الفصل الاول
منورين يا شباب اتمني تكونه بصحه كويسه دي قصه جديده اسمها زلزال طبعا مستغربين و ها تقوله اطلع منها يا حماده و محمد رمضان عملها قبلك لا المره دي غير انا مش ها تكلم عن زلزال عادي لا ده زلزال حصل في دماغي قلب موزنها خالص خلني احس اني مغفل بطريق صعبه لما تبقي حياتك مبنيه على كذبه كبيره و ما بنيا على باطل فا هو باطل فا تخيل انا عايش في كذبه عمرها 20 سنه يعني 20 سنه كذب انا من عيله نقول التصنيفات يعني كريمه الطبقه المتوسطه و تكاد ترتقي لي اوحش عيله في الطبقه العليا تصنيف غريب صح طيب اعرفكم بنفسي الاول
انا : اسمي مازن محمد السراجي عندي عشرين سنه و و دى السنه الربعه ليا في الثانويه العامة مش عارف ليه كل سنه اروح اعمل تظلم و برده القي نفسي حلل كويس بس برده مش ناجح انا طويل طولي 182 سم عريض زي ما بيقوله جرم انا من الصعيد من المنيا ولدي متوفي من و انا عندي ثلاث سنين يعني موعاش عليه
امي : اسمها امل مش مهم وصفها علشان مش مكلمه معانا
اخويا الكبير : اسمه جمال عنده 26 سنه عريس جديد وصفه عادي جدا رفيع جدا و طويل اقصر مني
اخويا الصغير : ده اخر العنقود و زي ما بيقوله اخر العنقود سكر معقود بس هو غير كده خالص علاقتي به غريبه جدا علاقه مقرفه يعني هو اصغر مني بسنه واحده بس فا انا مش عارف اتعامل معاه ازي انه اخويا وله واحد صحبي حاجه مقززه
طبعا قعدت في الثانويه كتير لدرجه اني اخويا الصغير حصلني و دخل الكليه و بقي في سنه تانيه حقوق و انا كان عندي حلم ابقي ضابط شرطه من الي بشوفه وسط اهلي الي كلهم رتب في الدخليه و الجيش كان ليا عم عقيد في الجيش كان اقرب واحد ليا و يعتبر مربيني انا عندي شغل خاص بيا و هيا محل بيع قهوه بس مش كافيه لا مطحنه بن بس انا بجيب بن مميز ناس بتيجي لحد عندي من محافظات تاخد بن من عندي انا
طولت عليكم صح خلاص اسف نبداء الجزء يا رجاله
بدايه الفصل
كنت نايم في الاوضه و صحيت على الضهر قومت دخلت الحمام اخد دش و طلعت
امي : صباح الخير يا حبيبي اجبلك تفطر
انا : (مسك ايدها بستها) اخدتي دواء السكر
امي : ايوه اخدته هو الضغط
انا : طيب خليكي مرتاحه و انا هاعمل ليا الفطار
امي: طيب
قومت سخنت طبق فول و سلقت بيضتين و قعدت افطر بعد كده قومت دخلت الاوضه اغير هدومي علشان انزل افتح المحل طلعت بره لقيت امي مع اخويا الصغير
محمود : ماما عايز فلوس
امي : انتا لسه واخد امبارح 300 جنيه عايز ايه
محمود : امبارح انا سافرت و رحت الكليه
امي : واخد العربيه يعني مفيش موصلات صرفت في ايه
محمود : بنزيم يا ماما
انا : صباح الخير يا حوده
محمود : صباح النور يا مازن
امي : رايح فين يا حبيبي
انا : انا رايح الشغل يا ماما
امي : طيب خد ال 200 جنيه دي معاك
محمود : ايه ده يا ماما الفلوس طلعت دلوقتي
امي : انتا ها تحسبني يا محمود
محمود : انتي بتدي مازن الي بقاله ثلاث سنين في ثانويه عامه مش عارف يخلصها ده فاشل
انا : هاتي يا ماما
امي : خد يا حبيبي
انا : (اخدت الفلوس من امي و طلعت عليهم 300 جنيه من جيبي) امسك يا محمود معلش يا حجه اصل البت الي مصاحبها الكام يوم دول مصرفها كتيره (حطيت الفلوس في جيبه) سلام يا امي
طلعت بره البيت و اتمشيت لحد اول الشارع كان محمود نزل اخد العربيه و مشي جنبي وله كان انا اخوه الكبير مثلاً وله اني المفروض يكون في احترام لا عدي من جنبي عادي طلعت اخدت تاكسي لحد المحل بتاعي فتحت و خمس دقايق و وصل العمال اول استفتاح ليا كان كيلو بن لي واحد معرفه من اسيوط زبون دائم عندي و الناس بتيجي و تمشي و جالي عمي الي بحبه اسمه مصطفي
مصطفي : صباح الفل يا مازن
انا : عمي مصطفي (اخدته بالحضن) واحشني جدا
مصطفي : و انتا اكتر يا حبيبي عامل ايه
انا : زي الفل يا عمي انتا نزلت اجازه أمته
مصطفي: لا انا جي يوم و ماشي اشوف مرات عمك و العيال قولت اعدي عليك و بالمره اجيب بن
انا : فيك الخير يا عمي استنا
دخلت وره البار عملت ليه فنجان قهوه على الرماله و دي مكنه زي سخان بتاع الفول بس اكبر و بيكون فيها رمله تدفن الكنكه فيها لحد ما تغلي عملت القهوه و رحت لي عمي
انا : اتفضل دوق و قولي رأيك
مصطفي :مش محتاج رأي الريحه بينه
انا : ده بن لي الحبايب
مصطفي: (اخد بوق) ام حلو البن ده
انا : اي خدمه يسري
يسري : (شغال معايا) ايوه يا استاذ مازن
انا : اعمل نص بن كولومبي مستورد
مصطفي : نص ايه انا عايز كميه انا هاخد ليا و لي القائد بتاعي عجبه البن بتاعك
انا : هتاخد قد ايه
مصطفي : بص اتنين كيلو كل نص لوحده
انا : بس كده يسري خليهم اتنين كيلو كل نص لوحده
يسري : ماشي
مصطفي : انا لسه مكلم امك دلوقتي بتقول انك رافض الشهريه او حتي المصروف و مش بتاخد نصيبك في إيراد الارض
انا : هيا اشتكت ليك
مصطفي : اشتكت ايه دي اكلت دماغي النهارده امك رطاطه اوي
انا : انا مراعي انكم ولاد عم وكل حاجه بس محدش يغلط في امي
مصطفي : هههههه ماشي يا مازن بس ليه
انا : يا عمي انا النهارده امي بتقولي خد فلوس اخويا الصغير يقول ليها فلوس ايه بتاع الثانويه الفاشل و بعدين انا بكسب كويس و مش محتاج و كمان بحوش
مصطفي : معلش يا مازن ظروفك كده و بعدين ده اخوك الصغير لزم تحتويه ايوه حيوان بس احتويه
انا : عمي انا تعبت خلاص و جبت اخري منهم مبقاش عندي طاقه احتوي اي حد مهما كان مين
مصطفي: معلش يا حبيبي استحمل شويه
انا : طيب انتا متعرفش حد ياخد فلوس و يخلص موضوع الثانويه ده علشان انا زهقت بجد اصحابي قربه يتخرجه
مصطفي : صدقني لو اعرف حد مش ها ستني تقولي اكلمه انتا عارف انتا غالي عندي
انا : عارف من غير ما تقول
يسري : البن يا استاذ مازن
انا : شكرا يا يسري شوف الناس الي دخله
مصطفي : قولي حسابك كام
انا : مليون جنيه
مصطفي : بس كده مليون جنيه الاسعار رخصت قوي تحب تاخدهم على قفاك وله تاخدهم شتيمه اوعي يغرك البدله الميري دي عمك صايع قديم
انا : هههههه ماشي يا عمي بس لا الحساب واصل
مصطفي : بلاش الاسلوب ده انتا فاتح تاكل عيش مش تعمل مواجب
انا : انتا عارف مش بعمل واجب مع حد الي بياخد حاجه بيحاسب عليهم لكن انتا مش غريب يا عمي
مصطفي : اسمع كلامي البن ده في منه رايح هديه مينفعش اخده منك هديه و اديه للناس
انا : خلاص يا عمي الحساب 700 جنيه
مصطفي: كان من الاول لزم تعزم يعني امسك يا سيدي بس هات من البن ده كتير علشان طعمه حلو يله سلام
انا : توصل بالسلامه
مشي عمي مصطفي و انا قعدت شويه مع العمال و مشيت بدري و ده مش من عدتي انا بقعد لحد ما اقفل بنفسي بس مع ضغط الشغل تعبت و مشيت على الساعه سبعه و ياريت ما روحت دخلت البيت وصف البيت هو بيت ثلاث ادور احنا في دور و اخويا الكبير في الدور التاني متجوز فيه و لسه عريس جديد مكملش الاسبوع طلعت الدور بتعنا و دخلت كان قاعد ابن عمي اسمه عماد هو عنده 25 سنه متجوز بنت من سني اسمها فريده فريده كنت بحبها زمان و ابن عمي عمل بنا مشاكل لحد ما سبنا بعض و هو راح خطبها و اتجوزها دخلت
انا : السلام عليكم.
