القصه دي بتتكلم عن البدايه البدايه هي الاساس ولكل حاجه بدايه الحب او الكره او الحزن او الفرح في القصه دي ها نشوف بدايه لي شاب اسمه ايهاب المحمدي هو شاب زي اي شاب فجأه يعدي في منطقه كلها ضرب نار مش بالمعني الحرفي لا بالمعني المجازي
بدايه الفصل
ايهاب : (انا شاب في ثانية كليه تجاره شكلي عادي قمحي وعريض مش تخين شبه اغلب الشباب في سنه)
جمال : (ابو ايهاب عنده حاجه وخمسين سنه موظف حكومه علي قده وساكن في بولاق )
حنان : (ام ايهاب ست زي أي ست مصريه عندها حاجه وخمسين سنه ست بيت)
مروه: ( اخت ايهاب الصغيره اصغر من ايهاب في الثانويه العامه جميله جدا )
كونت راجع امبارح من الشغل ومرهق دخلت نمت وصحيت علي مروه اختي
مروه : ايهاب يابوب اصحي
انا : في ايه
مروه : عندك كليه اصحي
انا : لا مش رايح
مروه : قوم يله بطل كسل
انا : حاضر اطلعي وانا جي
قومت دخلت الحمام اخد دش ورجعت تاني الاوضه البس ومروه دخلت عليا
مروه : خود(بتديني سندوتشات افطر بيها علشان صحي بدري و نزل الشغل)افطر
انا : تسلم يا قمر بقولك ايه (بشاور علي كيس) افتحيه
مروه : (مسكت الكيس ولقت فيه قميص وبنطلون جنز وكوتشي) ايه ده
انا : دول ليكي كول شهر وانتي طيبه
مروه : انتا قبضت امبارح
انا : ايوه
موره : هو علي طول كده انا عندي لبس ملبستهوش
انا : لا البسي براحتك خودي (اديتها الف جنيه كده من المرتب) المصروف خليهم معاكي
مروه : علي فكره ده كتير جدا بجد
انا : هو انا غريب ده انا اخوكي يله عايز البس وانزل
لبست وطلعت من الاوضه لقيت مروه فرحانه جدا بالبس ده انا كونت بشتغل في مصنع ملابس كجول كل شهر من المرتب اجبلها طقم علي بعضه هو بيكون غالي بس انا بخده ارخص من الجمله اتعودت اعمل كده رغم اني الوضع المادي بتاعي كان وحش بس دي بنت في سن المرهقه خايف تعمل حاجه غلط علشان تجيب فلوس وانا بخاف عليها اوي الصراحه ركبت الميكروباص واصلت جامعه القاهره ودخلت جوه لقيت عماد صحبي هناك
عماد : (شاب صاحب ايهاب من بدايه اوله ثانوي وهما مع بعض ابوه متوفي عنده اختين بنات الكبيره سناء ودي عندها حاجه وثلاثون سنه وبتدير الشركه بتاعتهم في مجال الهندسه المعماريه والمقولات والصغيره منه معاهم في الكليه) ايه يابوب
انا : ايه يابني مش ترن عليا اصحي الصبح
عماد : انتا روحت امبارح متأخر قولت مش ها تصحي بدري ابدا وتقلنا امبارح
منه : (اخت عماد اصغر منه بي سنه بس عماد اساس صقيت بنت كده زي القشطه جميله وظريف جدا وروحها مرحه) تقللتم في ايه انشاء.....
عماد : في السهر طبعاً وله ايه
انا : وله اه هات سيجاره
عماد : خد
منه : بلاش سجاير انا بتخنق
انا : لا انا لسه ما فوقتش وعايز اشربها بي مزاج
منه : (قامت) ماشي ياخويه مزاج
مشيت منه وقاعت مع عماد
عماد : انتا ليه ديقتها
انا : مش عايز صداع من اختك كونتم مع مين وبتعمله ايه وازي مش عايز وجع دماغ
عماد : طيب روان بتدور عليك وهاتعلقك
انا : (شنقت وانا بشرب مايه من القزازه) ايه
عماد : خلص الليله دي مع روان بدل الحورات دي علشان متخسرش
انا : ياعم فكك منها انا هاعرف اخلص من الوش ده بقولك ايه انا هادخل المحاضره تيجي
عمال : لا انا قاعد مش حاضر
انا : ماشي
سبت عماد و رحت المحاضره الدكتور عمل امتحان مفاجأ عليه أعمال السنه خلصت و طلعت بره لقيت منه جيه عليا
منه : يا بوب
انا : ايه يا منه
منه : روان بتدور عليك اهي جيه علينا
روان : (بنت معايا في الجامعه في علاقه بيني و بنها كنت بحبها جسمها كرفي و شعرها قصير) صباح الخير يا ايهاب صباح الخير يا منه
منه : صباح النور
روان : فين عماد يا منه
منه : مش عارفه
روان : طيب بعد اذنك ممكن تشوفيه هو فين علشان عايزه
منه : ماشي
مشيت منه
روان : إيهاب عايزه اكلمك
انا : احنا اهو بنتكلم
روان : طيب نتكلم لوحدنا احنا وسط الناس اتحرك معايا معلش
انا : طيب
اتحركت معاها لحد العربيه بتعتها ركبنا
روان : ايهاب انتا بتتهرب مني
انا : لو بهرب منك مش ها خاف و اقول عادي
روان : طيب في ايه مش بترد عليا
انا : انتي شيفه انه عادي الي عملتيه
روان : انا ذنبي ايه بابا هو الي اجبرني
انا : اجبرك علي ايه ها انك تقعد معاه بصي يا روان الي اجبرك عليه ابوكي ده واد في اكاديميه الشرطه و ابوه رجل أعمال كبير جدا بصي العلاقه دي كويسه جدا و من مستواكي وافقي عليا
روان : بس انا بحبك انتا
انا : بعد شهر خروج و فسح مع الواد جيه تقولي انك بتحبيني انا ههههههههههههه دحكتيني بصي يا روان انتي ليكي في زمتي ساعه هديه و هيا الوحيده الي جبتيها ليا تخديها وكده نبقي زي ما دخلنا بالمعروف نخرج بالمعروف بلاش نجرح في بعض و انا بعتبر نفسي معزوم على الفرح بتعكم انا صاحب العروسه سلام
نزلت من العربيه و رحت الجنينه و قعدت فيها بفكر في حبي لي روان ازي كنت عبيط كده ازي احب الهانم بنت المستشار بنت الحسب و النسب ازي انا كنت مغفل كده بس محدش بيتعلم ببلاش كله بيجري علي مصلحته و هيا مصلحتها معاه خلاص بقي زهقت من القعده و قولت اروح البيت وصلت لقيت ابويا جوه
انا : ايه يا حج راجع بدري كده
ابويا : تعبت شويه في الشغل قولت اروح
انا : الف سلاه يا غالي قولي بس ايه الي تعبك
ابويا : مش عارف يابني جتلي نغزه في القلب
انا : طيب تحب نروح لي دكتور وله حاجه
ابويا : لا يا حبيبي مش محتاجه النغزه دي جتلي من يوم ما اتولدت انتا و اختك (حط ايده على ايدي شويه و ابتسم) قولي ايه الي مديقك
انا : لا مفيش حاجه انا تمام
ابويا : مش ها تبطل كذب طيب براحتك لما تحب تحكي ابقي قولي انا ديمن فاضي اسمعك
انا : (بوست ايده).... يخليك ليا يا حج اقوم اغير هدومي و انزل الشغل عايز حاجه
