ايوه يا غاده يا معلمه ده انتي وحشاني و واحشه القراء كلهم
غاده : قراء مين
علي : لا مفيش بخرف
غاده : قولي يا سيدي انتا تعرف فريده منين
علي : بصي يا غاليه (حكي ليها عن فريده) و ماما تقولي انتا مالك كنت سبتها
غاده : لا طبعا راجل يا واد

رجع ابراهيم و طلعت ليليان و فريده من المطبخ و قعده
غاده : ايه ده يا ليليان مستواكي في الطبخ اتقدم
ليليان : شكرا يا غاده بس مش انا الي طبخه دي فريده
غاده : فريده انتي طبخك حلو بس اكيد مش شاطره في الدراسه
فريده : لا انا طلعه سنه اوله و تانيه بتقدير امتياز
غاده : متعلمه و شاطره كمان و بتعرفي تطبخي غير الجمال الي انا شيفه
ليليان : لا و كمان اسكندرنيه
غاده : اسكندرنيه ازي يا بتني
فريده : ايوه ماما من اسكندريه
غاده : ازي يا بنتي عيله المحمدي مش بتتجوز غير من بعض
فريده: لا انا ماما من اسكندريه و تبقي بنت خالت بابا

في مشهد اخر

الهانم في المكتب بتعها و رحلها فياض و عثمان كانت قاعده على كنبه جلد وقدمها شاشه عرض سينما و بتتفرج على فيلم و ماسكه فشار و مع فياض و عثمان دخله اربعه من الحرس
الهانم : (وله كأنهم دخله عليها لسه زي ما هيا) عايزن ايه
عثمان : يا هانم جمال وقف شغلنا كله
الهانم :عنده حق انتو شويه حرميه
عثمان : حرميه ازي يا هانم
الهانم : ايوه لما تنزله نسبه جمال لي النص تاخده جايزه الام المثاليه لا تبقو حرميه و انا بطبق الشرع على الحرامي

الرجاله مسكه عثمان و فياض و واحد من بره جاب قربه جزار و حطه ايدهم عليها
عثمان : لا ابوس ايدك لا
فياض : السماح
عمر : (طلع سيف كبير بس عريض و نشن علي منطقه معينه و رفعه لي فوق)
الهانم : (رفعت ايدها لفوق لو نزلتها عمر ها يقطع ايدهم) ها تحبه نعلجكم هنا وله تروحه مستشفي (شمت ريحه) ايه الريحه دي يا عمر
عمر : اصلهم عملوها
الهانم : (قامت و هيا بتدحك طلعت سيجاره و ولعتها و هيا وقفه قدمهم) لما انتو جبناه لدرجه انكم تعملوها على روحكم عايزن تسرقه ليه وله انتو فكرين الي حصل لي إيهاب و انتو كنتم تحت ايده فا خلاص هو مش موجود لا بلغه الكل اني جمال و إيهاب و فتحي من قبلهم كانو تحت ايدي انا يعني لو هما مش موجدين انا موجوده (شورت لي عمر يقوهم)
عمر : (ساب السيف و قومهم)
الهانم : (اخدت الشنطه بتعتها) خليهم ينظفه المكان علشان الريحه حطه معطر يله باي

طلعت الهانم من المكتب و رجعت البيت و سمعت صوت مني من المكتب بتدحك دخلت و لقت جدت علي هناك بعد ما مشيت من المطعم
سندي : ماما و حشاني (رايحه تخدها بالحضن)
غاده : (شورت ليها تقف مكنها) بقولك ايه يا مني انتي واحشاني
مني : وانتي اكتر يا غاده
غاده : الي واحشني بجد القهوه من ايدك
مني : عنيا دقيقه و القهوه تكون جهزه (قامت مني و طلعت بره بعد ما قفلت باب المكتب)
سندي : (وقفه و ساكته و سكوت غاده عرفها انها جيه في مشكله)
غاده : سندي
سندي : (بصوت هادي و خايف) ايوه يا ماما
غاده : (فتحت درعها علشان تخدها بالحضن) وحشاني
سندي : (جريت زي العيال الصغيره على حضن غاده) وانتي اكتر يا ماما

قعدت سندي شويه في حضن غاده و سندي هيا الوحيده الي بتقول لي غاده يا ماما
غاده : (بتملس على شعر سندي) مالك يا بنتي فيكي ايه
سندي : تعبانه اوي يا ماما
غاده : ايه الي تعبك بس لو علي فا خلفت الولاد مش سهله انا عارفه
سندي : هو علي بس لا دي كل حاجه الدينا بقت واحشه اوي
غاده : ليه بس
سندي : انا النهارده كنت هاقطع ايد اتنين و (سكتت)
غاده :و قتلتي انا عارفه اني الحياه صعبه جدا بس انتي الي اختارتي كده انتي اختارتي تكوني مكانه
سندي : بس انا مش هو
غاده : انتي عارفه انك عمرك ما ها تكوني مكانه وله زيه
سندي : لو انا مش مكانه ها نداس بالجزم من بعده
غاده : ده اختيارك و كنتي عارفه النتيجه بتعته صح وله غلط
سندي : صح
غاده : خلاص استحملي
سندي : استحمل العمر كله بس حد يحس بيا علي ابني واقف ضدي
غاده : خلاص متقفيش انتي ضده
سندي : لزم اقف ضده علشان يعرف اني بكره الايام ها تخلي اغلى الناس عليه تقف ضده لزم احضره كويسه العالم بعد موته مش مكان احسن لا ده بقي اوحش من ايامه بكتير العالم بقي مكان اصعب بكتير
غاده : و كل يوم ها يكون اصعب لحد ما نموت الراحه يا بنتي مش في الدينا الراحه في الاخره
سندي : عمرها ما عدت دقيقه غير و هو بيوحشني فيها
غاده : نصيبه يا بتني نصيبه يموت و نصيبك تتعبي و تغيري جلدك كله نصيب
سندي : عندك حق كله نصيب
غاده : انتي حابسه البنت لميتا ليه
سندي : علشان المشاكل
غاده : مشاكل عادي من امته مفيش مشاكل
سندي : يا غاده اخر مره لميتا طلعت راحت فرح فيروز بنت اشرف (ابن عم جوزها) صحفي حيوان اخد ليها صوره و خدي عندك كلام زي بنت المياردير العمياء او صاحب النظاره السوداء او بنت رجل الاعمال لا تعرف كيف تأكل
غاده : تأكل ازي يعني
سندي : المصور اخد لها صوره و هيا بتاكل جاتو و لحوست نفسها كله من بنت جني (جني بنت عم جوزها بس بنتها بتغير من لميتا و ديمن تحرجها) هيا السبب
غاده : كلام الناس مش بيخلص
سندي : ايوه بس الكلام ده اخد شهر في الصحافه و في الشهر ده خسرنا فلوس كتير من الإشاعات اسهمنا نزلت انتي عارفه البرصه مش بترحم
غاده : خسرتي كام مليون فيها ايه المهم تكون سعيده
سندي : سعيده و السعاده دي ها تنفع في ايه الفلوس هيا الي بتنفع الفلوس هيا الي بتنفع هيا السند هيا القوه
غاده : (رفعت وش سندي ليها و كلمتها بحده و لهجه تهديد) حسبي يا بنتي انتي كده ها تتسعري على الفلوس و الكلب السعران عندي انتي عارفه مش بيتعالج لا بيضرب بالنار
سندي : موافقه بس قبل ما اموت ها كون مطمئنه اني سيباهم في امان من غدر الدنيا
غاده : (فضلت بصه لي سندي و شايفه انها اتغيرت كتير سندي لو شافت نمله تقول اقتلها ليه سبوها عايشه دلوقتي اتغيرت خالص) ماشي يا بنتي بس انا حزرتك