امي : و عليكم السلام يا حبيبي
عماد : مازن حبيبي قلبي عامل ايه
انا : كويس يا عماد
فريده : عامل ايه يا مازن
انا : تمام كويس
امي : اقعد يا حبيبي
انا : (اترميت على الكرسي جنب امي)
جمال : كنت فين يا مازن
انا : في الشغل يا جيمي
سما : (مرات اخويا) ربنا معاك يا مازن
محمود : معاه في ايه في شويه القهوه الي بيعملهم يعني ده شغل ملهوش لزمه و بن زباله (مد ايده ياخد فنجان القهوه الي قدامه)
انا : (اخدت الفنجان بتاعه و دقته) لما البن زباله بتشرب منه ليه متشربش حاجه من عندي لو مش عجباك و بلاش تبعت اصحابك تيجي تشتري من عندي تاني
امي : مازن
انا : ماما مش انا الي بتكلم ده محمود بيه
عماد : قلي يا مازن ها تعمل ايه في الثانويه بتعتك لسه بتصقط
انا : (برخامه) ايوه
عماد : انا اعرف واحد ممكن يخلص ليك القصه دي بس ها يكلف ممكن تبيع فيها كشك القهوه بتاعك ههههه (بيهزر ابن الرخمه)
انا : لا مش لزمني عادي اسقط انجح متفرقش
محمود : انتا شكلك حبيت الموضوع ده انا قربت اتخرج
انا : خليك في حالك
جمال : بس يابني انتا و هو شغال العيال ده انتو كبرته
انا : بقلك ايه يا حجه
امي : ايوه يا حبيبي
انا : نفسي في فنجان قهوه من ايدك يا قمر
امي : هههههه شوف الواد البكاش ياض ده فنجان القهوه الي بيطلع من تحت ايدك بيبقي تحفه
انا : انا اجي ايه في الفنجان الي بتعمله ام جمال ده انتي الاستاذه الكبيره
امي : ماشي يا بكاش
قامت امي و دخلت المطبخ و انا دخلت الاوضه أغير هدومي و انا مش بأخر في اللبس و كده طلعت بسرعه و سمعتهم بيتكلمه بره
عماد : على كده بيكسب شغل البن ده
جمال : ايوه يا عماد مازن اصل بيجيب بن غالي و من انوع نضيفه و في ناس بتيجي ليه من القاهره لحد قنا تاخد منه كميه و ناس مش قليله ناس تقيله
محمود : انتا بتصدق الكلام ده يا جمال ده مش شغال اصلا و بعدين احنا فتحين ليه مكان كبير و غالي على الفاضي
جمال : انتا عارف مازن بداء بايه 10 الف جنيه جاب مكنه قهوه و اخد عربيه شاهين خرده و كان بيقف في الشارع يبيع قهوه الفلوس دي اخدها مني انا و من بعدها و هو معتمد على نفسه سدد الفلوس ليا و اخد المكان بتاعه و اشتغل
محمود : بس بس كلام عبيط ده كان بيقف في الشارع مش بيعمل 30 اربعين جنيه على بعض
جمال : لو مش شغال مكنش عمل كل ده مازن معتمد على نفسه بنفسه
انا : (طلعت) ايه يا جماعه الكلام على ايه
عماد : مفيش يا مازن بتكلم عنك بس بالخير
انا : وله بالشر متفرقش كتير
الباب خبط قومت افتح كانت بنت خالي اسمها حوريه و هيا اسم على مسامي جمال لا يوصف عين خضره شعر اصفر و عود مظبوط بالملي مفيش فيها غلطه عندها 19 سنه بتدرس طب في سنه اوله وضعها العادي هيا على طول مبتسمه بملامح جميله جدا
حوريه : ( دخلت و اخدتني بالحضن) ميزو عامل ايه
انا : كويس ادخلي يا صداع
حوريه : ماشي يا ميزو (دخلت لقتهم قعدين دكر بيتكلم) سلام عليكم يا بشريه محدش قايم ادخل لي عمتي المطبخ و ارجع اسلم
جمال : ادخل يا صداع ادخل
حوريه : دخل ياخويا هو انا محتاجه عزومه ادخل مدخلش ليه انا مش محتاجه عزومه طبعا البيت بيتي
انا : بس بس بس ايه الصداع ده اخلي يله
حوريه : ماشي ميزو (دخلت المطبخ)
سما : زياره البت دي بتعمل قلبان في البيت
انا : حوريه بقي يا ست سما لزم تعمل صداع
جمال : بس دمها خفيف اوي
فريده : اه اوي و كمان بتعمل دوشه و حس
طلعت امي و ورها حوريه معاها فنجان بتعها
امي : امسك يا حبيبي
انا : تسلم يا قمر
حوريه : قولي يا ميزو بتجيب البن ده منين
انا : من المحل بتاعي
حوريه : ايوه عرفه من المحل بتاعك بس بتجيبه منين
انا : ده سر المهنه
محمود : ليه هو عجبك وله ايه
حوريه : اه اوي
محمود : عجبك فيه ايه ده عامل زي التراب
انا : انا قلتلك مش عجبك بلاش تشرب
حوريه : لا بس بن جامد جامد يعني
انا : ابقي ابعتلك بن على البيت بكره
حوريه :ماشي
امي : ها تسفره امته يا فريده
فريده : كمان اسبوع يا طنط
امي : طيب
حوريه : ميزو
انا : عايزه ايه يا صداع
حوريه : بص انا طلبه منك خدمه
انا :انتي مش بتيجي غير لما يكون ليكي مصلحه قولي
حوريه : تعاله طيب نتكلم في البلكونه جوه بعد اذنك يا عمتي ها ستفرد بابنك يمكن اكتبه ورقه عرفي وله حاجه
امي : (مسكت الشبشب) يله يا صيعه
حوريه : اعمل ايه مش انتي الي مخلفه واد موز اوي
انا : طيب يله
دخلنا البلكونه و فيها كرسي و تربيزه قعدنا ولعت سيجاره
انا : خير يا حوريا
حوريا : بص يا سيدي انا طلعه اسبوع شرم الشيخ في رحله تبع الجامعه بتعتي و خالك و مراته عملين صداع مش موافقين
انا : طيب انا مالي
حوريا : ماما بتقول لو هاروح مش ها روح لوحدي تمام و انتا عارف احنا ثلاث بنات يعني معيناش راجل غيرك يا ابن عمتي يا حبيبي
انا : بطلي طبل و الجو ده ادخلي في الموضوع عدل
حوريا : (مبتسمه فشخ) عايزك تطلع معايا
انا : مش فاضي
حوريا : لا بص بقي جو مش فاضي معنديش وقت مش بحبه اسمع انا حجزت ليك معايا تمام و الرحلة الفجر يعني تقوم زي الشاطر تجهز كده