ابويا : لا يا حبيبي تروح و ترجع بالسلامه
سبت ابويا و دخلت الاوضه بتعتي غيرت هدومي و لبست هدوم الشغل و نزلت رحت المصنع قولت اهلك نفسي في الشغل بدل ما اهلك نفسي في التفكير في روان خدت ورديه زياده لحد الساعه 1 بليل طلعت من المصنع ولقيت عماد واقف بره بعربيته
عماد : ايه يابني اختفيت فجأه
انا : معلش كان عندي شغل قولت اروح
عماد : طيب اركب
انا : (ركبت جنبه العربيه)
عماد : (طلع سجارتين حشيش انا كنت بشرب انا و هو بس خفيف خالص) بقولك عايزك في خدمه محدش ها يعرف يعملها غيرك انتا
انا : عيني ليك يا اخويا
عماد : منه اختي عايزه حد يذاكر ليها وانتا عارف انا خلقي ديق و بخاف من داين و مدين بيطلعه في احلامي (الي ميعرفش داين و مدين فا هيا اساس المحاسبه و هيا فعلاً بتطلع في احلام الطلبه انا مجرب بنفسي)
انا: طيب ابقي اشوف يوم فاضي
عماد : يوم فاضي ايه دي عندها امتحان محاسبه متوسطه بكره و احمد حافظ رخم وانتا عارف انتا الوحيد الي فاهم دماغه في الامتحانات
انا : طيب يا عماد ماشي
عماد : (تلفونه رن و كانت روان رد عليها و فتح السبيكر) الو يا روان
روان : الو يا عماد عامل ايه
عماد : كويس انتي عمله ايه
روان : مش كويسه خالص يا عماد
عماد : ليه بس قولي
روان : في مشكله مع ايهاب
عماد :انا سمعت اني في مشاكل بنكم بس ايه هيا معرفش
روان : (حكت كل حاجه لي عماد) بس مش عارفه اعمل ايه انا عايزه اصلحه
عماد : يعني انتي عملتي كل ده و عايزه تصلحيه انتي عبيطه
روان : ليه يا عماد
عماد : انتي خونتي الواد و عايزه اقولك ايه لا انتي كده عبيطه بقولك ايه يا روان ايهاب كان بيحبك قوي الي انتي عملتيه ده ها يدمر الواد ابعدي عنه يا روان كفايه كده (قفل السكه في وشها و بص قدامه) بص انا مليش اقولك اعمل ايه و متعملش ايه بس حاول هيا عايزه ترجع ليك و كلنا بنغلط
انا : عماد مش كده
عماد : هيا عايزك انا بس هزأتها علشان الموضوع مستفز بس خلاص بقي عادي غلطه و بتقول ابوها اجبرها علي كده
انا : ابوها ده اجبرها علي ضابط و ابن راجل أعمال تقيل جدا و هيا بنت قاضي في مجلس الدوله المرشح يكون وزير العدل دي حرب خسرانه هما اقوي مني بكتير وانتا زي ما انتا شايف اشتغلت في كل حاجه علشان اصرف علي نفسي و اخف شويه عن ابويا انتا عارف عمري ما دخلت حرب خسرانه
عماد : طيب روقك و خلاص انا اديتك النصيحه انتي ادري اعمل بيها الي انتا عايزه
انا : يله بس نخلص مشوار اختك ده يله
اتحركنا من قدام المصنع و رحنا علي الفيلا بتعتها وصلنا كانت امه قاعده اسمها وفاء
وفاء : (ست أرستقراطية بنت ناس بس ست زي العسل وطيبه جدا و بتحبني جدا) ايه ده ايهاب باشا عندنا
انا : ازيك يا فوفا عمله ايه
وفاء : كويسه يا عين فوفا كل ده متسألش عليا يا واطي
انا: معلش بقي مشاغل يا قمر
وفاء : طيب قولي اخبار البنات ايه في الكليه بتعتك ها اوعي تكون زي الموكوس ابني
انا : لا لو دي اسألي فيها الموكوس
وفاء : ههههههه عارفه انك انتا الي موكوس مش هو يابني عيش شبابك اعرف واحد و اتنين و تلاته الايام دي مش ها تتكرر
عماد : نقفل النقاش ده اقعد لحد ما انادم منه
طلع عماد ونزل مع منه و هيا كانت محلويه قوي النهارده دخلنا اوضه السفره بس خلتهم يسيبه الباب مفتوح قعدت اشرح ليها لحد ما خلصنا و طلعنا
وفاء : ها يا ايهاب حققت المعجزه و فهمت
انا : لا منة ذكيه جدا
منة : شوفتي طلعت ذكيه
انا : جدا العقارات اصول ثابته وله متداوله
منة : ها متداوله
انا : مبروك السقوط يا بنتي ثابته
منة : خلاص ثابته
انا :انا كده اطمنت يله يابني وصلني
طلع معايا عماد وصلني لحد البيت طلعت فوق دخلت الشقه و عديت من جنب اوضه ابويا و امي سعت النقاش ده
ابويا : مش فتحي كلمني النهارده
امي :و عايز ايه ده
ابويا : عايزني اروح ازورهم انا و الاولاد
امي :بلاش يا جمال مش عايزنهم يفهمه الزياره دي طمع
ابويا : انا مش طمعان في حاجه غير اني اشوفهم خايف قوي يا حنان حاسس اني ها موت قريب و عايز اشوف امي
امي : بلاش الكلام ده تموت ايه انتا لسه في عز شبابك و ها تفضل عايش لحد ما تجوز البنت و الواد و تشوف حافدهم كمان
ابويا : مش عارف يا حنان انا النهارده كذبت على ايهاب لما سألني انتا تعبان من ايه لو عرف اني اغمي عليا في الشغل ها يتخض عليا قوي
امي : بص بلاش تحسبها سبها على الستار
خلص النقاش وانا مشيت الصراحه انا شخصيه فضوليا جدا دخلت الاوضه ونمت و تاني يوم نفس الي حصل امبارح اختي صحتني فطرت و نزلت الجامعه و هيا طلعت على المدرسه بتعتها خلص تابور الصبح و طلعه الفصول واحده صحبتها قعدت معاها اسمها سحر
سحر : بقولك ايه يا مارو
مروه : عيوني
سحر : الواد سامي الي معانا في درس الجغرافيا
مروه : ماله
سحر : شوفتي الواد قمر ازي
مروه : وبعدين
سحر : بصي انا و هو اصحاب و كان كلمني انه معجب بيكي و عايز يتعرف عليكي
مروه : (ابتسمت الانها افتكرت كلمه كنت قولتها ليها زمان (في اصحاب تدخلك في الخير و في اصحاب تدخلك في الشر و الشاطر الي عرف الفرق)) بصي يا سحر انا مليش في الجو ده
سحر : ليه بس بصي اي ست بتكون محتاجه لي راجل شاب معاها
مروه : مش انا انا مليش في الجو ده
سحر : طيب بصي (فتحت التلفون و طلعت صوره تلفون ايفون) شوفتي الهديه الي كان جيبها لي صحبته القديمه و بعدين انتي كان نفسك في ايفون صح
مروه : ده سبب ادعي اني ارفض بصي يا سحر انا بنت عاديه من اسره فقيره بس ابويا و اخويا علموني اني ارفض اي حاجه غلط مش علشان حاجه نفسي فيها اعمل حاجه غلط
سحر : بس