بعد شويه جت اخوات علي الي هما لميتا و اميره و كرما و ملك سلمه على جدتهم و بعد كده مشيت غاده و علي قعد مع فريده شويه بعد ما وصلت يمني و وصل فريده علشان يمني كان معاها عربيه و رجع البيت عندهم دخل في معاد العشا
علي : ايه بتاكله لوحدكم
مني : اقعد حماتك بتحبك
علي : طبعا لزم تحبني هو انا متحبش
مني : هو في غيرك يا حبيبي (مني اسلوبها مع علي احسن من اسلوب امه معاه علشان علي ابوه قبا ما يموت كتب كل حاجه باسمه هو و ساب الورق ده مش مع امه وله جدت علي او اي حد غير مني نفسها و هيا باديها الاخيار يا تحرق الورق ده و بنتها ياخده حصه ممتاذه في تاركه ابوهم او تسيبه بس هيا كل مره بتحط علي في اختبار يا اما اخواته البنات خصوصاً كرما و ملك او اي حاجه تاني بيحبها بس هو بيختار اخواته البنات)
علي : (قعد جنب لميتا و باس رسها و جاب حتت جبنه يأكلها ليها)
لميتا : (اخدتها مت ايده و حطتها في الطبق) بعرف اكل لوحدي على فكره
علي : (لحظ انها بدات تدخل في حاله الاكتئاب المعتاده ليها) انا عارف بس مفيش مانع اني اكل القمر بايدي
لميتا : (بترد بخانقه) لا شكرا مش عايزها
سندي : اعملي حسابك يا لميتا تركزي في دروسك علشان الامتحانات قربت
لميتا : اركز ليه كده كده انا بمتحن في البيت و المراقب يجي و يشرب الشاي بالياسمين بتعكم و انجح
سندي : لا انتي تلته اعدادي و ها تمتحني في لجنه في المدرسه
مني : (خايفه لميتا تطلع من البيت لحسن يحصلها حاجه من باب الشفقه) ليه بس يا سندي ايه الي جد
سندي : غيره الوزير و الوزير الجديد مليش سكه معاه و بعدين اطلعي و ادخلي براحتك انا ها خصص فريق حراسه و ناني علشان تكون معاكي في اي حته
لميتا : ليه مش خايفه من الصحافه و تخسري فلوس
سندي : مش مهم الفلوس المهم تكوني سعيده اه صحيح انتي ها تروحي الكونسرفاتوار علشان تاخدي دروس عزف كويسه و على ايد خبراء
علي : ايه الرضا ده كله يا ام علي
سندي : قولي صحيح انتا تعرف واحده اسمها فريده إيهاب المحمدي
علي : ايوه ليه
سندي : اصل الحرس جبولي تقرير عنها
علي : فا
سندي : فا عايزك تبعد عنها
علي : اشمعنا
سندي : اصل التقرير بتعها مش ها يعجبك
علي : و يعجبني ليه انا مش مهتم
سندي : انا بعرفك بس انها بتاعت شقق و بتروح لي واحد اسمه صداح (كان الحرس بلغوها باخر مشكله دي و انهم راحه المطعم عند ابراهيم)
علي : (هو كان شاكك اصل مفيش واحد يطارد واحده بالشكل ده غير لما تكون عطته ريق حلو) مش مهم ليا
مني : خلاص ابعد عن البنت دي يا علي
كرما : بقولك ايه هيا حلوه
مني : ههههه و انتي مالك يا قرده يا صغيره
كرما : لو حلوه خلاص لكن لو واحشه يبقي متستهلش
سندي : مش عارفه جينات ابوكم مأثره لحد البنات

قعده يضحكه و علي معاهم بس هو كان مدايق من موضوع فريده ده و مفيش اي مجال لي حوار علشان الحرس بتعهم بيجيب كل حاجه عن الشخص

المشهد الريسي


جمال وصل البيت عنده و هو مرهق جدا من اليوم الطويل و طلع ينام من التعب ايام الخدمه مكنش بيتعب كده رغم انه بيعمل مجهود بدني و عقلي من غير نوم او راحه بس كان حابب الموضوع فا كان على هواه


يبع......

الفصل الخامس


انا عايز احكي ليكم حكايه (كان يا مكان في قديم العصر و الزمان واحد فقير غلبان بس عنده موهبه انه يفهم العصفوره بتعته في يوم نسي باب قفص العصفوره مفتوح فا طارت العصفوره و شافت حجت كتير شافت طفل صغير واقف على باب قصر السلطان بيبكي علشان اخده امه غصب تتجوز السلطان حزن عليه و مشي وقف في حته فوق شجره و شاف تحتها وحده ست بتدفن ابنه وهو حي و بتقول (معلش يا حبيبي لو انتا مش من حرام كنت سبتك) منظر بشع محبش يشوفه و مشي طار بعيد بعيد عن المنطقه دي في المدينه و وقف جنب شباك بيت و سمع ناس قاعده تسكر و تعربد مع ستات و اتنين قامه اتخنقه على واحده فا الاول قتل التاني و قال (انا فلاً ابن فلاً ابن فلاً من يعرف عشيرته فل يرسلهم إلي ابي لكي يدفع لهم مال بدل من موتهم) زعلت اكتر فا طارت ابعد و ابعد لحد ما شافت حجت كتير في المدينه عرفت حجت كتير واحشه عنهم كل الي شافته عرفتها اني نار حبس القفص ارحم من الناس و رجعت لي بيت صاحبها و دخلت القفص بنفسها سألها صاحبها ليه رجعتي فا ردت عليه(الناس واحشين شوفت كتير منهم و عرفت اني القفص ارحم ليا من شرهم) قام صاحبها و ساب باب القفص مفتوح علشان عرف اني العصفور مش ها يطير تاني سألته العصفوره (هو اسم المدينه دي ايه) رد صاحبها (اسمها المدينه الفاضله)

(من كتاب جون ملكين الكاتب الانجليزي اسم الكتاب كوميديا سوداء)


بدايه الفصل


تاني يوم صحي جمال و راح الشغل بعد شويه جاله تلفون فا طلع على الجامعه بتاعت فريده و وقف في الجراج شويه ولع سيجاره
جمال : علي محمد
علي : (كان لسه راكن نزل و خلع الخوزه) ايوه انا مين حضرتك
جمال : ايوه انا المقدم جمال مباحث
علي : اهلاً و سهلاً يا فندم حضرتك بتنادم خير
جمال : انتا عندك متوسكل ريس ارقامه. ****
علي : ايوه ليه
جمال : الريس ده اشترك في محوله اغتيال ليا من يومين
علي : (طلع المحفظه و جاب منها ورقه) اتفضل ده رقم محضر انا عمله بضياع الريس بتاعي (مد ايده بالورقه)
جمال : انا عارف بموضوع المحضر بس عايز اعرف لو حد كلمك و طلب فلوس مقابل انه يرجعه
علي : لا الصراحه محصلش
جمال : تمام يا علي شكرا
علي : لا الشكر لي حضرتك و اسلوبك الجيد كان ممكن تبعت تجبني ميري
جمال : كده احسن انتا طالب في جامعه كبير و مش عايز شوشره علي سمعتك انتا شاب
علي : مش بقول لحضرتك انك زوق شكرا يا جمال بيه
جمال : بس لو حد كلمك يا ريت تروح تبلغ علشان المشاكل
علي : طبعا يا فندم

مشي جمال و طلع جاب بوكيه ورد شيك جدا و راح عماره في ميدان عبدين ركن و طلع الدور الثالث خبط على الشقه فتحتله ست كبيره و لبسه لبس بيت
ست : ايوه مين حضرتك
جمال : انا جمال المحمدي جي لي رنا باشا
ست : طيب ثانيه واحده (رجعت الباب شويه و رجعت رنا)
رنا : جمال انتا بتعمل ايه هنا
جمال : ايه انتو بتعمله الضيوف كده وله ايه
منصور : (من جوه) لا طبعا اتفضل يا جمال بيه
رنا : (فتحت الباب تدخله) اتفضل

قعده في الصالون
منصور : تشرب ايه يا جمال
جمال : رغم اني حضرتك رفضت واجب الضيافه عندي بس انا مش ها رد ليك الضيافه اشرب قهوه مظبوط
منصور : قهوه يا ام رنا
جمال : اولا تسمح ليا اعتذر لي رنا باشا
منصور : (هز راسه بايوه)
جمال : (كلم رنا) رنا انا اسف جدا اني السبب في مشاكل في شغلك انا كنت اناني و فكرت في نفسي بس انا اسف جدا
منصور : بما انك قولت اولا يبقي في ثانين
جمال : ثانين في الملف ده (ادي الملف لي رنا)
رنا : (فتحت الملف و قرت الورقه الي فيه و عطت الملف لي ابوها)
منصور : (قري الملف و استغراب) ايه ده
جمال : ده قرار من الوزير برجوع رنا باشا لي الخدمه تاني و معاه اعتزار من مكتبه و كمان مكتب مدير الامن تقدري ترجعي شغلك تاني من بكره
منصور : (استغرب جدا أصله لواء في الدخليه بس مقدرش يرجعها تاني كل الي قدر يعمله انه يوقف موضوع المحكمه العسكريه بمقابل انها تقدم استقاله) انتا عملت كده ازي
جمال : استخدمت علاقات العيله و القرايب الي في الدخليه اهو يعمله حاجه بدل ما هما محسوبين علينا كده و خلاص دي اقل كلمه اسف ممكن اقولها تقدري ترجعي الشغل تاني
رنا : و مين قال اني هارجع تاني لا
منصور : ليه بس يا بنتي
رنا : الدخليه معملتش اعتبار لي سنين الخدمه بتاعت حضرتك و ماما و كمان الحجت الكتير الي انا عملتها في شغلي و في اول مره انفذ القانون بره الكتاب اترفد لا انا مستحيل ارجع لي مكان رمي تعبي و تعب ابويا و سنين الخدمه بطول دراعه
منصور : بصي يا بنتي اسمعيها من واحد قضي سنين عمره في الخدمه الميري ملهوش عزيز او غالي كله واحد الميري صعب
جمال : عندك حق يا باشا
رنا : مستحيل ارجع انا عندي كرامه
جمال : بصي يا رنا انتي معاكي الورق اهو تقدري تقدميه في شؤون الضباط و لو مش عايزه براحتك
منصور : انتا عداك العيب في دي
جمال : (قام و قفل زار البدله) استأذنكم
منصور : ليه انتا لسه واصل
جمال : مره تانيه يا باشا عندي شغل متأخر
منصور : طيب يا ابني شرفت