انا : بطلي عبط انتي عرفه لو فاضي عادي
حوريا : اسمع بس بلاش تتحمق كده و تعمل نفسك نجيب ساويرس كده بص الرحله اسبوع ها نروح و نيجي
انا : انا محبش المفاجأت لزم اكون عارف
حوريا : مش عامل حسابك انا عرفه اخر مصيف طلعته كان من سنتين تلاته عرفه معندكش مايوه يا فقير انا جيبه ليك مايوهات
انا : مش ها ينفع
حوريا : لا ينفع انتا عارف انا دفعه كام علشان تطلع معانا انا دفعه كتير ده الفرد بألفين جنيه يا بيه يعني مبلغ
انا : عادي الغي اشتراكي و خدي الفلوس
حوريا : مش ها ينفع بص الرحله دي في الفندق ده تمن الليله الواحده 3الف جنيه و القريه الي احنا ريحنها دي عمله التخفيض ده لي الطلبه طب لي اعلي بشر وسط البني ادمين بص مصلحه بجد
انا : طيب يا حوريا ها فكر
حوريا : مفيش تفكير انتا طالع معايا ها نسافر الفجر
انا : شرم الشيخ 15 ساعه سفر انا بزهق
حوريا : اسمع مني بس مش ها تحس بالرحله
انا : (فكرت شويه انا بقالي مده طويله مغيرتش جو فا مصلحه رحله و مش دافع فيها جنيه فكره حلوه) طيب يا حوريا
حوريا : (بتسقف زي العيال الصغيره) ماشي يا ميزو (بصت ورياه) يله ندخل
انا : يله
دخلنا جوه كان النور مطفي و في شمعه منوره
امي : سنه حلوه يا جميل سنه حلوه يا جميل سنه حلوه يا مازن سنه حلوه يا جميل يله حلاً بالاً حي ابو الفصاد ها يكون عيد ميلاده الليله احسن الاعياد فل يحيا ابو الفصاد هيهيه كل سنه و انتا طيب يا حبيبي
انا : و انتي طيبه يا امي
حوريا : كل سنه و انتا طيب يا ميزو
جمال : كل سنه و انتا طيب يا مازن و سنه سعيده عليك
سما :كل سنه و انتا طيب يا ميزو
انا : و انتو طيبين بس انا نسيت خالص انه عيد ميلادي
امي : انتا تنسي براحتك بس انا ديمن فكره يا حبيبي
حوريا : ايه ده و انا كمان فكره عيد ميلادك انا الي جيبه التورتا
انا: ماشي يا حوريا ممكن اطفي الشمع
حوريا : اطفي يا ميزو بس عايزه افكرك انها كلفتني جامد علشان اخليهم يرسمه وشك الموز عليها
امي : ههههههه انتي يا بنت لسانك طويل كده ليه اتعدلي
في مشهد اخر
واحده ست بس في مكتب لوحدها و قدمها تورتا و طفت الشمع
ست : كل سنه و انتا طيب يا حبيبي
دخل شخص غير معروف
شخص : تعيشي و تفتكري يا هانم
ست : عايز ايه
شخص : انا جي ابلغ حضرتك اني كل حاجه جهزه
ست : طيب طيب أكد على الرجاله تفتح عنيها احنا عندنا شخصيه مهمه جدا
شخص : مش محتاجين توصيه يا هانم
ست : طيب اتفضل انتا
شخص : بعد ازنك يا هانم (طلع بره المكتب)
ست : (راحت نحيه بار عملت كاس وسكي و وقفت بصه من شباك على جنينه و دمعها نزلت) كل سنه و انتا طيب يا حبيبي كل سنه و انتا بصحه و سعاده
دخلت عليها بنتها
بنتها : مامي تعيشي و تفتكري
ست : انتي عرفه اخوكي لو عايش كان ها يكمل كام سنه 21 سنه كان ها يبقي شاب كبير
بنتها : خلاص يا ست ماما انا و اخواتي موجودين
ست : انته الي طلعت بيكم من الدنيا لا فلوس وله سلطه وله حاجه انته بس
المشهد الريسي
البيت عندنا سهران انا و حوريا و جمال و سما و محمود و امي دخلت تحضر ليا الشنطه بتعتي و عماد و فريده مشيه طبعا متخيلين اني كنت مدايق من الزياره لا وله فرحان كنت عادي و اكتر من العادي كمان مش فارق بالنسبه ليا
جمال : مازن بقولك عايز اي حاجه قبل ما تسافر
انا : لا بس لو ممكن يعني تبقي تبص على يسري و الشباب في المحل من وقت لي التاني لو فاضي
جمال : انا كده كدة قاعد اجازه من الشغل (جمال شغال مهندس بترول في البحر الاحمر)
انا : ماشي يا جيمي
سما : بس نزوله و هو لسه عرس مش ببلاش لا يا حبيبي انتا ها تدفع فيها دي
جمال : يدفع ايه؟؟؟؟؟؟
سما : اسكت انتا انا عرفه الاشكال دي كويس بس المقابل هو نص كيلو بن ملكي (بن الملكي ده تحويجه خاصه انا بعملها بنفسي و ده سبب تميزي بس غالي فشخ)
انا: سما انتي شريره
سما : من يومي يا حبيبي ها ديل اور نو ديل
انا: بصي نص كيلو بن مخصوص اشطا
سما : ملكي يا اما لا
انا : بس
محمود : سما فكك منه تلقيه بن زباله زيه
انا : انتا متعرش تبطل
محمود : ابطل ايه
حوريا : تبقي زباله اسلوب كلامك مع اخوك الكبير قدام عماد مش كويس و انتا عارف الحكايه القديمه
محمود : و انتي مصدقه صح
حوريا : ايوه
محمود : طيب يا مازن الموضوع ده حصل
انا : ايوه
محمود : طيب يا شقي قول الكلام ده و انتا مش بتاخد ادويه المهدئ وله مضادات الهلوسه بتعتك ماشي سعتها اقدر اصدق
جمال : محمود قوم امشي من قدامي (زعق فيه و خبطه بايده على ضهره جامد) قوم يله قوم
محمود : كلمتي هيا الي وقفت في الزور علشان حقيقه طيب ماشي قايم يا هندسه (قام محمود و دخل جوه)
جمال : مازن
انا : (شورت ليه يسكت و انا قاعد مدايق و تعبان من اخويا الي كل يوم يدبحني بسكينه تلمه ليه يا ابن ابويا)
سما : حوريا افتحي التلفزيون على فيلم ها قوم اعمل فشار يله السهره صباحي
حوريا : من عنيا