مروه : (بحده في الكلام) سحر بلاش نتكلم في الموضوع ده علشان مخدش عنك فكره غلط يله المستر دخل
المشهد الريسي
وصلت الجامعه و خلصت المحاضرات و قعدت شويه مع عماد و لقيت روان جيه علينا
روان : ايهاب عايزه اتكلم معاك لوحدنا
منة : (دخلت علينا و كان في حاجه متغيره فعلاً لبسه لبس مش اسلوبها هيا بتلبس كويس و كل حاجه بس ده مش لبس تحس انه غفير بشنب لا لبسه كا انثي) صباح الخير
روان : ايهاب قوم معايا
انا: (شورت ليها بصباعي تسكت و كلمت منه) ايه الشياكه دي كلها يا منة شكلك قمر
منة : (ابتسمت بكسوف) شكرا يا ايهاب
روان : بقولك عايزه اكلمك
انا : (بصيت لي روان ببرود و بنظره عين جامده و قومت و في ايدي علبه) اتفضلي الساعه بتعتك افتحيها و شوفيها روان كل الي بنا انتهي اتفضلي و دي نهايه كلها اخلاق
رجعت اقعد مكاني و روان مشيت و هيا بصه في الارض
انا : منه معاد المحاضره بداء الحقيها
منه : ها اه ماشي سلام
طلعت منة و انا قلبت وشي
عماد : قولي يا ايهاب انتا مصتبح
انا : لا
عماد : اصلك عاكست اختي لو انتا شارب قول عادي
انا : (خدت نفس) لا مش شارب و ايوه عاكست اختك و قدامك وده درس ليك علشان تتعلم
عماد : (بغضب) اتعلم ايه انتا مجنون ازي تعمل كده
انا : تتعلم اني لما تلقيني قفلت حور متفتحهوش انتا انتا قولت لي روان تيجي و تقعد تتكلم معايا و انا قولتلك امبارح اقفل الموضوع ده خالص حصل وله لا
عماد : حصل بس
انا :مفيش بس اسمع يا عماد لو كلامي لي اختك جرح كرامتك فا حركتك دي فتحت جرح و حطت عليه ملح وجعتني قوي يا صحبي هيا دلوقتي فكره اني انا الي عملت الحوار علشان ارجع ليها فهمت انتا وجعتني ازي
عماد : (بص في الارض و رجع بص ليا تاني) انا محسبتهاش كده
انا : بس هيا حسبتها كده
وانا بتكلم مع عماد في رقم غريب عمال يرن عليا وانا مش برد لحد ما زهقت و رديت
انا : الو مين
شخص : ايهاب جمال معايا
انا : ايوه انا مين معايا
شخص : انا مصلحي يا ايهاب صاحب ابوك في الشغل
انا : اه اهلا يا عمي خير
مصلحي : الحاج تعبان شويه تعاله علي مستشفي........
انا :انا جي جي سلام
قفلت معاه
عماد :في ايه
انا : ابويا تعب و دخل المستشفي
عماد :طيب انا جي معاك
طلعنا ركبنا العربيه و رحنا المستشفي لقيت امي و معاها اختي دخلت جوه الاوضه لقي ابويا نايم على سرير و متوصل بي اجهزه
ابويا : (بيتكلم بصعوبه شديده) ايهاب
انا : (نزلت على رجلي جنب السرير و مسكت ايده) انا هنا يا ابويا
ابويا : إيهاب عايزك تدفني في البلد حنب اهلي
انا : بلاش الكلام ده يا بابا
ابويا : الكلام ده كان لزم من زمان اقوله خالي بالك من نفسك و من امك و اختك ها دول امانه انا سيبها معاك لحد ما اقبلك في الاخره
انا : (الدموع غلبتني) بلاش تقول كده انا مشبعتش منك بلاش تقول كده انا عايزك جنبي
ابويا : مش بايدي يابني خلاص قضي الامر
قطع النفس و الجهاز طلع صفاره طويله تعلن وفات ابي كانت صدمه كبيره جدا وله الاكبر جي طلعت بره الاوضه وسط بكاء هستيري من امي و اختي وانا بحاول اكون متماسك بس دموعي غلبتني بعد وقت انا مش حاسس به لقيت ناس دخله عليا لبسين جلاليب فلاحي و في واحد منهم
شخص : البقاء..... يا ايهاب يا ولدي انا عمك فتحي اخو المرحوم ناوي علي ايه يا ولدي
انا : في ايه
فتحي : في الدفن
انا : ابويا وصي انه يدفن في البلد
فتحي : عداك العيب يا ولدي كريم
كريم : ايوه يا عمي
فتحي :روح خلص الإجراءات بسرعه اوعي عمك ينزل تلاجه
كريم : حصل ياعمي
مشي الشاب ده و رجع بعد نصف ساعه
كريم : حصل يا عمي
فتحي : (حط ايده علي كتفي) محدش يعزيك يا ايهاب يله علشان ندفن
نزلت اول واحد و ركبت مع عماد و امي و اختي ركبه العربيه وانا واقف قدمها و الناس الي من اهل ابويا طلعين و شيلين النعش و انا واقف مصدوم لقيت واحد حط ايده على كتفي
شخص : انتا ايهاب جمال
انا : ايوه انا انتا مين
شخص : انا المقدم محمد سالم مباحث (شاور لي ناس معاه) خدوه علي البوكس
انا : خير يا باشا في ايه
محمد : ها تعرف في القسم يا روح امك
انا :طيب يا باشا انا ابويا توفي دلوقتي اديني وقتي ادفن و اجي لي حضرتك او لو تحب احضره الدفنه و انا معاكم
محمد : (بص ليا ببرود) لا
شدوني من الحزام بتاع البنطلون و محدش واخد باله كله ملهي في الخرجه ركبني البوكس و احركنا خطوتين و العربيه وقفت
الفصل ده الاول في السلسله الاوله لي البدايه في الفصل ده انا رسمت شويه خطوط عريضه لي القصه في الفصول الجيه ها تعرفه ليه اسمها البدايه و هيا بدايه ايه بالظبط و خليهم فكرين اي بدايه ليها نهايه
يتبع......
الفصل الثاني
البدايه ديمن مفرحه زي ما قاله فرحه البدايات و بعدها يجي الحزن الي هو خوازيق النهايه بس حياه ايهاب كانت خوازيق من اولها و لحد اقولكم اسبكم تعرفه النهايه لو خوازيق برده وله لا
بدايه الفصل
ابويا مات الراجل الي كان ساند ضهري في الدنيا مات الراجل الي كنت بحارب و بدخل في الدنيا بصدر واسع علشان هو معايا خلاص راح و مشي سبني في الدنيا بطولي كل الكلام ده جيه في دماغي وانا مسحوب لي البوكس زي الدبيحه مقدرش اقول حاجه علشان انا في صدمه كبيره جدا لحد ما البوكس وقف
الضابط : ابعد يا حيوان عن البوكس بدل ما ادوسك
فتحي : (ببرود واقف قدام البوكس) انتا تدوسني انا انتا مجنون
ضابط : (نزل و هو متنرفز) انتا مين انتا خدوه
فتحي : (بص لي الرجاله الي معاه يثبته) انا فتحي المحمدي (طلع تلفونه و رن على رقم و رد عليه) الو يا باشا..... واحد عايز ياخد ايهاب ابن اخويا..... طيب خد كلمه (مد التلفون) كلم
ضابط : (رد علي التلفون) ايوه انا الضابط محمد سالم....... تمام يا باشا....... ده سوء تفاهم.......