مشي جمال و راح الشركه

في مشهد اخر

فريده خلصت المحاضرات و يمني كانت غيبه و مشت الحرس كلهم علشان ترجع براحتها و راح الكافتيريا شافت احمد و علي
فريده : (مبتسمه) صباح الخير يا جماعه
احمد : صباح النور يا فريده ايه البومه مجتش
فريده : نشفت دمغها
احمد : معلش دماغها عايزه تتكسر
فريده : بطل رخامه على اختك قوله حاجه يا علي
علي : (بملامح وش فتره غير المعتاد منه على البشاشه و الابتسامه) قولت كتير
فريده : (استغرب من المعامله) ايه انتو سهرانين من امبارح
احمد : لا ليه
فريده : طيب ماله علي وشه قالب ليه
علي : (رد بقرف) و انتي يخصك في ايه
فريده : (اتحرجت من الكلمه و اسلوبه) اه اسف بعد اذنكم

قامت فريده و مشيت
احمد : انتا اسلوبك معاها واحش كده ليه مش معتاد منك
علي : علشان مش بحب الي بيحوره
احمد : يحوره!!!! ازي يعني
علي : مش بحب الي تمشي بدور الشرف
احمد : انتا بتقول ايه و بتتكلم عن مين
علي : عن فريده هو في غيرها كان هنا
احمد : لا فهمني اكتر
علي : افهمك ايه دي واحده مشيه شمال
احمد : ماشيه شمال ازي فهمني برده
علي : على قصتها هيا و صداح
احمد : اممم تمام انتا عارف مين صداح
علي : عيل كتله شحوم متحركه و هيا كانت خدامه السرير بتاعه جيه تسوق عليه الدلع المشكله اني أدخلت
احمد : (الكلام بتاع علي مش راكب في دماغه) طيب يا علي بص قصه صداح دي انا اعرفها صداح واد معانا هنا في الجامعه و بينام مع البنات بالفلوس يعني مره دفع لي واحده 100 الف دولار علشان ينام معاها فريده طول عمرها بتصده علشان هيا واحده مش محتاجه لي فلوس تقوم تعمل حاجه زي دي انا اعرف فريده كويس جدا واضحه و صريحه و جد ملهاش في العوج
علي : بس الحرس عمله تقرير عنها و ادوه لي امي و هيا قلتلي
احمد : طيب انتا شوفت التقرير ده
علي : لا
احمد : طيب يا علي انتا كنت على علاقه مع درين و انا و انتا عرفين درين كانت بتشرب ايه كويس جدا غير البارات و الكازينوهات الي بتروحها عمر امك قالت تقرير الحرس و الكلام ده اشمعنا دلوقتي بص يا علي انا اعرفك من الطفوله كنا مدرسه واحده و كل حاجه و انا اعرف فريده من خمس او ست سنين بس بقولك اهو انا اعرفها كويس و ملهاش في الكلام ده
علي : انا مليش دعوه بالكلام ده انا بعرفك انتا كمان علشان تبعد اختك عنها سلام

طلع علي ركب الريس و اتحرك و هو في السكه لقي عربيه فريده واقفه في السكه و حوليها رجاله كتير كمل طريقه زي ما هو و قال انه مش ها يعمل مشاكل بسبب واحده سمعتها واحشه بس بعدها بكم خطوه رجع و داس على زرار في الريس بتاعه و رجع تاني و دخل وسط الديره دي بالمتوسكل بتاعه
صداح : وفرت عليا تعب التدوير عليك و جيت برجلك
علي : (وقف الريس في نص الديره و نزل ببرود ولع سيجاره و سند على كبوت عربيه فريده) و اديني اهو
صداح : ادينا اتقبلنا تاني
علي : و بعدين اصل اتقبلنا تاني و برده كفت الميزان ميله ليا انا
صداح : بص حلوليك كويس انتا واقف قدامي بس انا معايا جيش رجاله و حصانه دوليه تمنعك تقرب مني
علي : عبيط ده جيش من رعاع شريه بفلوس لكن انتا على ارضي في بلدي و البلد بلدي و انا ابن البلد

دخلت عربيات من كل نحه هما مرافقه مع علي في السر الزرار الي داس عليه في الريس ده جرس انزار ليهم علشان يدخله دخلت العربيات دخله دراميه جدا و نزلت الرجاله و رفعين سلاحهم بس عددهم كبير
علي : نصيحه خليهم يسلمه السلاح علشان محدش يموت
صداح : (بص حوليه لقي نفسه مع عشر رجاله وسط خمسه و عشرين راجل مع علي) نزله سلاحكم
الرجاله نزلت سلاحها
علي : (مشي علي صداح بثبات وقف قدامه) فاكر انا حزرتك من ايه
صداح : (ريقه نشف من الخوف) فاكر
علي : وانا كمان فاكر انا قولت لو قربت منها او من يمني ها بعتك في صندوق لي العيله الكريمه صح
صداح : (عرق جامد و هز دماغه بايوه)
علي : طيب انا ها كون رحيم معاك المره دي بس و اديك شوفت انتا على ارضي وسط ناسي واديك عرفت انتا بتتعامل مع مين خليك حكيم المره الجيه (طبطب على كتفه) تقدر تروح يله

مشت الرجاله مع صداح و واحد اسمه سامح سامح راجل كبير في السن بي جسمه مشدود و راجل صعب جدا كان قائد الحرس لي ابوه علي قبل ما يموت و بعد موته بقي المسؤول عن المرافقه الي مع علي
سامح : علي
علي : عارف عربيات تبع السفاره و رجاله غريبه شكلهم تبع السفاره برده
سامح : ابلغ الهانم
علي : لا انا ها تصرف
فريده : (نزلت من العربيه و عنيها حمره من العياط) علي
علي : (ركب الريس) روحي يا فريده
فريده : (رايحه ليه) علي انا عايزه
سامح : (وقف في طرقها)
علي : (باصص قدامه و الي هو بعيد عن فريده) روحي يا فريده بعد اذنك (مد ايده تحت الريس و طلع جيهاز صغير جيهاز تتبع و عطاه لي سامح) عم سامح امسك و نبه على الحرس محدش يقول حاجه
سامح : (مسك الجهاز) اوصلك ازي
علي : متقلقش عليا

مشي علي و فريده بصه ليه و مش فاهمه
سامح : انسه فريده تحبي اوصلك
فريده : لا شكرا انا عارفه سكتي

اتحركت فريده على البيت دخلت بس بعد ما ظبط وشها من الدموع دخلت عادي جدا
اصول : ايه يا قمر عمله ايه
فريده : كويسه يا ماما
اصول : صوتك مش عجبني
فريده : مش عارف مرهقه شويه من الدراسه
اصول : بلاش تضغطي على نفسك مش لزم تقدير السنه دي
فريده : لا لزم تقدير علشان بابا بيحب اجيب تقدير
اصول : ماشي يا حبيبتي

قامت فريده طلعت الاوضه بتعتها غيرت لبسها و قعدت شويه سرحانه في الي حصل النهارده معاها و هيا مساكه الكتاب مش عارفه تذاكر و مش عارفه تسيبه بتفوق بس على صوت امها تعالي اتغدي بس بترد انها مش فاضيه نامت من كتر التفكير و صحيت تاني يوم بدري بس منزلتش الجامعه و فضلت قاعده و تلفونها رن
فريده : الو
شخص : الو الانسه فريده
فريده : ايوه انا مين معايا
شخص : انتي فين
فريده : نعم انتا مين و بتسأل ليه و جبت رقمي منين
شخص : بس بس بس هو انا موعود بالرطاطين انا علي يا ستي
فريده : علي
علي : ايوه انتي فين كده
فريده : في البيت ليه
علي : انا كنت عايز اعدي عليكي
فريده : تعدي فين
علي : عليكي في البيت
فريده : انتا مجنون و شكلك شارب
علي : لا انا فايق عشر دقيق و اجيلك سلام