شغلت حوريا فيلم رومانسي اجنبي على التلفزيون و جت سما و قعدنا نسمع الفيلم مع بعض و حوريا قعده جنبي و جمال واخد سما في حضنه خلص الفيلم و الفجر اذن قومت البس و حوريا كانت جهزه و جيبه معاها شنطه الهدوم بتعتها خلصت لبس
جمال : امسك يا مازن
انا : ايه ده
جمال : مفتاح العربيه سافره بيها
انا : انتا عارف مش بحب اسوق مسافات طويله و بعدين حوريا حجزه في الاتوبيس
حوريا : اسكوت مش انا محجزتش في الاتوبيس
انا : انتي بتهزري صح
حوريا : لالا بس نسيت (و ابتسمت ابتسامه عريضة كا العاده لما تعمل مصيبه)
انا : طيب
امي : خلي بالك من نفسك يا حبيبي ها و سوق براحه على مهلك مش لزم توصل بدري المهم توصل ماشي
انا : ماشي يا ماما
امي : متعملش مشاكل
انا : حاضر
امي : بلاش تسرح على الطريق
انا : خلاص يا ماما عايزن ننزل
جمال : ها تقعدي تدي في نصايح و الواد مش ها يسافر روح يابني
انا : ماشي سلام
نزلت تحت دورت العربيه تسخن و حطيت الشنط جوه العربيه و اتحركنا حوريا طلبت انها تعدي على واحده صحبتها اسمها مروه في سكتها عدينا عليهم و اتحركنا وره الاتوبيس و متفق مع السواق اني اكون وره وصلنا بعد 15 ساعه سفر و سواقه هلكت فيها دي كان مشرف الرحله اسمه الدكتور ناصر
ناصر : طبعا يا شباب مرهقين انا عارف ها نطلع نرتاح و المكان متقسم نظام شاليهات احنا حجزين لي كل ثلاثه شباب و ثلاثه بنات
انا : اسف يا دكتور لي المقاطعه بس انا و حوريا في شاليه واحد
ناصر : مش ها ينفع يا مازن الاداره شديده هنا
انا : عادي اتكلم معاهم مفيش مشكله يعني
ناصر : طيب يا مازن ثواني (مشي راح اتكلم مع واحد و بعدها رجع و معاه الراجل ده)
ناصر : اعرفكم مستر محمد هو مدير الفندق هنا مازن انا اتكلمت مع مستر محمد
محمد : اسف جدا مش ها ينفع لزم تكون اختك
انا : مفيش الكلام ده انا و هيا في شاليه واحد و ده مش كلامي ده كلام ابوها لو عايز اكلمه دلوقتي تسمع منه
محمد : طيب انا لا اعرفك وله اعرفها وله اعرف ابوها يعني انا اضمن منين تكونه قرايب اصلا كلام الدكتور ناصر مش اثبات و انا معنديش استعداد اعمل مشكله مع شرطه السياحه علشان مجرد كلام طالع من شباب
انا :شرطه سياحه مين حضرتك الي تتكلم معايا استاذ محمد انا جي من 15 ساعه سفر و انا الي سايق بعد ازنك خلص القصه دي علشان نرتاح
محمد : انتا مجنون يابني مفيش الكلام ده هنا هنا في نظام مينفعش و خلاص ده قانون
انا :مجنون انتا بتكلمني كده ليه (مكنتش واخد بالي اني صوتي عالي انا لما بكون تعبان و مرهق ممكن صوتي يعلي لا ايرادي) انتا متعرفش انا مين
ست : (دخلت علينا و هيا بطل بصه شرين رضا بالحرف نفس الشكل و الجسم و كل حاجه و كان ماشي وراها حراسه) ها تكون مين يعني وطي صوتك يا تترمي في الشارع زي الكلب
انا : ترمي مين في الشارع انتو مجانين وله ايه
ست : (شورت لي الحرس يمسكوني)
انا : انتي متعرفيش انا مين انا مازن السراجي تلفون اقلب الدنيا
ست : مازن السراجي
انا : ايوه مازن السراجي
ست : (شورت لي الحرس ينزله ايدهم) انتا مازن السراجي
انا : ايه اغنيها ايوه مازن السراجي
ست : محمد
محمد : اكلم الشرطه
ست : لا الي يشوفه مازن بيه يمشي
محمد : و شرطه السياحه
ست : بيقولك مازن السراجي تقولي شرطه سياحه مش انتا يبقي عمك العقيد مصطفي السراجي برده
انا : ايوه اخو ابويا
ست : (هزت دمغها) طيب يا مازن بيه اتفضل بعد اذنكم (مشيت مع الحراسه بتعتها و كمان محمد مشي)
ناصر :تمام كده في مشكله هيا مروه ها تكون فين
مروه : ممكن انزل مع حوريا في الشاليه
ناصر : مش عارف شوفيها
حوريا : عادي مروه صحبتي و جيه معايا وله ايه يا مازن
انا : (نمت و انا قاعد مكاني من الارهاق)
حوريا :مفتكرش اني مازن ها يعترض بس مفتاح الشاليه علشان مازن راح مني خالص
ناصر :طيب اتفضله
صحتني حوريا و قومت اخده الشنط بتعتنا و رحنا لي الشاليه هو ثلاث اوضه بس كل اوضه بحمام خاص انا دخلت لا بصيت يمين وله شمال دخلت على سرير اوضه عدل اترميت عليه نمت لحد تاني يوم الضهر صحيت على حوريا و هيا فوق دماغي في الاوضه
حوريا: ميزو يا ميزو انتا يابني اصحي
انا : عايزه ايه
حوريا : اصحي طيب علشان الضهر
انا : طيب قايم اهو (فتحت عيني لقتها لبسه شورت و تي شرت بنص كم) خخخخخخخ احا
حوريا : في ايه يلاا
انا : لمي هدومك رجعين دلوقتي
حوريا : ليه ايه الي حصل
انا :ايه الي انتي لبسه ده من امته بتلبسي كده
حوريا :ده في البيت بس لكن انا مش هاطلع كده طبعا يعني
انا : ده في البيت لما تكوني مع اخواتك البنات ماشي
حوريا : خلاص بقي عدي و انبسط
انا : سمعتي مفيش الجو ده اشطا روحي غيري و انا كمان شوفه حاجه نفطر بيها
حوريا : المطعم قاعد يكلمنا علشان يبعته الفطار و انا بقلهم لا استنه
انا : طيب انا قايم اخد دش و اغير يله اطلعي بره
طلعت حوريا بره و انا اخدت دش و لبست طلعت من الاوضه كلمت امي اطمنها عليا و بعد كلمت المحل عرفت اني جمال هناك من يسري ولعت سيجاره خلصتها و نزلت على السلم الدخلي و شوفت حاجه غريبه جدا
يتبع......