ايهاب باشا ها ينزل دلوقتي و يتقدم ليه اعتزار...... تمام يا معالي الباشا (عطي التلفون لي فتحي) اتفضل يا فتحي بيه نزله إيهاب بيه يا بني انتا و هو يله
نزلوني من البوكس
ضابط : احنا اسفين يا ايهاب بيه دي غلطه اكيد بلاغ كيدي و انا راجع القسم تاني و ها تابع مع الباشا الكبير و اعتبر المحضر اتقطع
فتحي : (حط ايده على كتفي و خدني معاه) يله يا ايهاب
مشيت معاه وانا مش عارف افكر وله اتكلم اليوم غريب و فيه حجت كتير غريبه من اوله لي اخره مش عارف افكر خالص ركبت العربيه مع عماد و امي و اختي و كلنا سكتين يا بنعيط ست سعات لحد ما وصلنا لي اسيوط بلد اسمها خان المحمدي دخلنا البلد وصلنا لي قصور مش بيوت لا مش جملها و شكلها الباهي تحفه كان في صوان مفتوح نزلت من العربيه و خدنا النعش و طلعنا على منطقه صحرا فيها مدافن دفنا و رجعنا تاني كان الوقت اتأخر تقريباً العشا وصلنا الصوان و كان الناس كلها من الاهل الي عرفته بعدين يعني
فتحي : بص يا ايهاب انا عارف اني اليوم غريب فجأه يطلع ليك اعمام و الحكومه تحاول تقبض عليك وداخل علي بلد انتا مش عارف فيها حد بس اطمن انا عمك اخو ابوك و لو القدر اتأخر يوم واحد بس انا كنت جيلكم النهارده بس شكلها كده نصيب يا ولدي اعرفك على عمك محمد و عمك عزت و عمك اشرف و عمك راضي ده جي من القاهره بكره و عمك ابراهيم تعاله ندخل جوه علشان ترتاح انتا وصحبك
عماد : اعزرني انا مش ها ينفع ابيت علشان البيت عندي لوحدهم
فتحي: ازي يابني انتا صاحب ايهاب يعني مش غريب
عماد : معلش يا حج سبني براحتي (خدني بالحضن) البقاء...... يا صحبي انا ها جيلك الصبح ماشي
انا : ماشي
عماد : سلام
مشي عماد وانا دخلت مع عمي فتحي قصر من القصور دي كان بيته
فتحي : تعاله يا إيهاب محدش غريب اعرفك على مرات عمك امينه
امينه : محدش يعزيك يا ولدي
فتحي : دي جدتك غنيمه
غنيمه : تعاله في حضني يا غالي يا ولد الغالي تعاليه يا ولدي
انا : (خدتها بالحضن)
فتحي : دي بنتي مي
مي : البقاء..... يا ايهاب
امي : (بدموع شديده) دفنت ابوك يا ايهاب دفنت الغالي
انا : (نزلت دموعي) دفنته يا امي دفنته
فتحي : تعاله يا ايهاب تعاله
غنيمه: روح مع عمك يا ولدي روح
رحت مع عمي طلعنا الدور التاني و فتح باب اوضه و دخلني
فتحي : انتا ها تبات هنا ماشي الاوضه بحمام خاص علشان تاخد راحتك في البيت ماشي
انا : (رديت وانا باصص في الارض و الحزن مالي قلبي) ماشي
فتحي : (رفع راسي لي فوق) بلاش تفكر كتير الي مات ارتاح و الي عايشين ها يعيشه في عزاب لو فضه بصين وراهم بص ديمن قدامك و الكلمه دي بتاعت ابوك قلها ليا لما جدك مات و من بعدها مفيش دمعه نزلت من عيني يله نام و ارتاح عندنا بكره يوم طويل
طلع فتحي من الاوضه وانا فضلت قاعد افتكرت ابويا بكيت كتير جدا لحد ما خلصت الدموع لقيت طقمين واحد بيتي و واحد خروج على السرير دخلت اخد دش و البيجامه لبستها و كانت علي مقاسي بالظبط نمت على السرير من التعب و الإرهاق صحيت تاني يوم على خبط على الباب قومت افتح لقيت واحده غريبه
انا : انتي مين
بنت : انا مي بنت عمك
انا : اه صحيح معلش يا مي لسه صاحي من النوم
مي : حصل خير بابا بيقولك خد دش و البس علشان الصوان بداء يتملي
انا : ماشي
قفلت الباب و دخلت الحماد اخد دش و لبست الطقم التاني و نزلت تحت قعدت في الصوان وسط الناس و عماد وصل بأمه و اخواته و خلص اليوم و التاني و الثالث خلاص ايام الصوان خلصت و اتشال في نفس اليوم الثالث
انا : ماما و اجهزي انتي و مروه علشان نرجع
غنيمه : ترجعه فين
انا : الشقه و ارجع كليتي و مروه تروح مدرستها
غنيمه : متقول حاجه يا فتحي
فتحي : اقول ايه يا امي ابن اخويا مش عايز يقعد يوم زياده يسمع حتي مني اي حاجه
انا : اسمع ايه
فتحي : طيب تعاله نتكلم لوحدنا شويه
انا : ماشي
رحنا المكتب بتاعه و اقل ما يقال عليه انه فخم جدا
فتحي : اقعد يا ايهاب اقعد
انا : ماشي (قعدت قدامه) خير يا عمي
فتحي : بص يا ايهاب في حكايه قديمه و لزم تعرفها
انا : ايه هيا
فتحي : زمان ابوك سافر القاهره علشان يكمل تعليم قعد اربع سنين و رجع بس في الفتره دي كان على علاقه بواحده كان بيحبها جدا طلب من جدك انه يتجوزها بس جدك رفض علشان هيا من اسكندريه و امها كانت اجنبيه ابوك كان مخه ناشف جدا فا اصر انه يتجوزها راح و اتقدم ليها ابوها طرده و وصل ابوها لي جدك يونس و الاتنين كانو شيفين اني الجوازه دي متنفعش بس ابوك صمم انه يتجوزها اتجوزها فعلا و سافره عاشه في القاهره بعدها جدك يونس و جدك محمد ابو امك قرره اني الاتنين مطرودين حرموهم من الميراث
انا : اممم يعني كل الكلام ده علشان تقولي احنا ملناش ورث صح خلاص مش مهم
فتحي : لا ليكم ورث جدك وصي اني ابوك يدفن جنبه في المدفن و بني مدفن مخصوص علشان يدفن لوحده فيه و محدش يدفن معاه غير ابوك جمال بس كان قاصد يقوله انك مش معايا في الدنيا بس جنبي في الدفنه اصل ابوك كان الكبير و جدك تقل كتفي بأمانه اني ورث ابوك يفضل معايا بالربح بتاع ز ياخده اولاده الي هو انتا و مروه (طلع ملف كبير جدا) ده ملف فيه كل حاجه من ورث ابوك من جدك و الارباح بتاعته بالورقه و القلم و الفواتير كمان اقعد ركز فيه و اجل موضوع السفر ده شويه