قفل معاها و فريده عماله تروح و تيجي مش عارفه تفكر و له تعرف هو جي ليه و بترن على يمني مش بترد وله احمد اخوها و امهم تلفونها مقفول غيرت لبس النوم و نزلت تحت امها و اخوها مش موجودين طلعت بره الجنينه الي قدام البيت لقت امها مع عمتها مروه في الجنينه
مروه : خلاص يا اصول مايبقاش قلبك اسود. كده
اصول : اسود ايه يا مروه عادي يعني الي عملته
مروه: لا مش عادي بس فكر فيها جمال ابنها الوحيد و انتي عارفه انها مش ها تخلف بعده تاني
اصول : يعني انا الي ها خلف بعد يوسف تاني انا كبرت
فريده : صباح الخير
مروه : صباح الخير يا قلب عمته ايه الحلاوه دي كلها على الصبح
فريده : طلعه لي عمتي القمر
مروه :طيب اقعدي

لسه ها تقعد لقت البوابه بتاعت القصر اتفتحت و دخل علي
اصول : ايه ده هما فتحه البوابه ليه و مين ده
مروه (باحراج) ده علي
أصول : ايوه بيبيع ايه ده
فريده : ده معايا في الجامعه.
اصول : طيب جي ليه ده روحي شوفي

راحت فريده لي علي و هو لسه راكب
علي : صباح الخير بصي كنت عايز اقول اسف على التطفل بس لا انا رخم اساساً
فريده : انتا جي ليه اساساً و عرفت عنوان البيت منين
علي : دي طريقه تعملي بيها ضيف على العموم ماشي يا ستي مقبوله منك انا جي اعتذر عن اسلوبي معاكي امبارح انا كنت بايخ بس كان عندي شويه مشاكل في البيت مع الحجه و انتي جيتي في وقت غلط في اسف
فريده : اسف ليه انتا اتعملت معايا باسلوب بايخ و قولت كلام بايخ
علي : انا عارف و لما حسيت اني عكيت الدنيا جي اعتذر
فريده : تعتذر ليه
علي : علشان انتي مش بنت عاديه يا فريده انتي بنت طيبه و جدعه و انا كنت متفق مع نفسي اني مدخلش في مشاكل بس لما شوفت الموقف الي حصل امبارح مقدرتش اعدي و امشي عادي
فريده : (خدت نفس عميق عايزه تستوعب كلامه) انا مش فاهمه
علي : بصي يا فريده انا راجع اعتذر و ده شيء مش من طبعتي بس انا اسف انا كنت غلط
فريده : (فكرت شويه) ماشي يا علي
علي : (بص وراها) مش تعرفيني على مامتك و عمتك
فريده : و انتا عرفت منين انهم ماما و عمتي
علي : صورك معاهم على الفيس بوك
فريده : طيب انزل

نزل علي و اخدته فريده
فريده : ماما احب عرفك على علي زميل دراسه
اصول : (بصت لي مروه و ابتسامه) اهلا يا علي
فريده : دي عمتي مروه
علي : اتشرفنا
مروه : اقعد يا حبيبي وقف ليه
علي : (قعد) شكرا
اصول : تشرب ايه
علي : مش عايز اتعبكم
اصول : لا وله تعب وله حاجه تشرب ايه
علي : قهوه مظبوط
أصول : فريده ادخلي اعملي القهوه (بتغمز بعنيها الشمال علشان علي ميخدش باله)
فريده : (وشها احمر و عينها وسعت و راحت تعمل القهوه)
مروه : قولي يا علي انتا تعرف فريده منين
علي : دي حكايه طويله شويه
اصول : طيب احكي
علي : (حكي عن موقف القتل اول مره يتقبله بس محبش يجيب سيره موضوع صداح خالص) بس
اصول : بجد يا علي شكرا على وقفتك مع فريده لوله وجودك كان زمنها ضاعت مني
فريده : القهوه
علي : (اخد الفنجان من على الصنيه و ابتسم ليها)شكرا
مروه : (كتمت الابتسامه هيا و أصول)
فريده : (قعدت و هيا مكسوفه)
اصول : علي لسه حكي لي عن وقفته معاكي
فريده : (ارتبكت علشان هيا محكتش عن موضوع صداح) ها امته
علي : ساعت المستشفي و الجبس
فريده : اه ايوه انا كل ما اشوفه اشكره
علي : بلاش يا جماعه الكلام ده اي حد مكاني كان عمل كده
مروه : لا يا علي مش اي حد لو حد تاني مكانك كان مشي
اصول : بس كويس انه طلع انتا انا بقي عايزه اتعرف علي ماما علشان اشكرها لسه حد بيربي بالطريقه دي
علي : لا حضرتك مش ها تحبي تتعرفي على ماما خالص مش قاصد حاجه لا بس هيا صعبه شويه
اصول : طبعا الي تربي راجل محترم و عارف الصح و الغلط و يقف مع الناس حتي لو ميعرفهمش اكيد ست صعبه و شديده
علي : (اه لو عرفتي اني أمي كانت عايزني امشي و اسيب بنتك) طبعا يا طنط هيا تتشرف (قام) استأذن انا
مروه : بس انا معرفتش اسمك ايه غير علي
علي : الصمدي علي علي الصمدي

مشي و فريده وصله ركب و مشي و مروه مصدومه
اصول : (فريده واقفه بعيد كلمت مروه) عريس
مروه : (بصت ليها بخضه) لا طبعا
أصول : تراهني
مروه : انا طول عمري بخسر الرهان معاكي بس ماشي نراهن (اتمني اني اكسب المره دي)
اصول : لو انا كسبت الرهان ساعت الخطوبه تلبسي فستان من تصميمي طلع حلو طلع واحش مليش فه
مروه : ماشي بس لو انا كسبت اخد عقد تيته أصول اسبوع
اصول : ماشي
فريده : (رجعت و قعدت)
أصول : قوليلي يا فريده علي منين
فريده : من الصعيد من عيله الصمدي في المنيا
اصول : صعيدي هو ابوه شغال ايه وله هو شغال ايه
فريده : انا عرفت اني ابوه متوفي و يمني بتحكي عنه و عن حياته هو اخ على اربع بنات و ابوه كان راجل اعمال و امه ماسكه الشغل بعد ابوه
اصول : امه شكلها ست عمليه بس ابوه غريب يعني اسمه عدي عليا قبل كده علي الصمدي مش عارفه ممكن يكون ابوكي يعرفه

اتفتحت البوابه و دخل جمال و نزل من العربيه راح ليهم
اصول : ايه يا جمي عامل ايه
جمال : جمي انتي مزاجك رايق النهارده
اصول : اوي اوي

قامه دخله يتغده
في مشهد اخر


البيت عند علي قعده يتغده
علي : ماما ست الكل
سندي : مش بعاده يعني عايز ايه
علي : لا بس انا محضرلك مفاجأة حلوه بعد الغذا
مني : طيب مفيش مفاجأة ليا انا كمان
علي : انا اقدر انسي مني هانم الديب دي تبقي مشكله (طلع علبه ساعه و حطها قدمها)
مني : (فتحت العلبه كان فيها ساعه رولكس) او رولكس لا زوقك حلو كا العاده
سندي : رولكس و حبت منين فلوس
علي : انا فتحت حساب في البنك
سندي : فتحت حساب في البنك ازي يعني انتا عندك حساب
علي : لا حساب غير الي انتي مجمده
سندي : و جبت فلوس منين
علي : انا ها قولك بما اني امتلك مجموعه مصانع الصمدي و انتي بتديري كل حاجه فا ليا الحق اني اخد فلوس علشان اشتري عربيه بصفتي رايس مجلس اداره سحبت الفلوس و رحت اشتريت عربيه
سندي : (بصه لي علي بنصر علشان مشت كلامها عليه) جدع
علي : (بص لي امه ببرود) طيب سبيني اكمل كلامي انا سحبت الفلوس و اشتريت العربيه و بعد كده بعتها تاني خسرت 10 الف جنيه بس مش مهم الفلوس دي حطتها في البنك باسم تيته غاده
سندي : (بغيظ) و رجعتها ليه ها فيها ايه لو كنت سبتها
علي : (ببرود) اسبها ليه عندي جراج مليان عربيات اشتري واحده جديده ليه وقفتي اكل ليه كملي علشان تشوفي المفاجأة يله بسرعه يله