الفصل الثاني
قومت من النوم اخدت دش و غيرت هدومي و كلمت امي
امي : مازن عامل ايه يا حبيبي
انا : انا تمام يا امي انتي الي عمله ايه
امي : كويسه
انا : بقولك ايه اخدتي الادويه بتعتك
امي : ايوه يا حبيبي اخدتها الضغط و السكر
انا :طيب انتي كويسه يعني
امي : ايوه اقفل بقي و ورح شم هوا كده و غير جو يله
انا : ماشي يا ست الكل سلام
امي : سلام
قفلت مع امي و كلمت يسري
يسري : صباح الخير يا استاذ مازن
انا : صباح النور يا يسري ها طمني
يسري : الباش مهندس جمال جيه فتح النهارده و كان في ناس جيه من بني سويف اخده كيلو بن ملكي و اخده ربع بن عرايس (ده بن فيه خلطه اقوي من الفياجرا)
انا : طيب ركز انتا في الخلاطات و الحجت دي ماشي
يسري :ماشي يا استاذ مازن
انا :طيب سلام
يسري : سلام
خلصت من يسري و طفيت السيجاره و نزلت تحت على السلم الدخلي لقيت واحده لبسه هوت شورط و فوقه تي شرت حماله كنت فاكرها حوريا
انا : مش قولت اللبس ده يتغير
مروه : ايه ده صباح الخير يا مازن
انا : مروه انتي هنا من امته
مروه : انا بيته هنا اساسا
انا : طيب ازي
حوريا : (نزلت بعد ما غيرت هدمها) في ايه
مروه : مازن بيسأل انا هنا ازي
حوريا : امبارح مكناش لقين مكان ليها تمام فا قولت ليها تيجي معانا و انتا كنت نايم امبارح و معرفتش اقولك
انا : نايم امته
حوريا : يابني انتا نمت على الكرسي امبارح في الرسبشن
انا : كنت تعبان شويه معلش طلبتي الفطار
حوريا : ايوه طلبته (الباب خبط)
مروه : اروح افتح
انا : استني تروحي فين باللبس ده اقعد هنا (روحت افتح كان محمد الي شوفته امبارح) نعم
محمد : (مبتسم) صباح الخير يا مازن بيه الفطار يا فندم ها تدخله البنات
انا : طيب اتفضله
دخله ثلاث بنات بثلاث صواني عليهم الفطار و بعد كده طلعه و قعدت على السفره
انا : ايه الجبن دي كلها ها ناكل جبن
مروه : فيها ايه
انا : لا عادي بس اتعودت على فطار الحجه ام جمال
مروه : بجد نفسي اعرف عليها
انا : اشمعنا
مروه : ها لا اصل حوريا ديمن تحكي عن عمتها و كده فا بقيت متشوقه اشوفها
انا : طيب
قعدنا نفطر و بعدها طلعت قدام الشاليه بره الولع سيجاره و لقيت ست نزله من عربيه جولف
ست : صباح الخير
انا : صباح النور
ست : انتا مش فاكرني
انا : الصراحه محصلش الشرف
ست : احنا اتقابلنا امبارح بليل انتا كنت عامل مشكله مع مدير القريه
انا : اه صح افتكرت اسف جدا احنا اتقبلنا و انا تعبان و مرهق فا مش فاكر حضرتك كويس اتفضلي
ست : انتا كنت قاعد بره ليه
انا : الشاليه ممنوع فيه التدخين
ست : اه صح
دخلنا جوه الشاليه و قعدنا
انا : تشربي ايه
ست : انتا في مكاني المفروض انا الي اعزم
انا : مكان حضرتك ازي
ست : انا سحر الخديوي صحبت القريه
انا : اه تمام طيب يا سحر هانم احنا عندك اه بس ممكن اعمل انا الواجب ده تشربي قهوه
سحر : نشرب قهوه
انا : ثانيه واحده
طلعت الاوضه بتعتي ديمن باخد معايا عده قهوه صحراوي (و ده واقع في حياتي انا بعشق القهوه) و نزلت تحت فتحت الشنطه و طلعت العدة و عملت اتنين قهوه
انا : اتفضلي
سحر : (اخدت الفنجان و داقت منه) اممم طعمه حلو البن ده اسمه ايه
انا : الملكي
سحر : بس انا عمري ما سمعت عن نوع بن بالاسم ده
انا : علشان ده بن انا الي بعمله بنفسي و تحويجه خاصه بيا
سحر : انتا شكلك بتحب القهوه بجد
انا : جدا القهوه دي انا بحبها من زمان و مجنون بيها و غير كده هيا تجارتي
سحر : تجاره
انا : اه عندي المحل بتاعي في البلد اسمه محل الملكي
سحر : بس انتا سنك صغير انتا بتدرس ايه
انا : بدرس ثانويه عامه
سحر : لا ده انتا صغير اوي كمان
انا : انا كملت النهارده 21 سنه دي السنه الربعه او التالته ليا في الثانويه
سحر : انتا مش بتحب الدراسه وله ايه
انا : الصراحه بحبها بس هيا مش بتحبني يعني جربت اروح اعمل تظلم روحت و صححت الورق و كان ليا درجات بس برده محصلش حاجه
سحر : كل تأخيره و فيها خيره (خلصت الفنجان) شكرا على القهوه يا مازن
انا : شرفتي يا سحر هانم
طلعت سحر من الشاليه و انا طلعت بره اتمشي على البحر شويه و حوريا كانت مع صحبتها في الرحله علي البحر قعدت انا على جنب شويه و بعد كده نزلت اعوم انا من عشاق اللون الاسود في ناس بتختار اللون ده من دافع الشياكه و في ناس بتختار من دافع الغموض لكن انا مش عارف بختاره ليه و ده دليل على الاكتأب تسأله ايه يخلي واحد زي يكتأب اقلكم ها تعرف بعدين قعدت شويه على البحر و الدكتور ناصر نادم عليا رحتله
ناصر : قاعد لوحدك يعني
انا :لا عادي يا دكتور
ناصر : طيب قولي عملت ايه في القضيه بتعتك
انا : جري ايه يا دكتور حد يرفع قضيه على وزاره و يكسبها
ناصر : عندك حق يابني بكره في رحله بحريه و غطس تيجي
انا : اكيد
ناصر : طيب
قعدت شويه مع الدكتور ناصر و رجعت الشاليه حوريا و مروه كانه بيتكلمه اول ما دخلت سكته
حوريا : ميزو مين كان هنا
انا : هنا فين
حوريا : في برفان حريمي قوي جدا شماه في المكان
انا : حريمي
مروه : ايوه
انا : دي سحر هانم
حوريا : سحر هانم بجد
انا : ايوه
حوريا : عرفتها انا كده يعني مين سحر هانم دي
انا : فكره الست الي عملنا معاها مشكله امبارح
حوريا : ايوه
انا : هيا دي كانت معديه سلمت عليا عزمتها على قهوه بس و طلعت صاحبه القريه
حوريا : امممم طيب
انا : اطلبي الغدا على ما أخد دش
مروه :حاضر
طلعت فوق
مروه : يخربيت حلوته
حوريا :مازن مش شكل فريد من نوعه في شبه كتير
مروه : عرفه بس هو شخصيه غمضه جدا و غريب و هادي
حوريا :مازن زمان كان شخصيه مرحه جدا كان يهزر مع كل الناس كان يقول اكبر المشاكل تتحل بضحكه او نكته مش اكتر لكن دلوقتي لا بطل يدحك و يعمل دوشه
مروه : اشمعنا ايه الي حصل
حوريا : محدش عارف غير اهله بس و اهله مقصود بيها امه و اخواته بس
مروه : طيب انتي جربتي تسألي