انا : (باصص لي الملف و بقول يا تره يا ابويا كنت مخبي ايه تاني) طيب ياعمي
خدت الملف و طلعنا بره تاني وسط الكل
انا : ماما اجلي موضوع السفر ده
امي : ليه
انا : (مش عارف اقولها ايه الاني مدايق من السر ده) مش عارف بس أجلي السفر
طلعت الاوضه الي فوق و قفلت علي نفسي وفتحت الملف و كانت اول ورقه فيه كانت اعلان وراثه لي جدي غير كشف بكافه الاملاك اولها 100 قدان ارض تتوزع على خمسه كل واحد 20 فدان و غير سيوله في البنك 15 مليون جنيه نصيب كل واحد 3 غير كمان جدي كان سايب 500راس ماشيه متقسمه على خمسه
في بقي شغل جانبي يعني نصيب ابويا بعد الزياده و الارباح كام 40 فدان ارض و السيوله زادت من 3مليون جنيه لي 15 مليون جنيه اما المواشي فا فضلت زي ما هيا كل عمليه بيع و شراء بتحصل متسجله بالفواتير و في مكسب جانبي منها 12 ميلون جنيه
في نسبه في فندق على النيل في الاقصر و ده بعد ما جدي توفي بخمس سنين و نسبه ابويا 20٪ و في عشر عمارات سكانيه في اسيوط و دي بعد موت جدي بسنه بس و ابويا ليه عمارتين و الايجار مودع في حساب بنك لوحده بقيمه 50 مليون جنيه
خلصت الورق و انا مبلم خالص مش فاهم حاجه بحاول استوعب ليه عمي فتحي يديني كل ده مع انه كان ممكن يضرب عليه و كده كده ابويا مات مش عارف طلعت البلكونه اولع سيجاره وانا واقف لقيت شجره كبيره جدا بره البيت (بيوت العيله كلها متحوطه بسور حوليها و كل بيت ليه الجنينه بتعته بس الشجره دي بعيده قوي في اخر السور مش عارف شدتني روحت عندها و قعدت تحتها و لعت سيجاره في التانيه و اقيت راجل كبير جدا جدا في السن داخل عليا شكله جلد على عضم و ماسك عصايه سوده بيسند عليها
واحد : صباح الخير يا ولدي
انا : صباح النور يا حج
واحد : (قعد قدامي) مش ها قولك انتا مش عارفني اياك الانك متعرفنيش انا جدك عتمان
انا : اهلا يا جدي
عتمان : (مد ايده يسلم عليا) السلام بالأيدي ميضرش يا ولدي
انا : طبعا يا جدي (سلمت عليه و هو ابتسم ليا جامد)
عتمان : (مبتسم) بتحب التفاح يا ولدي
انا : هو في حد مش بيحب التفاح
عتمان : في ناس مش بتحبه انتا عارف انك قاعد تحت اكبر و اقدم شجره تفاح في مصر كلها الشجره دي انا زرعتها انا و جدك زمان (مد العصاية بتعته و خبطها في الشجره وقعت تفاحه) الشجره دي مهما عدي عليها زمن ها تفضل تثمر (خد التفاحه و مسحها) كل يا ولدي
انا : (مسكت التفاحه كانت كبيره شويه و قطمت منها قطمه) طعمها حلو قوي و مسكر
عتمان : انتا عارف يا ولدي اني التفاحه الحلوه دي كانت سبب خروج ابونا ادم من الجنه
انا : عارف بس مش معني كده اني اسيب التفاحه دي اصل طعمها حلو قوي هههههه
عتمان :انا مش قصدي انك تسيب التفاحه انا قصدي تخلي بالك من حوا هيا الي عطت التفاحه لي ادم و ادم قطم منها اتعلم يا ولدي مش كل التفاح طعمه حلو وله يتاكل كله
في مشهد اخر
جامعه القاهره عماد واقف يركب عربيته ومعه واحده
واحد : عماد رايحين فين
عماد : رايحين الشقه عندي ناخد دش و نريح شويه و ننزل
واحد : ماشي بس لزم ارجع بدري علشان انا عندي كرسات مهمه
عماد : (بنظره حمدي الوزير) موعدكش يا قمر
دخل عليهم ضابط
ضابط : عماد صبحي
عماد : (بص وره) انتي بلغتي عني وله ايه
ضابط : افندم
عماد : لا مفيش حاجه خير يا باشا
ضابط : اتفضل معايا
عماد : طيب ممكن اعرف فين و انا مقبوض عليا ليه
ضابط : لا انتا مش مقبوض عليك انتا جي بصفه وديه
عماد : لو ودي يبقي ماشي يله امشي يا بنت الفقريه من قدامي امشي
ركب عماد البوكس بس من قدام و طلع به على المحكمه الدستوريه وصله لي مكتب قاضي و دخل عماد
ضابط : عماد صبحي يا فندم
شخص : طيب اتفضل انتا اقعد يا عماد
عماد : (قعد قدام الشخص ده و وصف سريع راجل ابيض بحمار و شعره ابيض رزي و تخين) خير يا فندم هو انا هنا ليه وله بعمل ايه يعني لو ممكن اعرف
شخص : طبعا طبعاً انا القاضي عمرو ابو روان زملتك في الجامعه
عماد : اه اهلا يا عمو انا سعيد اني شوفت حضرتك بس هو انا هنا ليه
عمرو :ينفع يا عماد يا ابني صحبك ايهاب يبتز روان
عماد : يبتز ازي
عمرو : يفبرك صور ليها و يطلب منها حجت غلط
عماد : بس ده محصلش
عمرو : (وشه احمر اكتر و اكتر و عطي عماد ورقه) لا حصل
عماد : (فتح الورقه كان جوها شيك بمبلغ 200 الف جنيه) حصل ايهاب ده واطي قوي
عمرو : (بص ليه وابتسم) انا بقول كده برضه انتا جي معايا اسيوط حلا نقابل اهله ماشي
عماد : يا باشا انا اروح معاك الهند
عمرو : شاطر ليك مستقبل
خد عماد و نزله ركبه العربيه مع عمرو و طلعه على المطار خده اول طياره و وصله اسيوط بعد ساعه كانت في عربيه مستانيه خدوها و طلعه على مدريه الامن قابل مدير الامن اسمه منتصر
منتصر : اهلا يا عمرو بيه شرفت المدريه كلها
عمرو : اهلا يا سيادت الواء
منتصر : اقدر اخدمك بايه
عمرو : في واحد هنا في اسيوط بقاله ثلاث ايام اسمه ايهاب نازل في خان المحمدي عايزه
منتصر : هو منين
عمرو : من بولاق
منتصر : (رفع السماعه بتعته) يا باشا يجي بس اسمه بالكامل (كلم حد في التلفون) خد يبني عندك الاسم ده اكتب (قول يا باشا)
عمرو : ايهاب جمال يونس صفوان المحمدي
منتصر : اكتب يابني ايهاب جمال يونس احا لا مش انتا اقفل دلوقتي و امسح الاسم ده (قفل مع التلفون) هو الي حضرتك عايزه يبقي من عيله المحمدي