خلصت سندي الاكل و علي غمي عنيها و طلع بيها بره القصر و خدها على اوضه هيا مخزن فيه حجت مش مهمه كان مربوط فيها الحارس الي عرف امه انه يعرف فريده
سندي : (بخضه) ايه ده
علي : ده ده وله حاجه ايه وشه مليان دم عادي
سندي : فكه يا زفت
علي : (كلم الحارس) قولي انتا هنا في خدمه مين
حارس : في خدمه علي علي محمد راضي الصمدي
علي : يعني مش امي صح(كلم امه) كنتي فكره اني ها سمع كلامك عن فريده و اشتري خلاص صح بس الاسف العرق دساس و لزم اعرف اصل كل حكايه ايه (طلع خنجر من جنبه)
سندي : ها تعمل ايه يا مجنون
علي : (قطع الحبل الي مربوط به الحارس) معلش امي كذبت و انتا دفعت الثمن (كلم امه) ذنبه في رقبتك

طلع علي بره و لقي امام قاعد قدام سلم القصر و ملوع سيجاره (امام من الحرس الي كانو مع ابو علي هو زنجي و شعره ابيض و عليه تجعيد في الوش بس لسه جسمه مشدود متخنش)
علي : عم امام قاعد كده
امام : قاعد مستانيك
علي : (قعد جنبه على السلم) خير
أمام : فاكر يا علي اول مشكله بيني و بينك هنا ساعت ما زوغت مني و رحت تقابل صحبتك
علي : كأنه امبارح
امام : سعتها ابوك قال ايه قال الناس دي ممكن في لحظه يموت علشان انتا تعيش
علي : كأنه امبارح فعلاً بس ايه فكرك بالموضوع ده
امام : ايه الي انتا عمله في خميس ده
علي : خميس مين
امام : الي نزلت فيه ضرب و ربطه
علي : عم امام هو غلط
امام : طيب بعد ازنك يا علي بيه ممكن اعرف غلط في ايه (قالها برسمه)
علي : (استغرب من الرسميه) هو انا ليه حاسس انك بتتكلم برسميه
أمام : علشان انا قلبتها واحد و صاحب الشغل بتاعه لزم اتكلم برسميه
علي: ليه ده كله
أمام : علشان انتا مش ها تفضل بتدرس كتير وله الهانم ها تفضل ماسكه الشغل ها يجي يوم و تمسك انتا مكنها و لزم يكون معاك ناس تخاف عليك انتا فاكر يا علي ساعت الجنازه بتاعت ابوه كان المفروض الحراسه تترفع قررت انا و سامح اني احنا نقعد مش علشان الفلوس وله اني ابوك كان بيدينا اعلي مرتب لا علشان كنا بنحب ابوك كانه اخونا علشان ابوك كان ليه اعداء كتير ممكن يستغله انه مش موجود و يعمله حجت كتير و انتا عارف ابوك كان ليه اعداء
علي : اعداء بس ده كان معادي الخلق كلهم
امام : بلاش تكسب عداوه رجالتك اكسب محبتهم ممكن يكون كلامي مش على مزاجك بس ده الواقع
علي : مش على مزاجي ازي انتا كلامك صح كله انا الغلط بس هو ليه يعمل حوار زي ده و يقول الكلام ده و لما اسأله الهانم و دي اومرها
امام : عايزه يقول ايه خاف على اكل عيشه بس هو غلط و انتا رديت الغلط بغلط قولي صحيح انتا اختفيت فين امبارح و راجع بليل
علي : عادي مش اول مره
امام : بس دي اول مره تشيل جهاز التتبع و تلفونك يختفي من على الشبكه
علي : كنت محتاج اقعد مع نفسي شويه
امام : ماشي بس مسيري هاعرف بتروح فين
علي : طيب

طلع علي البيت

في مشهد اخر


فياض و عثمان قعدين مع بعض في فيلا عند عثمان
عثمان : انا قولتلك بلاش اديك شوفت اتعرفت
فياض : (بص لي عثمان بشك) الموضوع ده يعرفه اتنين انا و انتا جمال عرف منين
عثمان : زي ابوه فاكر ابوه كان بيطلع في احلامنا
فياض : (بص لي ايده الي كانت ها تتقطع) و ديني لي اقتلها انا اخرج بره اللعبه بسبب العيل ده
عثمان : كويس اني احنا طلعنا كملين مش نقصين
فياض : بس انا ها جيب حقي
عثمان : حقك من ايه
فياض : (بياخد نفس من السيجار بتاعه) مش نفسك تبقي مكان الهانم
عثمان : لا هيا واحده و انا واحد
فياض : انا مش بهزر على فكره
عثمان : وله انا مينفعش
فياض : فكر فيها بس
عثمان : افكر في ايه لا طبعا انتا عارف الهانم دي تبقي مين وله كانت مرات مين وله واخده المكان ده من امته
فياض : اديك قولت كانت مرات مين و مات
عثمان : انتا عارف بعد موت البعبع كان ليه اعداء كتير في الحكومه و ناس وصله جدا اصدره قرار بوضع المصانع بتعته تحت الحراسه و مجلس وصايه لي ابنه و يكون الواصي من مجلس الاداره عارف ايه الي حصل
فياض : ايه
عثمان : تصحي الحكومه على خبر اغتيال مجلس اداره المصانع و كمان اتناشر مستشار و قاضي في مجلس الدوله تخيل رد فعل رايس الوزراء ايه
فياض : ايه
عثمان : عمل تكريم لي جوزها علشان مجهوداته و مجهود المصانع بتعته في توريد الحديد لي مشاريع الدوله حد تاني غيرها كان طلع ليها امر تصفيه من الحكومه تقولي انا اخلعها ازي
فياض : بص فكر فيها وافق و انا اعمل كل حاجه
عثمان : طيب ما تعملها انتا و تبقي مكنها
فياض : بص انتا تبقي الكبير و انا الصغير علشان الي في النص ميلقيش حد يلجأ ليه غير انا او انتا و انا و انتا واحد
عثمان : بطل هبل في كلامك
فياض : انا مش بقول هبل وله اي كلام وله انا سكران وافق انتا بس
عثمان : (بيشرب كاس. الخمره الي في ايده و يسكت شويه) ماشي بس تتعمل ازي
فياض : مش مهم تعرف دلوقتي
عثمان : لا لو احنا مع بعض يبقي أعرف
فياض : تمام (عرف عثمان هو بيفكر في ايه) ايه رايك
عثمان : (خاف شويه) بلاش
فياض : جمد قلبك و بعدين بعد ما نخلص حلال عليك بيت الرعب (المكتب بتاع الهانم و البعبع) تقعد فيه و تبقي الملك تبقي البعبع الجديد و اديك شوفت البعبع كان بيعمل ايه اديك شوفت بعد موته الناس بتعمله الف حساب

فياض قعد ينفخ في عثمان لحد ما عثمان كيفه الي ها يتعمل و عجبه و وافق مكنش يعرف فياض بيفكر في ايه في دماغه


يتبع.....



(انا بعتذر عن التأخير يا شباب كنت تعبان شويه هو الحزء مش اوي يعني بس الايام الي فاتت كنت تعبان شوي)

الفصل السادس


في سأل ديمن يسأله و انا قاعد علي الكرسي هل كل افعالي و انا قاعد عليه مني انا وله منه هو اصل الكرسي ليه سحر غريب عجيب يخليك تأمر و تتحكم و تبقي شايف انك صح مش غلط ده علشان لما تكون قاعد عليه بتشوف الحجت بآمور و نظره تانيه خالص بتشوف اتفه المشاكل كبير عيبه الوحيد انه يخليك فاكر انك قاعد عليه على طول يخليك فاكر انك هنا على طول و مش ماشي و سعتها تحتار هو مين الي بيحكم انتا وله الكرسي


بدايه الفصل

صحي جمال بدري و نزل الشركه دخل
جمال : صباح الخير يا جيهان
جيهان : صباح النور يا جمال
جمال : البوسطه و اي ورق متأخر و بلغي مجلس اداره مصانع الديب اني في اجتماع النهارده
جيهان : حصل
جمال : انتي ها تتجوزي امته
جيهان : كمان شهر في الانسه رنا منصور طلبه تشوفك
جمال: بجد رنا طيب هيا فين
جيهان : قاعده اهي
جمال : (شاف رنا قاعد على كرسي في الانتظار رحلها) اتمني تكون القهوه عجيت حضرتك يا فندم
رنا : يعني مش اد كده
جمال : (ابتسم) عمله ايه
رنا : تمام
جمال : جيهان اجلي اجتماع شركه الديب
جيهان : طيب
جمال : تعالي يا رنا