حوريا : لا و اقفلي كلام علشان نازل
انا : (نزلت) طبلته الغدا
مروه : ها نكلمه حلاً
انا : طيب
قعدت شويه ماسك التلفون و مركز فيه و جيه الغدا و كان عباره عن اكله بحريه سمك و جمبري و استاكوزا
محمد : اتفضله
انا : ايه كل ده احنا مطلبناش اكل بحري
محمد : لا ده من سحر هانم و بتقول ليك شكرا على القهوه
انا : بس ده كتير
محمد : دي اوامر سحر هانم
انا : طيب اشكر الهانم كتير
محمد : اكيد يا فندم
مشي محمد و قعدنا ناكل و الاكل كان تحفه و بعد كده طلعنا نلبس علشان ريحين مسرح في القريه فيه عروض و كده ركبنا عربيه جولف تبع القريه نفسها وصلنا المسرح و قعدنا على التربيزه الي عليها الرحله
واحد : (قاعد على التربيزه) ايه يا مازن مش بتتكلم مع حد ليه
انا : مليش اصحاب هنا
واحد : بس كده سهله انا سامي ممكن نبقي اصحاب لو تحب
انا : اه اوي اوي ليه لا انتا منين يا سامي
سامي : من المنيا نفسها ساكن في شلبي
انا : احسن ناس
واحنا قعدين كانت سحر قاعده على تربيزه بعيده بس شيفانه و احنا كمان شيفنها قعده و حوليها الحرس بتعها و دخل راجل في اول الخمسين
سحر : عدلي بيه وصلت بالسلامه
عدلي : اه وصلت من شويه
سحر : طيب اتفضل
عدلي : (قعد جنبها)
سحر : قولي الوضع فيه ايه
عدلي : مشاكل كتير في شركه السياحه غير عدم الاستقرار مسبب ازمه
سحر : مين قال اني مفيش استقرار سينا دلوقتي أمن حته في مصر كلها رجاله الجيش عملين شغل كويس
عدلي : بس ده ميمنعش اني في كام عمليه بتتعمل كل فتره تقلب الدنيا
سحر : طيب اسمع نزل الاسعار بتعتنا و زود منافز الاعلام
عدلي : اوكي بس انا خايف لا تكون النتيجه مش في صالحنا
سحر : ادينا بنحاول مع سوق بيموت
عدلي : تمام يا هانم بعد اذنك
سحر : اتفضل روح ارتاح من السفر
عدلي : سهره سعيده يا هانم (قام مشي)
سحر : خليل
خليل : (قائد الحرس لي سحر) ايوه يا هانم
سحر : روح لي مازن السراجي و قوله اني عايزه على التربيزه بتعتي بس بلطف
خليل : تمام يا هانم
مشي خليل و جالي
خليل : مازن بيه السراجي
انا : ايوه
خليل : سحر هانم بتطلب من حضرتك تشرفها على التربيزه بتعتها
انا : طيب (كلمت حوريا) بقولك ايه انا هنا و راجع
حوريا : ماشي
قومت مع خليل و رحنا على التربيزه بتاعت سحر
انا : انا مش عارف اشكرك ازي على الغدا الصراحه السمك تحفه
سحر : المهم انه عجبك
انا : لا الصراحه عجبني ده اجمد من القهوه
سحر : هههه مفيش اجمد من القهوه اتفضل اقعد واقف ليه
انا : معلش مش ها قدر اقعد علشان بنت خالي معايا
سحر : و فيها ايه
انا : لا فيها كتير حد يعاكسها يزعلها لزم اكون موجود انا هنا علشان كده
سحر : ليه يعني مش عجبك المكان
انا : لا المكان تحفه و الاحسن الاستقبال بس مكنتش عايز اسافر علشان الشغل و بعدين السفريه دي هديه عيد ميلادي
سحر : صحيح كل سنه و انتا طيب
انا : و انتي بالصحه والسلامه بعد اذنك اشوف حوريا
سحر : مع انه عيب ترفض عزومه من حد و انتا صعيدي و عارف بس علشان بنت خالك اتفضل
انا : شكرا
مشيت و رجعت تاني التربيزه
حوريا : هيا الست دي عايزه منك ايه
مروه : ايوه ست غريبه يعني تعتذر ماشي علشان سمعه المكان لكن تبعت الغدا و ده علشان القهوه طيب هيا طبلتك ليه
انا : ايه جو المحقق كونان ده
مروه : اصل غريب يعني
انا : لا عادي مفيش اي مشكله ست و عايزه تتعرف عليا
مروه : ايوه ليه
انا : (بزعيق علشان انا مش معايا ايجابه السؤال ده) معرفش اروح اسأل الست انتي عايزه تتعرفي عليا ليه
مروه : (سكتت و بصت قدمها)
حوريا : انتا متنرفز ليه
انا : من امته بتنرفز غير لما حد ينرفزني
حوريا : طيب خلاص اهدي
قعدنا نتفرج على العرض و بعد كده روجعنا الشاليه و انا ساكت مش بتكلم مع حد خالص دخلت الشاليه و طلعت الاوضه بتعتي غيرت هدومي و نزلت تحت قعدت قدام التلفزيون اتفرج على فيلم و بعد شويه طلعت مروه و هيا لبسه شورط و تي شرت فضخين جسمها و قعدت جنبي مسك الرمود و جابت قناه عليها فيلم كرتون
انا : ايه ده
مروه : انا عايزه ده
انا : ماشي بس من الزوق في حد بيتفرج نحترمه وله ايه
مروه : ماشي نحترمه بس انا بحب الفيلم ده
انا : طيب اتطلبي بأدب كده رخامه
سبتها و طلعت الجنينه اولع سيجاره و الجو حلو و مسترخي خالص
في مشهد آخر
سحر دخلت الفيلا بتعتها و كان في واحد قاعد جوه
شخص : اخرتي يعني
سحر : (بقرف) و انتا مالك
شخص : لالا عيب انا خال البنات اخوكي ردي عليا كويس
سحر : انا ارد زي ما انا عايزه وله فاكر نفسك مين
شخص : الوريث متنسيش انك لوحدك و انا لزم اكون موجود
سحر : تبقي مجنون فوق يا عمر انا مش سحر بتاعت زمان خلاص انسي
عمر : مش سحر بتاعت زمان اممممم بصي يا سحر علشان نكون وضعين انا باخد الي انا عايزه ديمن و زي ما قولت في الاول القريه دي ها خدها
عمر : انتا ايه يا اخي مش بتشبع
عمر : (ببرود) لا معاكي يومين ورق القريه دي يكون عندي و ده لي مصلحتك المره الجيه ها تزعلي و مش ها طلب بلطف ها يكون على جثه واحده من البنات زي ما اخدت ورثي على جثه جوزك يا سحر سلام يا بنت ابويا
طلع عمر من الفيلا و دخل خليل
سحر : خليل
خليل : ايوه يا هانم
سحر : ها نأخر التنفيذ شويه
خليل : حصل
المشهد الريسي
تاني يوم رحنا الرحله البحريه و عدي اسبوع في الاسبوع ده اتقبلت مع سحر كام مره و بس و بعدها جهزنا نفسنا علشان نسافر قبلها رحت المكتب لي سحر
سحر : مازن عامل ايه
انا : تمام يا هانم انا بس كنت جايب هديه على الاستقبال الممتاز
سحر : (سابت القلم الي في ايدها) ليه هو انتا مسافر
انا : الاسبوع خلص
سحر : طيب انتا ممكن تمد كمان مده
انا : مش ها ينفع
سحر : ليه هو انتا مش قولت اني الاستقبال عجبك و كمان الإقامة خلاص اقعد
انا : الاسف المكان هنا جميل جدا بس انا عندي شغل كتير و لزم اسافر اخلصه