عماد : ايوه
منتصر : ابن مين فيهم
عماد : ابوه يبقي المرحوم جمال المحمدي و عمه يبقي الحج فتحي المحمدي
منتصر : (بيدعك في دقنه شويه) كده يا عمرو بيه ادامت فيها حد من عيله المحمدي يبقي انا عايز امر من راسه الجمهوريه و دعم من وزاره الدفاع
عمرو : ليه رايح تجيب مين ده حتت عيل بشخه
منتصر : حتت العيل ده يبقي عمه اخو ابوه فتحي المحمدي و عمه التاني يبقي راضي المحمدي مساعد اول وزير الداخلية ده غير بلدهم الي تعداد سكنها 10 الف فرد و كلهم مسلحين على اعلي مستوي و كلهم من عيله المحمدي يعني دخول و خروجي بإيهاب وانا عايش او حتي القوات مستحيله دي اسيوط مش جردن ستي
عمرو : يعني ايه انا مش هاعرف اخد حقي من نكره زي ده
منتصر : لو من عيله المحمدي يبقي مش نكره لو هو مديقك قوي كده انا عندي حل
عمرو :ايه هو
منتصر :قعده صلح عرفي
عمرو :لزم اخد الضمان الحكومي الاول
منتصر : لا لو علي ورق الحكومه فا ده ملهوش لزمه عندهم قد كلمتهم قدام الناس
عمرو : انتا شايف كده
منتصر : ايوه و ده عين العقل
عمرو : ماشي بس لزم النهارده علشان لزم ارجع بكره الصبح
منتصر: بس كده ماشي (طلع تلفونه و كلم عمي فتحي) حج فتحي صباح الخير يا حج
فتحي : صباح النور يا منتصر خير
منتصر : كل خير يا حج انا معايا واحد اسمه عمرو قاضي من المحكمه الدستوريه جي في عتاب مع ابن اخو معليك
فتحي: انهي واحد فهم
منتصر : ايهاب بيه
فتحي : طيب تشرفه منتظركم
منتصر : مسافه السكه يا حج سلام
قفل معه و قامه نزله
المشهد الريسي
قاعد مع جدي عتمان تحت الشجره
عتمان : خلي بالك من حوا يا ولدي
انا : حاضر يا جدي
عتمان : اقوم انا امشي عايزني في حاجه
انا : شكرا يا جدي
عتمان : طيب سلام ابقي تدخل اي عمك عايزك و خليك فاكر خلي بالك من حوا سلام
مشي وانا مش عارف هو قصده ايه بس شكله و سنه الكبير بيقول انه اكيد بيخرف لقيت مروه بعتالي رساله ادخلها قومت و رحت البيت لي مروه
غنيمه : (بصت لي التفاحه و حجمها) انتا جبت التفاحه دي منين
انا : جدي عتمان ادهالي
غنيمه : (بصوت عالي) يا فتحي تعاله هنا بسرعه
فتحي : (جيه بسرعه) في ايه يا امي
تيته : (اتكلمت بصوت عالي و نرفزه) ايهاب اكل تفاحه من الشجره القديمه
فتحي : (بص ليا بستغراب) انتا جبتها منين
انا : جدي عتمان خبطها بالعصاية بتعته و نزلت التفاحه و عطها ليا
تيته : و جدي عتمان يعمل فيا كه ليه
فتحي : (خد تيته في حضنه) اهدي يا امي اهدي سبيها على الستار تعاله يا ايهاب معايا
مشيت معاه و سمعت صوت تيته و هيا بتعيط وانا لسه ماسك التفاحه في ايدي دخلنا المكتب
انا : هو ايه الي حصل
فتحي : الشجره دي ملعونه زمان زرعها جدي عتمان و جدي صفوان و هما شباب علي فكره جدي عتمان عنده تقريباً كده 150 سنه ده معامر و هما شباب كانو مغرورين جت ست فقيره عايزه تاكل من الشجره رفضه بس هيا كانت سحاره بتعمل سحر و اعمل لعنت الشجره دي لعنه اني اي حد ميعرفش حكايتها و يشوف الشجره يتشد ليها و لما تقعد تحتها تطلع ثمره لما تكلها تبعد عن هنا
انا : ازي
فتحي : هيا كده لو رحت انا وانتا تحتها دلوقتي و خبطناها ها تنزل تفاحتين مش واحد بس لو طلع عليها اي حد تاني مش ها يلاقي فيها ثمره واحده لو كلت منها تكره البلد
انا : (بصيت لي التفاحه و قطمت منها حته) كل الكلام ده تخاريف انا لو مشيت من هنا يبقي علشان انا عايز كده و لما امشي اكيد هارجع انا مصدقت لقيت اهل و اسره
فتحي : معلش يابني جدتك ست كبيره و تعلمها على قدها المهم انتا تعرف واحد اسمه عمرو شغال قاضي
انا : (ابتسمت) ايوه ليه
فتحي : طيب قولي ايه حكايتك معاه علشان هو الي بلغ فيك في القاهره
انا : (حكيت لي عمي عن روان من البدايه لي النهايه) بس يا عمي دي كل الحكايه
فتحي : طيب ابوها عايزنا نقعد نحل القصه دي النهارده و عمك راضي وصل و جي كمان شويه و هما جين كمان تقعد و نحل الموضوع ده خالص
انا : ماشي دي مش حاجه اخاف منها
فتحي :طيب اطلع اجهز
طلعت بره و لقيت تيته قاعده تعيط و مرات عمي بهديها رحت ليها و قعدا قدمها على الارض
انا : ممكن اعرف يا ست الكل انتي زعلانه من ايه
تيته : ها تمشي يا ولدي
انا : طيب يعني امشي و اسيب تيته القمر دي ليمين ها يعني ابقي معنديش دم
تيته : كلامك حلو زي ابوك يا ولدي
انا : بلاش الكلام ده امشي ماشي لكن وانا عايز امشي وارجع تاني
تيته : يعني لو مشيت ها ترجع
انا : و اسيب القمر ده لي مين بس
سبتهم وطلعت الاوضه البس و حصلتني امي
امي : ايهاب انتا اجلت السفر ليه
انا : (باسلوب جاف) كده عادي
امي :مالك يا حبيبي فيك ايه
انا : في اني ازي كل ده انا معرفهوش ازي ليا بدل العم اربعه و عيله و بلد كمله وانا معرفش
امي : نصيب يا ابني نصيب و ابوك هوا الي قال مش عايز حد فيكم يعرف
انا :ازي منعرفش ازي دي حياتنا برضه
امي : عايزني اقول ايه ها ابويا رمي بنته علشان خرجت عن طوعه و اختارت الي حبته و رفضت ابن عمها انا ابويا طلق امي علشان جت تزورني يوم ما ولدتك تخيل بقي احكي ايه وله ايه ايهاب الي حصل حصل خلاص و لوله وصيه ابوك انه يدفن هنا و وصيه جدك يونس محدش فيكم كان ها يعرف حاجه
فضلت باصص ليها شويه و سبتها و نزلت تحت رحت لي عمي المضيفه كان قاعد مع ناس و عماد منهم