اخد رنا و دخله المكتب و قعده
رنا : انا جيه من غير معاد فا اسفه لو معطلاك
جمال : انتي تيجي في اي معاد يا رنا
رنا : شكرا بس لو ممكن اطلب منك خدمه
جمال : اي حاجه انتي تامري
رنا : بص انا مش ها تكسف منك انا جيا و طالبه شغل لو في
جمال: (بص لي رنا شويه) انتي جيتي في وقتك
رنا : اشمعنا
جمال : هو في شغل بس مش عارف ممكن يعجبك وله لا
رنا : هو في شغل مش ها يعجب انا عايزه الشغل علشان زهقت من البيت
جمال : طيب بصي جيهان ها تتجوز كمان شهرين و جوزها مش عايزها تشتغل بعد الجواز لو ممكن و انتي تقبلي تكوني السكرتيره مكنها ده لو ينفع
رنا : (فكرن شويه بس بستعباط) سكرتير طيب سؤال انا كا سكرتيره ها جيب قهوه و شاي وله لا
جمال : انا عايز سكرتيره مش بوفيه
رنا : ها فكر
جمال : فكري براحتك و قرري لو موافقه ماشي لو شيفه اني الشغل مش مناسب ايكي قولي عادي جدا و بدراسه الحقوق تنزلي الشؤون القانونيه
رنا : طيب ها شوف و ارد عليك
جمال : ماشي


في مشهد اخر


البيت عند علي صحي بدري و نزل الجراج اخد عربيه بدل الريس و طلع رح البيت عند فريده و رن عليها
فريده : (بصوت باين فيه النوم) مين
علي : ايه ده ازي متسجليش رقمي يا هانم
فريده : ايوه انتا مين اساسا علشان اسجل رقمك
علي : انا علي يا فريده
فريده : و عايز ايه على الصبح
علي : البسي و انزلي
فريده : انزل فين
علي : بره السور انا واقف يله
فريده : الساعه 7 انزل ليه
علي : علشان الجامعه يله بسرعه
فريده : يا نهار اسود عندي محاضره الساعه 8 و نصف
علي : شوفتي لوله انا كان زمنها ضاعت عليكي يله بسرعه قومي

قفل معاها و بعدها نصف ساعه طلعن فريده بره السور علي كان واقف بره العربيه
فريده: صباح الخير
علي : واقف من نصف ساعه علي فكره
فريده : كنت بلبس
علي : في نصف ساعه ازي انا بلبس في 10 دقايق
فريده : البنات غير الصبيان
علي :طيب اركبي
فريده : (بصت لي العربيه المرسيدس) جبتها منين دي
علي : دي بتاعت بابا يله راكبي
فريده : طيب

ركبت فريده معاه و هما مشين داست على زرار تعلي الصوت لقت يد طلعت من الباب جنبها و فيها مسدس
فريده : ايه ده
علي : (بص لي المسدس) ايه ده
فريده : عربيه امي علشان اعرف
علي : (قفل اليد و رجع المسدس مكانه)
فريده : ده عادي يعني مسدس يطلع و مفيش اي رأكشن
علي : اعمل ايه عربيه ابويا
فريده : يعني عربيه ابوك عادي يكون فيها مسدس
علي : ايوه عادي. ده بابا يعني توقعي اي حاجه
فريده : اتوقع اشوف مسدس بس طالع من حته زي دي لا غريب
علي : هو ابويا كان مجنون شويه
فريده : طيب مخبيه ليه
علي : احتياطي
فريده : ابوك غريب هو شبهك كده
علي :في الشكل لا واخد عنيه و بصته بس
فريده : غريب شويه
علي : يابنتي ابويا ده مش غريب شويه لا كتير
فريده : ازي
علي : يعني انتي مستغربه من مكان المسدس صح
فريده : ايوه جدا
علي : طيب انتي عارفه يوم وفاته كان لبس خلعوه الجلبيه علشان الغسل تخيلي كان معاه ايه
فريده : ايه
علي : كان لبس حزام مسدسه العادي و في رجله اليمن مسدس صغير و واحد تاني زيه في رجله التانيه غير اربع خزنات مسدس و رصاص و الجلبيه نفسها من جوه عند الجيب اربع سكاكين صغيرة و خنجر كبير
فريده : يا نهار اسود انتا ابوك كان خط الصعيد وله راجل اعمال
علي : انتي بجد عمرك ما سمعتي عن ابويا
فريده : خالص
علي : يعني عمرك سمعتي عن علي الصمدي خالص
فريده : وله سمعت عنه في قناه طبق اليوم حتي
علي : انتي بتهزري
فريده : لا بجد عمري ما سمعت عنه خالص
علي : طيب (علي فرح انها متعرفش تاريخ ابوه مش بيستعر منه لا بس تاريخه مكتوب بالدم و مش عايزها تشوفه واحش زي باقي الناس ابوه كان مجبور يعمل كل ده علشان يعيش) كويس

وصله الجماعه و علي كان معاه ماده من سنه تانيه علشان الكليه شغاله بنظام السعات دخلت المحاضره مع فريده (ركزه علشان الموقف ده حصل معايا حقيقي و شوفه لو انا غلطان وله لا) دخل علي المحاضره و كان الدكتور زيدان بيدي ماده اقتصاد دخل المحاضره و زهق من رغي امه راح نام و دي كانت اول مره ينام في محاضره و هو نايم
زيدان : (بيحكي عن مغامراته في لندن لما كان بيدرس هناك) فا قولت ليها بقولك ايه انا مصري عصب يعني ميمشيش معايا جو المرقعه ده ابوكي لو شوفته ها ضربه
معرص : (و ده تلقيه قاعد في اول مدرج علشان ينهل من علم الدكتور) هههههه المصري عصب برده
زيدان : انتا فاكر ايه يابني احنا صعايدة
معرص : بجد يا دكتور احنا مش بنتعلم من خضرتك اقتصاد دولي بس لا بتتعلم الرجوله كمان

الكل دحك على مدي تعريص المعرص لي الدكتور علي صحي على الصوت
علي : يخي بطل بضان الواحد مش عارف ينام (الباشا مكنش واخد باله اني الميك مقفول و الكل ساكت فا الدكتور سمعه)
زيدان : الحيوان الي بيشتم
المعرص : (قام و بص لقي فريده بتدحك على كلام علي) اهو يا دكتور الحبيب الي قاعد جنب البت دي
زيدان : قوم ياض انتا
علي : (قام و هو بيتاوب) صباح الخير نعم
زيدان : معلش صحيت حضرتك تحب اجيب الفطار لي خضرتك
علي : شكرا يا دكتور
زيدان : ده انتا تلم هات كرنيهك بسرعه يله ادي دقني لو نجحت في الماده بتعتي تاني
علي : (طلع راح لي الدكتور طلع الكرنيه) انا كده كده ساقط خد
زيدان : و كمان مش متربي اسمها اتفضل يا حيوان (مد ايده ياخد الكرنيه)
علي : (سحب الكرنيه و حطه في جيبه تاني) قول اسف الاول
زيدان : اسف ايه انتا مجنون
علي : تقول اسف على كلمه حيوان و مش متربي و مجنون اسمع اسف
زيدان : قول اسمك انطق (طلع ورقه من الشنطه بتعته)
علي : (ببرود) علي علي محمد راضي الصمدي
زيدان : و مالك بتقولها بعظمه اوي كده كآنك اسمك سراج يعني
معرص : (يحب المشاكل النوع ده) او زيدان مثلا يا دكتور
علي : (بص لي المعرص بقرف) قول اسف
زيدان : لا انتا الي ها تقول اسف لما تقعد في المده دي طول عمرك
علي : (لف وشه و طالع من المدرج) ده انتا شبه البطريق

الكل بيدحك طلع علي قعد في كافتيريا الجامعه لحد ما المحاضره خلصت
فريده : ايه الي انتا عملته ده
علي : ايه الي حصل
فريده : بجد مش عارف الدكتور حالف يرفدك
علي : طز فيه يولع بجاز

في مشهد اخر


عثمان و فياض قعدين مع راجل مهم اسمه اشرف
اشرف : عايزن ايه انتا بره اللعبه دلوقتي
فياض : و انتا موافق
اشرف : انا مليش اوفق الهانم عايزه كده
فياض : (باستخفاف) انتا طيب يا اشرف بجد
عثمان : انا قولتلك اشرف طيب و ها يصدق
اشرف : اصدق ايه بالظبط
عثمان : انتا عارف سبب خروجي انا و فياض ايه
اشرف : من امته و حد بيسأل
عثمان : احنا خرجنا علشان الهانم عايزه تزود نسبه جمال المحمدي لي 60٪
اشرف : نعم 60٪ ازي
عثمان : هو طلب و الهانم وافقت علشان (و سكت)
اشرف : علشان ايه
عثمان : علشان على علاقه معاه
اشرف : نعم علاقه مع الهانم
عثمان : ايوه الهانم نامت مع جمال
اشرف : انتو بتقوله ايه ازي
عثمان : عادي يعني الهانم ارمله من 10 سنين و اديك شايف لسه بطل
اشرف : بس في فرق عمر كبير بنهم
عثمان : واحده ارمله من 10 سنين اكيد عايزه شاب صغير يكفيها
اشرف : (بيفكر شويه) علشان كده جمال بيتكلم بثقه مع الناس كلها
عثمان : شوفت
اشرف : طيب و بعدين
فياض : مفيش غير حل واحد بس
اشرف : قوله انا معايا ناس مش ها توافق على النسبه دي
فياض : الكبار يعرفه
اشرف : كبار ازي كلهم بياخده اومر من الهانم
فياض : لا انا قصدي الاكبر من الهانم سليم
عثمان : انا شايف كده
اشرف: طيب انا ها خد معاه معاد مستعجل