سحر : يعني وسط شغلك مينفعش تاخد إجازة
انا : انا اخدت خلاص نرجع لي الشغل اتفضلي (ادتها علبه خشب مكتوب عليها الملكي)
سحر : (فتحت العلبه كان فيها عدت قهوه نحاس و كمان كيلو بن من النوع الملكي طلبته من يسري و هو بعته في شحن) امممم بن الملكي بس ده كتير
انا : لا مش كتير الاستقبال و الإقامة كانه حاجه شيك لزم يكون قدمها هديه شيك
سحر : (بصت لي الهديه شويه) هديه مقبوله بس لو نزلت في القريه دي او اي قريه تانيه شيله اسم الخديوي اديهم الكرت ده (عطتني كرت زي بتاع الفيزا)
انا : انا مش جايب الهديه علشان اخد هديه
سحر : الكرت ده هديه علشان تيجي تردها و اتشرف بيك تاني
انا : (اخدت الكرت) ماشي يا سحر هانم بعد اذنك
سحر : (قامت وصلتني لحد الباب) شرفت يا مازن
طلعت بره المكتب و نزلت تحت ركبت العربيه و طلعنا من القريه و مسكنا الطريق بعد 15 ساعه وصلنا البلد وصلت مروه لحد بيتها و حوريا كمان و رجعت البيت كانت الساعه سبعه الصبح كانت امي صحيه سلمت عليها
امي : حمدله على السلامه يا حبيبي
انا :..... يسلمك يا امي
امي : قولي كنته فين اسم القريه ايه و كانت حلوه وله لا
انا : لا كانت حلوه ممكن نروح هناك الصيف الجي مع بعض
امي : ماشي كويس انك مبسوط يله ادخل نام شويه
انا : لا انام ايه عندي شغل لزم انزله
امي : و انتا كده شكلك تعبان
انا : هدخل اشرب قهوه افوق و انزل
امي : يابني بيع البن بيكسب و كل حاجه و انتا بتحبه عرفه بس مش صحي كتره و بعدين انتا لسه عامل عمليه في القلب (عملت عمليه كوي بموجات الرديم في القلب)
انا : يا ام جمال انا تمام و صحتي تمام غير كده انا قلبي تمام دلوقتي
امي : انا خيفه عليك
انا : انا تمام متخفيش عليا
قومت دخلت المطبخ طلعت بن امريكي اقوي بن في العالم يديك طاقه و بور 24 ساعه كملين و يتعمل منه كميه صغيره خالص عملت كبايه صغيره و طلعت فوق السطح عملين قعده فوق قعدت ولعت سيجاره و قلبت في التلفون شويه لحد الساعه تسعه ونص لقيت نفسي زهقان نزلت فتحت المحل و شوفت الاردارت الي موجوده و بدأت اعمل الخلطات وصل جمال لقي المحل مفتوح
جمال : ايه يابني انتا هنا بتعمل ايه
انا : (طفيت السيجاره علشان دخل) مفيش قولت انزل اشوف الشغل
جمال : كنت اخدت النهارده راحه
انا : انا نزلت علشان الخلاطات و كده قربت تخلص
جمال : طيب تعاله نتحاسب
انا : حساب ايه بس عيب
جمال : مفيش عيب ده شغلك يله انا خايف اكون لغبط الدنيا
انا : طيب (قعدنا اتحاسبنا و جمال من و هو صغير و الرزق يجري وره زمان لو مشي في الشارع ممكن يلقي الف جنيه وقعه كان يرجعها و يرزق باكتر منها طول عمره مرزق) تمام يا جيمي امسك ده البن
جمال : انتا سمعت كلام سما دي بتهزر
انا : لا مش زعلان منها سما دي اختي الكبيره
جمال : طيب يا ميزو ماشي انا
انا : ماشي يا جيمي سلام
مشي جمال و انا كملت اليوم بالزق و بعد كده رجعت البيت انام من التعب من التعب نمت بهدومي كلها حتي الجزمه صحيت الصبح بالعافيه عايز اكمل تاني يوم بس ضغط على نفسي و قومت اخدت دش و نزلت الشغل فضلت كده شهر كمل لحد امتحانات الثانويه دي للمره الربعه دخلت و انا رميها خالص مش فرقه قعدت في الامتحانات شهر و بعدها بمده طلعت النتيجه كنت مش مهتم اعرف النتيجه
يسري : استاذ مازن
انا : ايه يا يسري
يسري : نتيجه الثانويه طلعت
انا : طيب
يسري : طيب مش تروح تشوف النتيجه
انا : لا
يسري : ليه طيب
انا : علشان مش فرقه انجح اسقط كلها محصله بعضها سيبك من النتيجه و خلينا في الشغل
يسري : بعتنا الاردرات الي ريحه قنا في الشحن بس انا عندي فكره حلوه
انا : فكره ايه
يسري : نجيب عربيه صندوق و نشتغل في التسويق احسن من الشغل القطاعي بالطلب ده
انا : هيا فكره يا يسري بس الي بيوزع بياخد بن من بره مصر و انا مش حمل الاستيراد و الجو ده مكلف اكتر بكتير من شغلنا ده و بعدين دي مجازفه كبيره مش معدها دلوقتي بس في الحسبان
يسري : ماشي
انا : (تلفوني رن) الو يا جيمي
جمال: الحقني يا مازن
انا : في ايه
جمال : امك وقعت في البيت و مش عرفين نفوقها
انا : (عرفت اني امي جابت النتيجه زي كل سنه و تعبت) طيب يا جمال انا جي اقفل (قفلت مع جمال) يسري خلي بالك من المكان و خد المفتاح اقفل انتا سلام
يسري : سلام
طلعت من المحل اخدت تاكسي لحد البيت دخلت اجري فتحت الباب كان في فرقعه و جليتر كتير
امي : الف مبروك يا حبيبي
انا : انتي كويسه
امي : طبعا كويسه و فرحانه كمان
انا : ايه الي حصل
جمال : نجحت يا ميزو
انا : نجحت؟؟؟؟؟
جمال : ايوه جبت النتيجه بتعتك و طلعت ناجح صافي
انا : بجد
جمال : ايوه يا سيدي نجحت
امي : (دمعها على وشها من الفرحه) بص مش مهم المجموع لو مفيش كليه او معهد هنا ياخدك روح ادرس بره مش مهم
انا : (اخدتها في حضني و انا فرحان الي ربنا نصرني بجد فرحه كبيره) مش مهم الكليه المهم اني نجحت
امي : يا حبيبي فرحت بيك
قضيت اليوم مع امي و جمال و سما و محمود مظهرش خالص و انا مش شايف انها غريبه عنه طول عمره كده و جيه اعمامي و اخوالي يبركه ليا و تاني يوم نزلت الشغل كان يسري فاتح بارك ليا و احنا قعدنا في الشغل لحد المغرب و الليل جيه و لقيت عربيه بي ام مديل السنه وقفت قدام المحل و نزل منها سحر هانم و دخلت المحل انا كنت عطيها ضهري و مركز في الخلاطات و المطحنة
سحر : مساء الخير يا مازن
انا : (لفيت ليها و انا مستغرب) سحر هانم
سحر : عامل ايه
انا : (عسلت ايدي من الشغل و لفيت من البار) تمام كويس حضرتك الي عمله ايه
سحر : انا تمام ايه مش ها تقولي اتفضلي
انا : ايه لا اتفضلي طبعا
قعدنا على البار
سحر : عامل ايه يا مازن
انا : انا كويس حضرتك الي عمله ايه و اسف بتعملي ايه في المنيا
سحر : مفيش جيت على بالي قولت اعدي اسلم
انا : نعم تيجي من شرم لي هنا تسلمي عليها