فتحي : تعاله يا ايهاب ده مدير الامن منتصر و ده عمرو بيه الضيف
انا : اهلا و سهلا
فتحي : خير يا عمرو بيه
عمرو : ايهاب عمل علاقه مع بنتي و استغل انها بريئه
فتحي : طيب توضيح علاقه من انهي نوع
عمرو : علاقه حب
فتحي : برضه مش فاهمني علاقه لي انهي مرحله وصلت لي ايه
عمرو : لا كلام و شات بس و لما رفضت انها تعمل حاجه غلط بدا يبتزها و ده الشات (طلع الشات مطبوع على ورق)
انا : (مسكت الروق قريته ده مش كلامي ايوه الصوره و الاسم المتسجل به بتاعي) طيب هو تلفونها معاها
عمرو : ايوه
انا :طيب ممكن تطلعه
عمرو : (طلع تلفون روان و هو تلفونها) اهو
انا : طيب ممكن ترن علي الرقم ده الي اخدت منه الشات
عمرو : في رقم 010 و رقم 012
انا : لا 012
عمرو : (رن علي الرقم و هو فاتح السبيكر عطه مغلق)
انا : طيب ممكن ترون علي الرقم 010
عمرو : (رن على الرقم فا تلفوني رن)
انا : ده رقمي الوحيد بتاعي و ممكن تتأكد من شبكه المحمول لو تحب وانا مقولتش الكلام ده خالص انا علاقتي ببنتك اني كنت بحبها و مستحيل اعمل حاجه زي دي في بنت بحبها
عمرو : (حس انه محرج فا قال انه مأمن نفسه بعماد) متقول كلمه يا عماد و اهو صاحب عمرك يقول الحقيقه
عماد : (باصص في الارض)
عمرو : ما تتكلم يا ابني قول حاجه من الي قولتها عندي في المكتب
عماد : انا
عمرو : ايوه انتا مش جتلي و قلتلي علي كل حاجه
عماد : اه صحيح الكلام الي في المكتب طيب قولي الي قبل الشيك وله بعده (طلع الشيك من جيبه و قطعه) لو انتا سألت عني كويس كنت عرفت اني 200 الف جنيه دي مصروف شهر بالنسبه ليا
عمرو : (بغضب) قول الحقيقه لا اوديك وره الشمس
عماد : توديني وره الشمس انتا برضه متعرفنيش انا عماد صبحي صفواني فوق انتا متخيل انك تعرف تعمل معايا حاجه ماشي
عمرو : (قام) بقي شويه عيال زيكم يلعبه بيا انا الكره
فتحي : (بستفزاز) لا هما لسه عمله حاجه و بعدين قومت ليه اقعد يا راجل اقعد
عمرو : (بص لي فتحي بشر) انا هادفنك انتا و عيلتك و اهلك و بلدك كلها تحت التراب
فتحي : يعني اعتبر دي البدايه
عمرو : و النهايه مش بعيده
طلع عمرو و مدير الامن فضل قاعد و هو متوتر
فتحي : (باصص لي الباب) منتصر خليك فاكر انتا في مكانك علشان انا عايزك هنا مش اكتر
منتصر : فاكر يا حج
فتحي : شاطر تقدر تمشي يله
مشي منتصر
انا : اصيل يا ابو رحاب
عماد : حاولت اعمل حاجه صح
انا : اخويا مش صحبي
فتحي : بجد شكرا يا عماد على الحركه دي كان ممكن تقبل الفلوس بس انتا رفضت و علشان الجدعنه دي ليك عندي شيك اكتبه بنفس المبلغ و لو عايز ازيد
انا : لالا يا عمي 200 الف دي عماد بيغير بيها عربيته
فتحي : ههههه انتا بقي يبقي ابوك صبحي صفوان صاحب شركه المقولات
عماد : ايوه و بعدين وله كنوز الدينا تساوي صاحب تدخله بيتك على امك و اخواتك البنات و يصون العيش و الملح و عينه مترحش علي حد منهم و كل ده في ايهاب ابيعه ليه بقي علشان شويه فلوس ملهاش لزم
فتحي : جدع يا عماد انتا عمك يبقي اسلام صفوان رايس الغرفه التجاريه
عماد : ايوه
فتحي : طيب لما تشوفه قوله الحج فتحي المحمدي بيسلم عليك و يقولك عايزن نسافر العمره السنه دي
عماد : هو حضرتك تعرفه
فتحي : ايوه انا و ابوك و عمك طلعنا عملنا الحج مع بعض و من سعتها واحنا اصحاب
عماد : الدنيا دي ديقه اوي
فتحي : اكتر مما تتخيل المهم انتا تبيت يا عماد النهارده
عماد : مش ها ينفع
فتحي : لا ينفع يله خده يا ايهاب اقعده بره شويه علشان عندي زياره يله
انا : ماشي يا عمي يله يا عماد
طلعت انا و عماد و دخل ناس لي عمي فتحي من باب المضيفه بعد ما طلعنا عدل
فتحي : (قام و هوا فاتح دراعه) اهلا وسهلا بالحاج علاء الصمدي اهل المنيا
علاء : (خده بالحضن) كويس يا حج فتحي احب اعرفك على
فتحي : علي محمد راضي الصمدي طبعا عارفه ده ابن الغالي ازيك يا علي
علي : (بيسلم عليه باسلوب جاف جدا) اهلا
فتحي : (ابتسم ليه) تعاله ندخل المكتب جوه
دخله المكتب و قعده
فتحي : انا الود ودي اذبح لي زيارتكم دي بس انتا عارف يا حج علاء وفات جمال مش مخلياني عارف اعمل معاكم الواجب كويس
علاء : واصل يا حج فتحي
فتحي : عمال تبص علي المكتب يا علي عجبك الديكور انا عارف انه عجبك الديكور ده زوق ابوك الحج محمد الصمدي
علي : باين جدا
علاء : المهم علي ها يسافر خلاص
فتحي : بص يا علاء انتا قولت سفر قعدنا رسما الحوار سوا لكن موضوع السفر ده لا هو يقعد هنا معزز مكرم و نجيب الي عمل كده لحد هنا تحت رجله
علاء : معلش يا فتحي سيبه يخلص نفسه بنفسه
فتحي : هو مسافر لي مين و فين
علاء : باريس لي فرحات
فتحي : (بص لي علاء بخضه) فرحات السوري
علاء : ايوه
فتحي : طيب يا حج احنا نصبر شويه لحد اليل علشان الورديا الليلي سهله عن النهاري
علاء : ماشي
فتحي : علي انا عارف اني الي اتعرضت ليه مش قليل عشر سنين في مستشفي المجانين صعبه بس الي شفته جوه قبيح بس العالم دلوقتي اقبح عندك استعداد تواجه
علي : (كان الكلام مهزش فيه شعره) عارف
فتحي : خلاص تسافر
المشهد الريسي
اليل دخل علينا و مفيش حاجه تتعمل خالص قولت لي عماد تعاله نروح الفندق نقعد فيه شويه و رحنا هنا و هناك حصل حاجه غريبه نعرفها الجزء الجي
يتبع.....