في مشهد اخر


سليم قاعد في مكان سري و سليم يبقي رايس الهانم و دخل عليه اشرف
سليم : اقعد
اشرف : (قعد) في مشكله
سليم : قول
اشرف : جمال المحمدي (و سكت)
سليم : و المفروض اول ما تقوى الاسم اعرف في ايه انطق انا مش فاضي
اشرف : اشمعنا جمال مكان ابوه
سليم : محدش ليه يسأل الهانم عن اختيارها و مينفعش انتا تسألني عن اختياري لي الهانم
اشرف : طيب هو في علاقه نسب او قرابه بنهم
سليم : خش في الموضوع على طول
اشرف : طيب انا سمعت اني في علاقه بين الهانم و جمال المحمدي
سليم : ايه دليلك
اشرف : طلب إيهاب زمان زياده النسبه بتعته علشان ملفه مكلف جدا طلبه اترفض اشمعنا الهانم ها تزود نسبه جمال من النسبه بتعتنا احنا كل وسطاء
سليم : مستحيل
اشرف : مفيش مستحيل فياض و عثمان مشيو علشان رفضه ده الهانم قعدتهم في البيت و يوم ما جيه حد مكنهم كان عماد الي هو خال جمال دي صدفه
سليم : ده كلام خطير
اشرف : لو كل ده صدفه يبقي احنا عبط
سليم : طيب امشي انتا


في مشهد اخر


فريده و علي خلصه محاضرات و احمد و يمني و راحه يتغده بره
احمد : تعاله نروح المطعم عندك
علي : لا بقولكم ايه تاكله على مزاجي
احمد : لا
يمني : ليه بس يله
احمد : لا
علي : طيب انتا رافض و اختك موافقه نشوف راي فريده تبقي اغلبيه
فريده : خلاص نجرب
علي : يبقي اغلبيه يله

خدهم لي مسمط في الحسين قعده
احمد : يمني و فريده مش ها يعرفه ياكله الاكل ده بلاش
شاب : طلبتكم يا بهوات
علي :بص هت خمسه كبده ليا و زيهم طحال و نص ممبار
احمد : هت خمسه كبده ليا
يمني : خمسه كبده
علي : (باصص لي فريده لقاها محرجه) تتطلبي ايه
فريده : (محرجه) في كوارع
علي : اتنين شربه كوارع
فريده : (فكت) و لو طحال تبقي كده تمام
شاب : تمام عشر دقايق و يجي الاكل

مشي الشاب
يمني : ها تكلي كوارع
فريده : ايوه فيها ايه دي كوارع لو طلبت مخاصي يعني
علي : بيعمله مخاصي
احمد : انتي بجد بتكلي الاكل ده
فريده : يابني انا امي ايوه من اسكندريه بس ابويا من أسيوط و كل حاجه في الدبيحه تتاكل
علي : شوفت الناس الي بتفهم
احمد : لا طبعا
علي : اسمع مني بس ده الاكل ده اطعم اكل

جيه الاكل و احمد و يمني بياكله بآنافه خالص عيال من المعادي اما شباب الصعيد بقي علي و فريده دخله في الكوارع نسفوها خالص
فريده : (نزلت طبق الشربه) واحد تاني يا صبحي
صبحي : (بتاع المسمط) عيني يا استاذه
علي : خليهم اتنين يا صبحي
احمد : انا عايز اقوم ارجع من شكلك و انتي بتاكلي
فريده : (اتحرجت) طيب انا قايمه اغسل ايدي
علي : و الشوربة
فريده : لا قوله خليها واحد
علي : طيب
قامت فريده تغسل اديها
علي : ايه الي انتا قولته ده
احمد : فيها ايه انتا شوفت شكلها و هيا ماسكه و عماله تشد
علي : يابني بلاش انتا ده انتا بتاكل سوشي
احمد : ماله السوشي اكله راقيه
علي : معموله من ايه سمك ني و طحالب بحر
احمد : بس مفيد
علي :و الكوارع كمان الكوارع تحميك من هشاشه العظام و فيها من كل معدن و فيتامين ممكن يخطر على بالك غير بقي زياده نسبه الفسفور
احمد : كل ده في الكوارع
علي : و اكتر كمان فاكر لما جالي نقص الحديد
احمد : ايوه
علي : كنت كل يوم اكل كبده فطار غداء عشاء في ظرف 10 ايام رجعت نسبه الحديد تاني كل ده من الكبده الاكل ده مفيد

رجعت فريده و حاسبه و راحه قعده على قهوه بلدي طلب على شيشا و عدت ست كبيره
ست : تقراء الفنجان يا بيه
احمد : شكرا يا ست
فريده : (لقتها ست فقيره و عايزه تديها فلوس) ممكن تقري الفنجان ليا
ست : من عنيا يا عروسه (اخدت الفنجان و قلبته و تمتمت بكلام مش مفهوم و عدلته) بنت اصول و الاصل غالب ضاع منك نصك التاني و عنيكي فيها الحزن كله و فيها الفرح كله و انتي الي بتختاري طريق الحزن سهل بس مش ها تكوني سعيده لكن طريق السعاده مفروش بالشوك و انتي اختاري افتحي باب قلبك واقف عليه فارس بحصان ابيض ابن اصل و اصله غالب عنه لو دخل دنيتك لزم تدخلي دنيته و دنيته جحر تعابين اصله غالب عليه بس و انتي معاه مقوياه على كل حاجه حقك راجع و دم ونيسك راجع و مردود بس خلي بالك من الي ابوكي معديهم بالدم (قلب الفنجان تاني و رجعته)
فريده : (طلعت فلوس و بتديها ليها) اتفضلي
ست : انا مش باخد فلوس يا بنتي انا حارس

مشت الست و علي باصص عليها و الموقف ده فتح عنده جرح قديم جرح ابوه الي لسه ملمش
علي : يله
يمني : يله

مشيه كلهم كل واحد رجع بيته علي دخل البيت عنده لقي امه لبسه فستان ابيض شيك جدا مطلعها عيله صغيره
علي : ايه الحلويات دي كلها بس
سندي : بس يا واد
علي : بس ايه ده انا لو مقولتش حاجه في حق الجمال ده ابقي عبيط
شغاله : الورد و صل يا هانم
سندي : (اخدت الورد و هيا فرحانه زي العيال الصغيره و طلعت تجري على الاوضه بتعتها زي العيال)
علي : الحب ولع في الضري يا سعديه
مني : بس يا واد بطل رخامه
ملك : (اخت علي الصغيره خالص توئم كارمه) علي ملها سندي
علي : بصي يا ملوكه بابا قبل ما يموت اتفق مع محل ورد يبعت بوكه ورد لي ماما و مني في عيد جوزهم كل سنه و مع الورد ده قصيده شعر من كتابه احسان عبد القدوس و مني من كتابه شاعر تاني خالص
ملك : بابا شكله كان رومنسي
مني : جدا ابوكي كان اكتر واحد حنين في الدينا دي كلها و يقف جنب الناس المحتاجه مساعده و يعمل خير كتير

بره القصر في الجنينه كانت قاعده لميتا في مكنها المخصوص و معاها واحد من الحرس اسمه شكري
شكري : بلاش يا هانم
لميتا : بلاش ايه يا شكري و بعدين بلاش كلمه هانم دي انا زي بنتك
شكري : و علشان زي بنتي بقول بلاش
لميتا : (عطته جرنال) اقراء بس
شكري : (اخد الجرنال و قرا الخبر) بلاش
لميتا : يا تقراء انتا يا اخلي حد تاني يقراء
شكري : المليارديره العمياء هل تعيش لميتا الصمدي بنت امبراطور الحديد و الملياردير علي الصمدي حياتها بالنظاره السوداء (و مع الخبر صوره ليها و هيا في فرح بتاكل و بقها ملحوس) ام انها هاكذه لي جزب تعاطف الناس بنت الملياردير من زوجته الفرنسيه لا تملك ثمن عمليه جراحيه لي استولاء زوجت ابيها سندي على حقها في ارث ابيها لي ابنها علي الصمدي اصغر ملياردير في مصر ام انها ترفض ان تخضع لي عمله جراحيه لكي تبقي في احتياج لها اسرار كثيره تحيط عائله الصمدي و تاريخ طويل لي ابيها من الاغتيالات و الاعمال الاجراميه التي لم تعقبهم القانون فا في سن السابعه عشر اخذت صوره لي علي الصمدي و هو يمسك بكأس صغير به بعض الثلج و المشروب الشفاف و علق عليها انه لا يحتسي الخمر لكنها بعض الماء لا احد يصدق مثل هذه الاشياء فا الشعب المصري يعمل مدي كذب هذه الطبقه من المجتمع (قفل الجرنال) بصي انا قريت الخبر و خلاص و الانسان الي كتب الكلام ده ميعرفش اني بيتكم مانع دخول الخمور بأنواعها الناس دي متعرفش
لميتا : (بكسره نفس) وله يعرفه مش فارقه (قامت تمشي و هيا ماسكه العصايه و شكري حس انه عمل غلط كبير جدا)