سحر : باين اني بكذب صح
انا : الصراحه ايوه
سحر : هههههه لا بس الصراحه كنت في اسوان بشوف الشغل في الفندق هناك بالصدفه مدير الفندق طلع بياخد بن ليه من عندك فا جيت على بالي قولت اعدي اسلم
انا : انتي مشرفاني يا سحر هانم تشربي ايه
سحر : بن محل بن هاشرب ايه اكيد بن
انا : ههههه لا مش بن بس في مشروبات تاني لو حضرتك عايزه في عصاير و كلها فرش
سحر : لا من بعد البن بتاعك مش هاشرب غيره
انا : طيب نشرب بن
سحر : ممكن نشربه في البيت عندك اتعرف على ولدتك وله انتا شايف اني مش قد المقام
انا : لا ازي مش قد المقام احنا نتشرف طبعا اتفضلي
قومت معاها و بعت رساله لي امي اني جي البيت و معايا ضيوف تعمل حسبها و كلمت مونجيني يبعت حلويات على البيت وصلنا
امي : فين الضيوف يا ميزو
انا : احب اعرفك يا ماما على سحر هانم الخديوي سحر هانم دي امي امل
امي : (بصت ليا و لي سحر و ابتسمت) اه اهلا يا هانم
سحر : اهلا يا مدام
انا : اتفضلي يا سحر هانم اتفضلي
سحر : شكرا
دخلنا قعدنا في الصالون و امي مش من محبي الشغالين في البيت فا كل حاجه هيا الي بتعملها عملت القهوه و رجعت كان جمال و سما نزله من فوق و محمود طلع من الاوضه بتعته
سما : و حضرتك تعرفي مازن منين
سحر : كان نازل في القريه بتعتي في شرم عمل مشكله مع المدير فا اتكلمت معاه و حلتها
امي : صدفه
سحر : اه صدفه بس صدفه جميله اني اتعرفت على شاب محترم زيه عرفتي تربي يا امل هانم
امي : شكرا
سحر : الف مبروك النجاح يا مازن
انا : حضرتك عرفتي منين
سحر : من الفيس بوك
محمود : (بستهزاء) نجاح ايه الي 50٪
سحر : (مبتسمه وبصه لي محمود) نصيب يا محمود
امي : الجو هنا حر اوي
انا : اشغلك التكيف
امي : لا مش بحبها البتاع ده مفيش احلي من الهوا الطبيعي على فكره يا سحر هانم مازن عامل قعده فوق البيت تحفه تحبي تشوفيها و نتكلم شويه
سحر : اوي اوي احب طبعا
امي : اتفضلي خليكم هنا يا اولاد ده كلام ستات
انا : (مش فاهم هيا عايزه سحر في ايه و ايه كلام الستات) ماشي يا امي
امي : اتفضلي يا هانم
سحر : من بعدك
طلعت سحر مع امي فوق السطح و نورت النور دخلت سحر الأول و بعدها امي قفلت الباب ورها بالمفتاح
سحر : عندك حق الهوا هنا حلو يا امل
امي : انتي جيه ليه
سحر : علشان مازن
امي : عايزه ايه من ابني
سحر : ابنك منين يا امل
امي : انته اتقابلته ازي
سحر : صدفه
امي : (اتنرفزت) صدفه
سحر : ايوه و بعدين ايه المشكله
امي : مش ها سمحلك تخديه
سحر : امل انتي نسيتي ده ابني
امي : ابنك كنتي فين انتي لما ابنك كان بردان كان تعبان كان عيان انا الي كنت معاه مش انتي تقولي ابنك كنتي فين لما يسخن و يتعب كنتي فين لما دخل عمل العمليه بتعته انتي عمرك ما كنتي امه مستحيل اوفق انك تخديه
سحر : انتي مش عرفه انا كنت في ايه وله عملت ايه يا امل مازن ابني (مسكت امي من رقبتها و بتخنقها) و عندي استعداد اقتل صحبه عمري علشان ابني مش ها تفرق امل ابني هاخده يعني هاخده ماشي
سابت امي و فتحت الباب و نزلت من على السلم
انا : حضرتك رايحه فين
سحر : (مبتسمه) معلش يا حبيبي لزم امشي علشان عندي شغل ها نتقابل تاني متخفش
انا : (وصلتها لحد ما ركبت عربيتها) شرفتينا يا سحر هانم
سحر : (وشها احمر مش عارف من ايه) الشرف ليا انا يا مازن سلام
مشيت سحر و طلعت فوق البيت دخلت كانت امي قعده سكته
محمود : بس حلوه سحر رغم اني سنها كبير بس بطل اتجوزها يا مازن كام سنه و تموت و تورثها دي عندها قريه سياحيه
انا : (بصوت عالي) انتا امته ها تبطل وساخه
محمود : ده الي هو انا صح
انا : ايوه انتا مش قادر تصدق ليه
محمود : علشان انتا عيل زباله لفيت على فريده مرات ابن عمك زمان تتسلي بيها و لما هيا فكرت تتجوز جريت عليه الفت قصه عبيطه كل ده علشان طمعنا في فلوسها و فلوس ابوها و اديك جايب واحده قد امك تتجوزها علشان تصرف عليك مش ها تبطل وساخه طول عمرك وسخ يا مازن طول عمرك علشان كده.... مش راضي عنك و عمرك ما ها تكسب ابدا
انا : (باصص لي محمود و مش قادر اصدق هو ازي يصدق عليا الكلام ده حكايه فريده انا مظلوم فيها و هو مش مصدق ليه انا اخوه و عمري ما كنت واحش معاه مش عارف ايه الي حصل خلاني اضربه قلم يفوقه يمكن يفوق) انا الي وسخ يا حيوان
جمال : (قام في النص بنا) ايه ها تمده ايدكم على بعض و انا قاعد بلاش انا امك الي قعده دي
محمود : هو الي وسخ يا جمال و بيمد ايده عليا لا راجل راجل يعني بكره اجي ابارك ليك على جوازك من الهانم قصدي فلوس الهانم يمكن تنظفك
يتبع.......
الفصل الثالث
محمود : اديني ساكت لما نشوف الوسخ
امي : (بصوت عالي سكت الكل) بس بس مش عايزه صوت هنا
محمود : انتي مش شايفه الي بيعمله ابنك
امي : انا شيفه كلامك انتا الي زي السم ده اخوك الكبير ازي تصدق كلام الكل و تكذبه اخوك الكبير صادق
محمود : ليه نبي وله ****
امي : لا اخوك الكبير
انا : الباشا ابن عمك الي انتا خايف عليه و زعلان زق عليا واحد صحبي هو الي معرفني عليه علشان يطلبي في قعده ضرب المفروض اكون قايم منها على ايد اخوك جمال او حد من اعمامك لو مكنش ابوه الي لحقني منه هو محمد ابن خالتك عرف و جالي اخدني و اخد الواد في شنطه العربيه على المزرعه و خلي الغفر ينزله فيه ضرب لحد ما اعترف صورته بس انا محكتش لي حد لحد ما بنت عمك المخلصة جت هنا و دخلت الاوضه بتعتك و مسحت الفيديو من على تلفوني و مبقاش معايا دليل و سعتها مرات عمك المصون شورت عليا اني مجنون و اديني بناخد علاج مرضي نفسين علشان بس الباشا يعيش في انجلترا و يركب للامبورجيني بفلوس حماه شوفت يا ابن ابويا و امي
محمود : شكلك عايز تاخد الدوا انتا مريض كل الناس في مأمره عليك انتا
انا : محمد ابن خالتك لسه عايش روح اسأل
امي : قولي يا ابني