تنويه بسيط الناس الي قرات قصه الفنجان و بتقري القصه دي و بيقوله فيها نطح و اوفر كتير جدا يعني يا جماعه بالعقل دي قصه خياليه مش حقيقه هيا و الي قبلها برضه يعني توقع كل حاجه ممكن الفصل الجي اقولكم ايهاب اشتري عربيه بتطير و الي صممها و نفزها كان توني ستارك بتاع سلسله افلام مرفيل خيال يعني توقع اي حاجه منها قصص الخيال ملهاش حدود و لزم تعرفه كده كويس
شكرا
الفصل الثالث
الحياه السعيده طول عمرنا كل الناس بتدور على الحياه السعيد بس هو فين السعاده ممكن في الفلوس لا الفلوس ليها مشاكل زي طمع الناس الي حوليك فيها او ممكن في الاهل و الاصحاب برضه لا الاهل و الاصحاب ديمن ها يكونه شيفين انه ليهم راي في حياتك و يتحكمه فيها تحت اسم اهل و اصحاب و خيفين عليك طيب فين السعاده الصراحه مش عارف فين السعاده شكلها كده كذبه كبير جدا على الناس علشان تقدر تكمل حيتها يكون امل ليهم و لما يكون الامل كاذب بتكون الاهداف كاذبه من البدايه
رأيتي الشخصيه))
بدايه الفصل
وقفنا الفصل الي فات لما إيهاب خد عماد و راحه الفندق بتعهم في اسيوط قعده شويه خده قعدتهم الي كان فيها خمور الان المكان سياحي بس محبش اني حد من هناك يعرف هو مين اصل برضه من الزوق يعني ده قاعد يشرب خمره خلصه و رجعه تاني بات عماد مع إيهاب في مضيفه في البيت و تاني يوم عماد رجع تاني القاهره و ايهاب قعد فتره مدتها شهر علشان جدته و يثبت ليها انه لو عايز يمشي فا ها يكون منه هو في يوم خده الحج فتحي و راحه معرض عربيات في اسيوط كل الي هناك من العمال بيرحبه فيه جدا و هو بيوزع عليهم فلوس
شخص : يا اهلا يا اهلا بالحج فتحي المحمدي نورت المعرض كله
فتحي : ازيك ياض يا صديق
صديق : في نعمه يا حج
فتحي : في معلمك
صديق : في المكتب فوق الست هانم مراته الاوله لسه عطياه على دماغه و بعدها التانيه
فتحي : طيب خد ايهاب ابن اخويا و فرجه على العربيات الاماني يله وانا طلع لي معلمك رواح مع صديق يا ايهاب
انا : ماشي يا عمي
رحت مع صديق و عمي فتحي طلع لي صاحب المعرض اسمه يسري المكتب فوق هما اصحاب من يجي 40 سنه
يسري : ايه الي جابك يا فتحي
فتحي : هو انا اعرف غير خلقه امك علشان اقعد معاها
يسري : فتحي اطلع من دماغي
فتحي : مالك يا صحبي فيك ايه
يسري : مشكله كبيره يا فتحي
فتحي : ايه هيا
يسري : مراتي الجديده حامل
فتحي : ههههههه و فيها ايه يعني
يسري : فيها اني داخل على 60 سنه يعني الواد ها يكبر وانا مش موجود
فتحي : و عرفت منين انتا عارف ها تموت امته
يسري : لا بس بالمخ كده انا كل يوم بكبر
فتحي : طيب سيبك من الكلام ده الي خلقه و خلقك مش ها ينساكم
يسري : المشكله في الاوله انا كنت متفق معاها اتجوز بس مخلفش من التانيه
فتحي : و اهو حصل تعمل ايه يعني خلاص
يسري :ماهو خلاص فعلاً انتا ناسي اني عامل توكيل عام رسمي لي الواد ابني مدحت الكبير و الواد واقف في صف امه و الهانم عيزاني اطلق التانيه و اتبره من الواد و تقول انه ابن حرام مش من صلبي
فتحي : (بص لي يسري شويه) طيب وافق ده عرض كويس
يسري : اوفق ازي يا فتحي بقولك ابني من صلبي يترمي في الشارع ده مستحيل
فتحي : طيب لما انتا حاسم قرارك عمال تفكر كتير ليه خلاص
يسري : مش عارف يا صحبي
فتحي : بص قدامك ثلاث حلول الأول انك تقبل عرض مراتك و التاني انك ترفض و تترمي في الشارع و انا حزرتك بلاش تمسك كل حاجه لي ابنك مدحت علشان هو ميال لي امه اكتر قولي صحيح هو يعرف شغلنا
يسري : (هز دماغه ايوه)
فتحي :طيب يعني اكيد يعرف الفلوس السيوله و المتجمد الي على جنب صح
يسري : (هز دماغه ايوه)
فتحي : طيب متقفله يا صحبي بس الحل التالت انك تميل دماغك ابنك ليك و ده صعب علشان ابنك لو ميال ليك كان قال لا لي امه بس قرار امه في مصلحه هو معاه التوكيل و اخواته لا يعني امر امه لي مصلحه و انا كذي مره اقولك خالي بالك من مدحت بلاش يعرف سرك علشان الواد طماعه كنت تقول ده طمعان في ابوه مش حد غريب البس بقي
يسري : الحل ايه قولي حل بلاش الجو ده انا قولت انا عملت و انتا ساكت قول حل
فتحي :حلها شمال نكلم حبايبنا الي في الشهر العقاري يبقي دفتر اتحرق و موظف ياخد جزي او لفت نظر و تغير اماكن الفلوس السيوله و الجامده و تكلمهم تعرفهم اني مش موافق تقفل تلفونك و تطلع على شرم الشيخ مع المدام و سبهم ياخده اجراء قانوني بالورقه الي معاهم
يسري: و بعدين انا كده ها يتخرب بيتي
فتحي : لا حبايبنا برضه ينكره وجود الورقه تبقي مضروبه في نظر القضاء يبقي انتا عملته درس انك تقدر تحبسه و شلت الشوكه الي في ضهرك
يسري : صعب يا فتحي الناس ها تتكلم عن الاب الي ها يحبس ابنه
فتحي : تتكلم عن ابن خد شقي ابوه و طمع في اخواته و رمي ابوه و اخوه الصغير في الشارع وله تتكلم عن اب حب يعلم ابنه درس و يربيه من اول و جديد ايهم أقرب
لسه يسري ها يرد دخلت انا بعد ما خبط مع صديق
يسري : اهلا يا ايهاب يا ولدي كيفك و كيف احوالك
انا : تمام يا حج يسري
فتحي : ها يا ايهاب اخترت
انا : ايوه بس محتار بين اتنين واحد مرسيدس ايه ام جيه و التانيه بي ام دبليو
فتحي : خليك في المرسيدس شيك و ايه ام جي شبابي برضه تمشي مع الكل وله تاخد الاتنين
انا :لا اتنين ايه كتير قوي كفايه واحده
فتحي : الي تشوفه
يسري : و العربيه هديه مني ليك يا عم ايهاب
فتحي :طيب حل المشكله دي الاول
يسري : خلاص انا موافق على رايك
انا : شكرا يا حج يسري بس انا لو هخدها يبقي ادفع تمنها
يسري : ليه يا ابني ده هديه بسيطه
انا : انا عارف بس متعودتش اقبل هدايه من حد
فتحي : ده عمك يسري يا ايهاب مش حد غريب
انا : معلش يا عمي انا اتعودت على كده و ده نظامي لزم افضل محافظ عليه
فتحي : بس
انا : معلش يا عمي سبني على راحتي
يسري : يابني اسمع بس
فتحي : خلاص يا يسري الواد دماغه نشفه زي ابوه مش ها يجيبه من بره
يسري :طيب الي تشوفه امضي (مضيت على العقد) صديق خد من ايهاب بيه البطاقه بتعته و اطلع على المرور قول لي احمد باشا مطاوع اني العربيه دي بتاعت ايهاب بيه المحمدي ابن اخو الحج فتحي المحمدي و تخصني شخصين خليه يخلص كل حاجه و ادي العقد الامضاء باسم ايهاب جمال يونس مفيهاش حاجه غريبه خلص كل حاجه و استلم الرخصه و ابعتها لي البيت عند الحج فتحي
صديق : حصل يا حج احنا عنينا لي عيله المحمدي
فتحي : (قام سلم على يسري) ها ستناك بكره ننفذ الي اتفقنا عليه
يسري : ماشي يا اخويا شرفتم
مشينا من عند يسري نزلنا تحت
فتحي : قولي يا ايهاب بتعرف تسوق وله اعلمك
انا : بعرف اسوق
فتحي : (عطاني مفتاح عربيته) وريني كده
انا : (اخدت المفتاح و ركبنا العربيه سوقت انا)
فتحي : لا سواقتك حلوه اتعلمت امته
انا : من سنتين اشتغلت على مكروباص
فتحي : مكروباص!!!!! مش مكسوف و انتا بتقول كده
انا : اتكسف لو اشتغلت بياع برشام او حشيش لكن انا كنت بطلع على اكل عيشي
فتحي :و ابوك كان يعرف
انا :طبعا كان عارف ده كان يشجعني انزل اشتغل
فتحي : عرفت تربي يا جمال راجل صحيح مش عيل و خلاص انتا عارف ابوك زمان كان يزوغ من جدك و ينزل الأرض يشتغل فيها في مره جدك عرف حبسه في البيت ابوك هرب من البيت و نزل الارض و لما مسكه زعل معاه ابوك سعتها قاله ا