بعد شويه جوه القصر
شغاله : علي بيه
علي : ايوه
شغاله : في حد من الحرس عايز يقبلك
علي : لا مش دلوقتي انا طالع انام

قام علي و طالع فوق راحت الشغاله عرفت شكري الي كان واقف عند الباب و شايف علي ماشي
شكري : (نادم على علي) يا علي بيه يا علي بيه
شغاله : خلاص يا شكري بكره
شكري : لا لزم اشوفه يا علي بيه
علي : (رجع تاني) نعم عايز ايه و بتزعق ليه
شكري : يا باشا انا عايزك في موضوع مهم
علي : موضوع ايه الي يخليك تعمل كل الحوار ده
شكري : بخصوص لميتا هانم
علي : طيب (اخده وطلعه بره قعده في الجنينه قدام البيت) اقعد
شكري : ميصحش
علي : اقعد
شكري : (قعد) انا اسف لو اسلوبي معجبش حضرتك
علي : لو الموضوع لي لميتا عادي قول
شكري : انا بحب لميتا زي بنتي و اكتر علشان طيبه و محترمه و علاقتي بيها انا و باقي الحرس علاقه صداقه كل الحرس هنا بيحبوها جدا
علي : لميتا طول عمرها محبوبه بس ايه المشكله
شكري : لميتا هانم طلبت اني اقراء ليها الجرنال زي كل يوم بس كان فيه الخير اتفضل
علي : (اخد الجرنال و قراء الخبر) كلاب يعني انا عادي لكن اختي ليه
شكري : امورني اجيب الصحفي لحد عندك
علي : لا انا ها تصرف لو في اي حاجه تاني تدخلي على طول ماشي
شكري : ماشي يا باشا

دخل علي القصر و مش عارف يعمل ايه مع اخته لزم ترجع تاني بس لزم عمليه في سن معين طلع الاوضه ليها لقاها نيمه غطاها و باس راسها و رجع الاوضه بتعته سندي ام علي قاعده و ماسكه الجواب الي فيه القصيده فتحت الدولاب و حطته في صندوق فيه قصائد كتير و قعدت على السرير و الورد قدمها لحد ما تلفونها رن كان سليم
سليم : عايز اقبلك
سندي : سليم انا مش بنزل من البيت في اليوم ده انتا عارف
سليم : لا لزم اشوف
سندي : لو موضوع مهم قوي كده يبقي عدي عليا في المكتب
سليم : لا انتي الي ها تجيلي
سندي : و انا من امته بروح لي حد يا سليم
سليم : مفيش الكلام ده يا تيجي يا ابعت اجيبك بالقوه
سندي: قوه لا و علي ايه انا جيا
سليم : (قفل السكه في وشها)
سندي : ماشي يا سليم الكلب لو طلع موضوع تافه ها قتلك

قامت سندي و لبست قميص و بنطلون لونهم اسود و نزلت تحت لقت عربيه و نزل منها اتنين
امام : يا هانم
الهانم : ايوه يا امام
امام : الناس دي جيه لي حضرتك من سليم اجي مع حضرتك
الهانم : (بصت لي شكلهم) لا
شخص : الهانم
الهانم : ايوه
شخص : ممكن سلاح حضرتك
الهانم : (طلعت المسدس بتعها من الشنطه و عطته ليه) اتفضل
شخص : ممكن افتش الشنطه
امام : (وقف في النص)
شخص : انتا راجل كبير بلاش تقف في طريقي
امام : انا الفا انتا كودك ايه
شخص : انا 258746931ع
امام : (مسك دراعه)
شخص : (مسك ايد امام و نشف عليها)
امام : (ابتسم و برجله قلبه في الارض) انا الي دربت عمار الي دربك قوم (قومه) انا احترم رجاله الجحيم بس مش ها ينفع تفتش شنطه الهانم
شخص : حضرتك الفا و عارف دي اوامر عليا
الهانم : خلاص يا امام سيبه اتفضل الشنطه
شخص : (فتح الشنطه) ايه ده
الهانم :دي ولعه
شخص : اتفضلي يا هانم

ركبت سندي العربيه و راحت لي سليم في مكانه كان قاعد و حارق كميه سجاير كبيره جدا
الهانم :عايز ايه يا سليم و طلبني ليه
سليم : اقعدي
الهانم : (قعدت) طلبني ليه ايه الي حصل من امته انا الي باجي
سليم : لا انسي ايام الدلع دي خلاص خلصت
الهانم : انتا عارف يا سليم انا قعدت مع المرحوم بعد خروجه من مستشفي المجانين اوقات كنت احس انه مجنون فعلاً لحد ما اتعلمت منه اني الجنون ده اسلوب حياه اتعملت منه اني المجنون الناس تخاف منه
سليم : انتي عمرك ما هتبقي حاجه فيه
الهانم : لا في دي عندك حق هو كان البعبع اما انا فا الهانم (طلعت مسدس من الشنطه) ايه ساكت ليه مش كنت ها تحبني بالقوه
سليم : (بيحاول يهديها) اهدي و نتكلم
الهانم : احنا اهو بنتكلم و على ارضك بس بحب اكون انا القويه
سليم : الحرس الي بره لو سمعه صوت صرب نار ها يدخله يعمله مصيبه و انتي لزم ترجعي لي علي و اميره
الهانم : علي و اميره هههههه سليم علي كبر خلاص لو حصلي حاجه ها يجي و يمسحكم من على وش الارض و من شابه اباه فما ظلم الي مخلفه من علي الصمدي متخفش خالص و زي ما كان بيقول قبل ما يقتل حد ها توحشني يا سليم و ها قتلك و انا في بوقي السيجاره كده (داست على الزناد بس المسدس ده ولعه ولعت السيجاره و حطته في الشنطه و قعدت تدحك) هههههههه نفسي تشوف شكلك و انتا خايف ههههههه
سليم : (قعد و وشه مخضوض و سعتها ايقن انه قدام بعبع جديد بجدل جديد و شكل جديد) انتي بتعملي ايه
الهانم : ايه هو المرحوم معملهاش قبلي
سليم : و عرفتي منين
الهانم : من مذكراته خير يا سليم طلبني ليه
سليم : (شرب شويه مايه من قزازه علشان ريقه نشف) ماشي بس ها نشوف موضوع المذكرات ده بعدين انتي ها تزودي نسبه جمال المحمدي
الهانم : ازوده ليه نسبته معروفه من ايام ابوه
سليم : طيب انا وصلني انك على علاقه مع جمال المحمدي
الهانم : علاقه مع جمال ههههههه انتا بتهزر صحيح
سليم : اللاسف مش بهزر انتي عارفه عقاب حاجه زي دي التصفيه
الهانم : وانا مش عايزه اموت وانا مش على علاقه معاه مين الي وصلك الكلام ده يا سليم
سليم : بتسألي ليه
الهانم : علشان احقق معاه بنفسي
سليم : لا انا الي ها حقق بنفسي بس اكيد
الهانم : جري ايه يا سليم انتا الي بتسأل انتا تعرفي و عارف عروض الجواز الي جتلي بعد موت المرحوم و انا قبلت العروض دي ازي انا مستحيل اتجوز او ادخل في علاقه بعد المرحوم
سليم : ماشي يا هانم بس كان لزم اتأكد
الهانم : ماشي يا سليم (قامت و رايحه نحيه الباب و وقفت) سليم الي طلع الإشاعة يا يموت يا يموت
سليم : اعتبريه وصل لي الغالي فوق
الهانم : اتمني

طلعت بره و ركبت العربيه الي جابتها و رجعت تاني القصر عندها كان أمام لسه واقف
امام : حصلت مشكله
الهانم : لا محصلش حاجه فين عمر
امام : عمر قافل كل الاجهزه بتعته و مش عرفين نوصل ليه
الهانم : ايله يومين طيب حاول توصل ليه و طمني عليه لحسن يكون حصله حاجه
امام : تمام يا هانم

دخلت سندي. القصر و طلعت تنام